لاحظنا فى الفتره الماضيه ان الجمعان والعتيبى يتغلون
على النادى اللى عرفهم على الناس اللى يغيب
عن التمارين ويتشرط ابى عقد احتراف
واللى يبى مليون ونص وهذا من حقهم(كسر حوقهم)
لكن تعالوا نشوف هل يستاهلون او لا وليش يسوون كذا


عبدالله الجمعان
اولا : مستوى ممتاز وممكن يكون فى صفوة اللاعبين العالميين بس الله يخلف عقل ما عندك احد
ثانيا: كم مره يتغلى مثل البزران ويلقى اللى يقول له ابشر يا شاطر
ثالثا: مالقى اللى يوقفه عند حده اذا من حقه يسوى اللى يبى
رابعا: يضحك على الاداره انا خلاص عقلت واتوب وما عاد اسويها والمساطين يصدقون
يعنى يضحك عليهم(بالعربى اداره ما حولك احد)

العلاج

اجتماع اخير مع اللاعب وتحديد الاشياء التى يريدها النادى من انضباط واحترام للاخرين ومحافظه على التمارين واذا الرجل ما انضبط ما فيه احلى من التجميد خصوصا ان اللاعب هاوى والبرد جاي

حسن العتيبى

اولا:حارس كويس ويجى منه بس والله ما امسكه غنمتين لانه مهوب تكانه
ثانيا: كم مره نكب الهلال عد واغلط ولو نبى نطلع له شريط نقدر
ثالثا : يتشرط لانه المره الاولى لقى اللى يقول له تكفى لاتروح وصدق نفسه الدعيع

العلاج
بيعوه ببلاش عشان ينغبن انه ما يسوى شئ بس بشرط ما يقول انه كان بالهلال
عشان ما يقولون ان الهلال غشهم بحارس ما ينفع ولا يحرس استراحه

ياخوي مشكلة العتيبي نفسيه بس ياخ عطه مثل ماتعطي الدعيع ونت تشوف
وبعدين لاتنسى أن الدعيع نكباته كثير بس محد يتكلم والأمثله كثير أربعة الأتحاد ومباراة بيروزي والعام مع الأتحاد بس النزهان هوالحارس وعد وغلط بالعربي يا جمهور عطو العتيبي الثقه وبيصير أحسن من الدعيع

اخوي المنفهق
حلو هذا الطرح السلس ,, والله يعافيك وتعليقي على الاثنين هو :
الله يهديهم وبس وباختصار:
العتيبي ماينلام يبي يأمن نفسه وهو على الاقل مخلص ( لاحظ لاغياب ولا استهتار ولا ممارسات سيئة داخل الملعب )
اما الجمعان فهو يرفس النعمة برجلة .

إقتباس إقتباس من مشاركة معالي زعيم القارة اخوي المنفهق حلو هذا الطرح السلس ,, والله يعافيك وتعليقي على الاثنين هو : الله يهديهم وبس وباختصار: العتيبي ماينلام يبي يأمن نفسه وهو على الاقل مخلص ( لاحظ لاغياب ولا استهتار ولا ممارسات سيئة داخل الملعب ) اما الجمعان فهو يرفس النعمة برجلة .

انا اعتقد ان مشكلت الجمعان غرور لا اكثر ...... وصلتة الى مراحل بيدافع عن نفسة ولو هو غلطان ( عزة نفس ) ...... يا خسارة يا الجمعان ما كنا نتوقع هالشي ...... و لكني انتظر عودتك

إقتباس إقتباس من مشاركة عاشق السامي سامي ياخوي مشكلة العتيبي نفسيه بس ياخ عطه مثل ماتعطي الدعيع ونت تشوف وبعدين لاتنسى أن الدعيع نكباته كثير بس محد يتكلم والأمثله كثير أربعة الأتحاد ومباراة بيروزي والعام مع الأتحاد بس النزهان هوالحارس وعد وغلط بالعربي يا جمهور عطو العتيبي الثقه وبيصير أحسن من الدعيع

كل الاثنين لا يليقو بالهلال

ياخي عطوااااااا ضاري فرصه بعد وشفوا ايش يسوي

اخوى المنفهق اسلوبك فيه خفة دم وسلاسه وطريقة عرض مشوقه

بانتظار مقالاتك الساخره


اؤيد ما قاله الاخ الدكتور 15

وهو انه يجب اعطاء ضارى ولو عشر الفرص التى اعطيت

لغيره


لكن ضارى مسكين.... مظلوم ......... وينطبق على حاله المثل الشعبى القديم اللى يقول


ياحظ اللى امه فى البيت

لان اللى له ام فى البيت تلقى طلباته ...........كلها ملبيه


وحال ضارى فى الهلال يشبه لبعض اللى عايشين فى بيت ما فيه لهم فيه ام.


