░ ياسر يؤكدهآ !! الهلال محتــــاج مهاجم ░ »»» - نادي الهلال السعودي - شبكة الزعيم

هلآلي كليجآ · #1 19/05/2010, 12:52 PM

السلام عليـكم

ابدا اول شي باختصار الموضوع
نبي مهاجم اجنبي آو محلي يملك حس التهديف وسريع التآقلم » هذا الاختصار للي ينزل للرد السريع قبل مايشوف الموضوع

بسـم الله نبدآ
تعرفون وش فارق النقطه !؟
تسمحون اجاوب عنكم ! النقطه سلمكم الله وسلمني

هذي ياما ابكت ناس وافرحت ناس بسبب بساطه الفارق وصغر كيان النقطه ولنا بالدوري الايطالي والاسباني امثله .. ومحلياً ليش نبعد الدوري السعـودي قبل سنه انحسم للاتحاد بفارق نقطه او نقطتين !!

بالفم المليان النقطه مهمه بكل مباراة وزادت اهميتها مع زياده عدد الانديـه فختصار للي فوق نحتاج فريق متكامل لايفرط بالنقاط

واحد يسال بعيد يقول : طيب وشلون مايفرط باي نقطه !!
انا اقولك

نرجع لمحور الموضوع ,
الكل عارف ان ياسر القحطاني يـمكن مايلعب اول مباريات الدور الاول من دوري زين بسبب الاصابه التي لحقت بكتفه والذي تحامل عليها وارهقته فيما بـعد .. لذلك اعزائي القراء مجبور الهلال يغطي هذا الفراغ الشاسع الذي خلفه ياسر بلاعب مميز بينه وبين المرمى عشق ومحبـه وقادر على التواصل معها وحاسم .. مانبي اي لاعب

هذا جواب للي سآل فوق

لان الهلال متكامل دفاعياً وحارساً

ووسط فقط الخلل بالهجوم ! ولو اكتمل الهجوم ماراح نفقد ولا نقطه باذن الله

بتقلون الموجودين فيهم الخير !!
اؤيد هالمقـوله لعيسى المحياني فقط اما البقيه للاسف تواجدهم نص مايعطي اللاعب الاساسي ... وهذا برنت على اللاعبين بشكل سريع :

اولا محمد العنبر :
لاعب ذات صيته بكل مكان وسرعان ماتلاشت واختفت ( الى الان مدري وش سبب انخفاض مستواه مره وحده ! )
يجيد ضربات الراس وللاسف اقولها فقــط لانه لاعبي طويل وبطي وثقيل ولا عنده مهارات تشفع له

اما الثعلب الصويلح < افضل حال من العنبر بقليل

يجيد ضربات الراس والمراوغات وثعلب بالمنطقه الحساسه الـ 16 لاكن اللاعب خرب مره وحده ! ويرجع السبب لثقل الجسم واهتمامه بالاثقال الذي ابعدته عن حساسية المباريات
............. وبالمجمل ماينفعنا بالقوه التي نريدها بالهجوم

ولو فرضنا دمج عبدالكريم القحطاني من شباب الهلال للاول
راح تكون اضافه جميله وقويه للاعب لاكن عليـه التاقلم مع روح الفريق والدوري وعقبال مايكمل التأقلم راحت 6 الى 10 نقاط

اما عيسى المحياني
فيه الخير وافضل الموجودين وقادر على حسم المبارايات ويعيبه عدم التفاهم الكامل مع الفريق و التمركز , لاكن تخيلو معي لو فرضنا اصيب !!

.

من يغطي المصاب ! ؟

يغطيه سلمكم الله الي كتبت الموضوع علشانه

المهاجم الاجنبي او محلي بصفات اجنبي وكثيره هي الامثـله والاداره اعرف بالاختيارات , وآجزم ان ادارتنا لا يمكن تخيب ضن جمهورها باذن الله بالاختيار

بس اهم شي هي تجزم وتجيب لنا مهاجم

لاننا محتاجن المهاجم هذا , حتى لو رجع ياسر قبل الدوري فوجود المهاجم دافع ومحفز واريحيه لياسر ولغيــره

وللجمهور عامه

واهم شروط اللاعب لا يكون مزآجي ( متى مامسكت )

يبادر احد منكم ويسآل : يكون بديل من لو كان اجنبي ؟!!

