27/05/2010, 01:32 PM
|
| زعيــم فعــال | | تاريخ التسجيل: 07/07/2009 المكان: الرياض
مشاركات: 250
| |
أخآلفــك وبشدة..
وأتمنى أتمنى تثبيتها في الـــملز
بالنسبة لي 20 ألف حضور فعال .. أفضل بمليون مرة من 70 ألف حضور صامت ..
وبعدين ملينا من مستويات الهلال الباهتة في استاد الملك فهد ..
حط في بالك السنوات الأخيرة .. وتذكر وقول لي
هل كان الحضور الغفير 70 ألف سبب في تأهل الهلال أو على الأقل أثر في نتيجة أي مباراة للهلال ..
جميع تلك المباريات كان مستوى الهلال باهت والفرق الخليجية كانت تطلع باللي تبغاه معنا ..
ماهي مسألة تشائم وتفاؤل .. ولكن المثل يقول .. اللي تكسب به "العب به"
والهلال أثبت بأنه متمرس بالملز .. وقادر على الفوز فيه .. ولو ترجع للاحصاءات المواسم الأخيرة .. تلاقي ان الهلال يقدم أفضل وبمراحل .. لا من ناحية التهديف ولا من ناحية مرات الفوز ..
هل تعلم ان الهلال خلال السنوات 4 الأخيرة .. لم يخسر على أرض الملز .. بالمقابل احسب عدد مرات الخسارة في استاد الملك فهد ..
هذا يثبت ان الهلال متمرس على أرض الملز ويقدر يسيطر عليه بالطول والعرض.. ومساحة الملعب المناسبة لها دووور مؤثر جدا..
أتمنى نلعب بالدرة ولكن مع غير الفرق الخليجية كالايرانية والاوزبكية .. لأنها تفتح لك ملعبها.. وهذي هواية الهلال .. عندها بتلاقي الهلال يمتلك مساحات الدرة ..
أما مع الفرق الخليجية .. ولأنها فرق تتابعك ليل نهار وتعرفك وتعرف أدق تفاصيلك.. صارت تعرف وشلون وحافظه طريقة كيف تهزمك وخصوصا بملعب الدرة ، وتعرف شلون تجيّر مساحات الدرة لصالحها وتقلبها ضدك ..
هذا غير ان تأثير الجمهور للأسف ما يظهر في الدرة الا لما يكون الفريق فايز.. وأنا وش ابغى فيه وقتها.. أحتاج الجمهور وقت الخسارة وقت التخلف بهدف
الملز بمدرجاته مناسب جدا.. خصوصا في مباراة ضد فريق خليجي .. ولا تنسى الهلال متمرس في هالملعب وعارف خريطته زين
نقطة أخرى :
جريتس بنفسه طلب الملز .. ولا تصدقون انه طلبه بسبب الجمهور .. لأن مثل هالمدرب شاف في ملعب الملز ومساحته وحضور الجمهور فيه .. اللي ما قدر يشوفه بالدرة ..
أن عن نفسي وانا خلف الشاشة .. استمتع بجمهور الملز .. أكثر من جمهور الدرة ..
واقولك من الحين .. الغرافة مارح يختلف بطريقة لعبه عن ام صلال والوحدة والكويت .. رح يسكر دفاعه .. ولا تتوقع انه بـ يفتح لك ملعبه .. حتى لو كان هجومي رح يتحول دفاعي لأنه يعرف ان المبارة على ارضك .. ويعرف خطورتك على أرضك.. لذلك الغرافة رح يتبع أسلوب عيال عمه واخوانه من الفرق الخليجية اللي قابلناها .. والهلال أثبت فشلة بالتعامل مع الفرق الدفاعية خصوصا بملعب مثل الدرة..
بالمقابل .. كان يقدر يطلع باللي يبي مع الفرق الدفاعية بملعب الملز .. وارجع لمباريات الدوري .. كالرائد والقادسية .. هالسنة .. كانت دفاعية وصعبة لكن بالأخير الهلال قدر يطلع بنقاطها ..
أعيد المسألة ماهي تفاؤل وتشائم .. لكن الوقت يثبت يوم بعد يوم ان الهلال يبدع ويمتع ويفوووز أكثر على ارض الملز
أما اللي يقول ان مساحة الدرة = مساحة الملز ... أخالفه لأني ماني قادرة اشوف التساوي بالمساحة .. إلا ان الدرة مساحته ضخمة حتى اللاعبين يحتاجون للحركة 90 دقيقة حتى يطبقون التكتيك المطلوب منهم وهذا يستهلك جهد
عكس الملز اللي يخدم الهلال بتقارب خطوطه ولاعبيه ..
لذلك أتمننى أتمنى التثبيت على الملز
ويا جريتس دامك ترتاح بالملز أكثر.. فاحنا معاك .. بل ومنذ فترة نشجع على الانتقال للملز و "خصوصا" .. أمام الفرق الخليجية اللي تعشق الدفاع!!
تذكر بس حضور 70 ألف أمام الوحدة.. والكويت..بعدين قولي تبي ذاك المشهد يتكرر .. خسارة غائبة عنها رهبة الجمهور
بصراحة جمهور غريب..كنتوا تطالبون بالملز .. ولما حدث اللي تبونه .. قلتوا رجعونا للدرة ..
على فكرة .. مباراة بونيودكور ماهي مقياس.. وزي ما قلت لك الهلال فاز وبدع لأن الأوزبك فتحوا ملعبهم ..
أما مع خليجي.. احلم لأنه مارح يفتح لك ملعبه وهو متابعك ليل ونهار .. وعارفك من بدايتك لنهايتك
أنا مع " المــــلز "
  |
الوضع المتطور
