زمن التطور + قاعده جماهيريه + داعم حصري ( باقي برنامج خاص بالزعيم للجوالات) - نادي الهلال السعودي - شبكة الزعيم

@ هلالي @ · #1 17/05/2010, 02:22 PM

السلام عليكم ورحمة الله وبركاته

حيالله كل جماهير الزعيم من متفهمين و متعصبين ومن اللي ما عندهم سالفه

(كتبت الموضوع هنا لكثرة الزوار لهذا القسم)
--------------------------------
من زماان وانا افكر بالموضوع ( مدري فيه احد سبقني او لا ) بس ما اذكر اني قريته

مع تطور التقنيات والالكترونيات والبرمجيات
ومع توقع ان نسبة 95% من الشعب الهلالي خاصه وباقي الشعب عامه معه جوال فيه خاصية الانترنت والوايرلس ..
غير اللي مدلع نفسه وشابك النت على جواله 24 ساعه

ومع كثرة المبرمجين الهلاليين خاصه .. والمحترفين عامه .. ووجود جمهور هلالي يهز الدنيا ... وشركة داعمه مثل موبايلي ..
وبما ان فريقنا يملك جميع الامكانات والمقومات ..

مالكم بالطويلة .. القصيرة املح <<

اقتراحي :

عمل برنامج مخصص للجوالات وخاص باسم الهلال .. ويكون عن طريق الانترنت
وتكون فيه جميع اخبار الزعيم ...
مثل : جدول المباريات .. نتائج المباريات .. تشكيلة الفريق اللي بتدخل المباراة .. اهداف (وان حبيتو روابط بصيغ الجوال للاهداف) .. تصاريح لاعبين .. اخبار مختلفه للفريق ... الخ الخ الخ
ويمكن يتطور الوضع وتتابع المباراة لايف من الجوال

وهذي خدمه للي بيتابع اخبار الزعيم اول باول
و ما عنده كمبيوتر او لاب توب هاك اللحظه ..وغيرها من اسباب ..
--------

هذا اللي عندي وان شالله اكون وفقت في كتابة الموضوع وايصال الفكره ..
وان شالله تعجبكم ..

بس نبي همتكم لتوصيل الطلب للادارة الهلاليه

والشكر موصول لكم

رعبوب الشمال · #2 17/05/2010, 02:23 PM

فكرتك حلوة ..

واتمنى انهم يطورونه وينفذونه ..

وراح تنجح باذن الله ..

شكرا لك ..

@ هلالي @ · #3 17/05/2010, 02:41 PM

يا بعد تسبدي انت يا رعبوب

نبي صوت باقي الاعضاء

ما فرقت الفرق العالميه عننا ..

وبالعكس اعتبرها خطوة يتعرف العالم على الهلال بشكل اوسع

وشكرا على مرورك خيو