اعتقد واضح الجواب للكل صحيح مهارات وفاد الهلال كثيـر لاكن مزاجيته الدائمه والكثيــره انقصت شــوي وبمقدار بسيط من قدراتـه

آنتهى ,

لآتوآخذوني ان كان فيـه التماس احاسيس او مشجعين لان موضوعي فقط تفكير بصــوت عالي

وربما قد اكون اصبت وربما مخطى بكله او بعضه

wem11 · #2 19/05/2010, 01:41 PM

الله يكتب الخير للزعيم ويجب ان ندعم صفوفنا بلاعبين محلين

بن جبله المطيري · #3 19/05/2010, 01:44 PM

الله يكتب اللي فيه خير للزعيم

الف شكر على الطرح

محبوب نواف · #4 19/05/2010, 01:51 PM

موضوع يشكر عليه اخووي

اما بالنسبه للمهاجم اتمنى من الإداره جلب فيصل السلطان

بالتوووفيق للهلال ..!

عزوز عرعر الهلالي · #5 19/05/2010, 02:03 PM

با التوفيـــق ان شاء الله للهلال

Mokhtar · #6 19/05/2010, 02:04 PM

والله شوف اخوي.. عيسى فيه الخير والبركه ولاعب ما اخذ فرصته كامله وان شاء الله راح تشوفه مع بدايه الدوري

وراح تشوف لعبه ..اما بالنسبه للمهاجم الاجنبي لو بيجبونه على شان اسيا فا اقولك ممكن

العنبر احلى مافيه الراسيات وعمره صغير ومحتاج له وقت لانه اي فريق يلعب على المرتده عليك بالعنبر في الشوط الثاني يجيب

لك هدف من بين 10 مدافعين وهاذى ميزته لانك لو تشوف هدفه في باختكور راح تغير رايك اخوي

الله يكتب الى فيه الخير ونشوف صفقات حلوه مع بدايه الموسم

تحيتي اخوي

< عاشقة الزعيم > · #7 19/05/2010, 02:05 PM

بالتوفيق للزعيم
ودمت في حفظ الله

عبــد الرحمن · #8 19/05/2010, 02:09 PM

امنيه اشوف مهاجم بالهلال يمتلك تكوين جسماني مثل دروقبا وعبدالكريم زاييه الآن الكره الحديثه تعتمد على القوه والتكوين الجسماني

هلآلي كليجآ · #9 19/05/2010, 02:17 PM

إقتباس


	والله شوف اخوي.. عيسى فيه الخير والبركه ولاعب ما اخذ فرصته كامله وان شاء الله راح تشوفه مع بدايه الدوري وراح تشوف لعبه ..اما بالنسبه للمهاجم الاجنبي لو بيجبونه على شان اسيا فا اقولك ممكن العنبر احلى مافيه الراسيات وعمره صغير ومحتاج له وقت لانه اي فريق يلعب على المرتده عليك بالعنبر في الشوط الثاني يجيب لك هدف من بين 10 مدافعين وهاذى ميزته لانك لو تشوف هدفه في باختكور راح تغير رايك اخوي الله يكتب الى فيه الخير ونشوف صفقات حلوه مع بدايه الموسم تحيتي اخوي

رد جميل آوقفني من ضمن الردود ,
والعنبر مميز مثل مآقلت لاكن مآحافظ على نفســه وآذكره اول مابدا يلعب نبئ لنا بمستقبل مزهر غير الذي عليه الان , لاكن من ناحيه يجي منه فهو يجي , !
لاكن ليس بقوه

نورت والله يحفظ الهلال

ونشوف مهاجم مثل درقوبا على قولت عبدالرحمن

إقتباس