لان بعضهم مساكين محد جايب خبرهم حتى انهم ينومون من غير غدا ولا عشا .

فمان الله

عطو الجمان اللي يبي اهم شي لا يرررررررررررررروح

إقتباس إقتباس من مشاركة ريانة العود الهلاليه عطو الجمان اللي يبي اهم شي لا يرررررررررررررروح

قصدك خلوا الجمعان يقلب وجهه لان واحد من اشكاله مو كفو يلبس شعار الزعيم على صدره .

شعار الهلال اللي لبسه صالح النعيمه و فهد المصيبيح و يوسف الثنيان و سامي و التمياط حرام يتنجس بواحد ماعنده اخلاق مثل هذا .

حتى لو رجعوه ما نبيييييييييييييييييييه

إقتباس إقتباس من مشاركة عاشق السامي سامي ياخوي مشكلة العتيبي نفسيه بس ياخ عطه مثل ماتعطي الدعيع ونت تشوف وبعدين لاتنسى أن الدعيع نكباته كثير بس محد يتكلم والأمثله كثير أربعة الأتحاد ومباراة بيروزي والعام مع الأتحاد بس النزهان هوالحارس وعد وغلط بالعربي يا جمهور عطو العتيبي الثقه وبيصير أحسن من الدعيع

حسن يطال بحق من حقوقه بيامن نفسه لا ن الدعيع في اخر عمره هذا الواضح
ي ا تعطونه يا تدورون غيره وتخلون سبيله
اما مسأله لو ينعطي فرصه صار احسن من الدعيع هذي كيف ومتى واين واخواتها وبنات عمهم وجيران حروف العله والنصب والجر وسيبويه بكبره لو عاش ما قدر يركبها بجمله مفيده لانها ممنوعه من الصرف
==> قال احسن من الدعيع قال !!

الاخوة الاعزاء اشكركم على ردودكم على موضوعى ولى تعليق
عليها وارجو ان لااحد يأخذ بخاطره لان اهم شئ مصلحة الهلال

الاخ عاشق السامى سامى
بالنسبه للعتيبى اخذ فرص الى الليل وما شفنا الا بطوله وراء بطوله والهلال كلن يطوله

الاخ معالى زعيم القاره
نعم العتيبى انضباط ومحافظه على التمارين ومن حقه يأمن مستقبله بس اعتقد اللى اخذ المره الاولى يكفيه وزياده بالاضافه للمكأفات اللى حصل عليها بس اعتقد مليون واجد عليه ويهديه الله ويوقع وه9و ساكت لانه ان طلع من الهلال والله والله يضيع
اما الجمعان مهبول ولقى اللى يقوله اعقل يا خبل ومعناها ينهبل زياده خلوه والله يرجع يتمرن
ورجله فوق ظهره

الاخ زعيموه
غروره الجمعان يرجع عليه وخلوه احسن لكم وجمدوه

الاخ طلال الزنيدى

ابصم لك على العشره

الدكتور 15
مساك الله بالخير هو ضارى بس اللى راح على الهلال غيره كثير

اسطورة الهلال
كلامك درر تسلم وكفيت ووفيت

الاخت ريانة العود الهلاليه
لا انشاء الله ما راح يعطونه اللى يبى وخليه يخيس ببيتهم

الاخ واحد يموت على الزعيم

انا اشهد ان الشعار المفروض ما يلبسه الا اللى كفو

الاخ هلالى واشربوا من البحر
جاه كسر حقه وفعلا مسألة احسن من الدعيع حلوه

إقتباس إقتباس من مشاركة معالي زعيم القارة العتيبي ماينلام يبي يأمن نفسه وهو على الاقل مخلص ( لاحظ لاغياب ولا استهتار ولا ممارسات سيئة داخل الملعب ) .

ياخي عطوااااااا ضاري فرصه بعد وشفوا ايش يسوي