بالفووز ..أنا كسبت نواف..والهلال تأهل.!! - نادي الهلال السعودي - شبكة الزعيم

ويلي الهلالي · #1 17/05/2010, 05:46 AM

بســم الله الرحــمن الرحــيم

الســلام علــيكم ورحـــمة الله وبركـــاته

اللهم صلي على محمد وعلى آله وصحبه أجمعين

أولا وقبل الشروع في الدخول إلى الموضوع ..اللهم لك الحمد والشكر كما ينبغي لِجلال وجهك وعظيم سلطانك

الحمد لله ..الحمد لله...الحمد لله على كل حال في حال خسارتنا أو فوزنا ...الحمد لله على تأهل زعيمنا لدور الثمانيه في البطوله التي إشتاقت لمروضها ومتبنيها لست سنين... وكتب الفراق قبل 9 سنــوات تقريباً والآن وبإذن الله ستعود لنا لكي هي من تبدأ بإحتضان ناديها المفضل والذي عاشت معه لفتره ليست بالبسيطهـ ..تذهب في أعوام وتعود ولكن هذه المره زاد الفراق ...وبإذن من الله سنستعيدها

أباركـ لكم أيها الجمهور الكبير وأبارك لكل عاشق لهذا الكيان ...لا أتكلم عن التأهل فقط ..بل عودة الزعيم لسابق عهده من ناحية الإنتصارات وبجم من الأهداف>>أهداف أغلبها ذات جماليه في الأداء من ناحية تسجيلها أو بداية الهجمه

أحس أني طولتها وهي قصيرهـ

أنا والله ما أحب أني أنزل مواضيع كثير أو أني أكتب مشاركات واجد ولكن حبيت أنها تكون المشاركه رقم 200بموضوع حتى لو كان مافيه ملح

طبعا أعتذر على بهاتة العنوان ..ولا أخفيكم أنا بليد في إجادة عناويين مميزهـ أو جذابهـ لما أكتب ..طبعا نواف هو مب نواف التمياط ولا نواف العابد ..لالا نواف ولد خالتي

ندخل للموضوع

بما أني أصغر واحد في العائله ولا يوجد من هو بعدي من الأولاد ولا أقدر أهايط على أحد <<تراه شايب لا تصدقونه

... كنت أنتظر أن يرزق أحد أقاربنا أو أخواني بمولود ويكون ولد على شان أهايط عليه

المهم إنكتب لي الي أبيه ولله الحمد ورزقت خالتي بمولود وسمته نواف <<طبعا فرحت باعتبار انه بيت زوج خالتي قريب من بيتنا وجياتهم عندنا متكررهـ ...نواف كبر في فترهـ كأنها رمشة عين ما شاء الله ..وبدأ يتكلم ويتعلم ...<<جا دوري انا اني أمسكه وأعلمه بأمور ومنها ومن أهمها الفريق الي لازم يشجعه مستقبلاً

وكنت أكرر عليه أسم الهلال طبعاً كثير وكان نطقه مو سيء وكان يقول لال <<أنا كنت في هالفتره أقوله ياهوه تراك ناسي حرف

...كنت مابين فتره وفتره أقوله وش تشجع يقول لي لال لال لال ..وكنت ألعب معه كوره في الحوش وكنت أردد أسم الهلال بكثره لكي يرتبط أسم الهلال مع الكوره ويرسخ في ذهنه

المهم كبر نواف ودخل المدرسه <<<هذي المرحله الي كنت أنا خايف عليه منها <<<لأنه بيلاقي في هالمدرسه طلاب بمختلف ميولهم ويمكن يتأثر من ميولهم
...الحمد لله عدت أول سنه على خير ...وفي ثاني سنه تقريباً بدأ الولد يتكلم عن فرق ثانيه ويجي عندي ويكثر أسأله ..مع أني كنت أعهلمه بأنه أكثر واحد يفوز وياخذ بطولات هو الهلال.ولكن كان يجي يتأكد دايم.. فعرفت أنه فيه واحد من المدرسه كان يغير هالمعلومه ويصور لنواف ان ناديه في القمهـ

أنا والله ماكنت ألوم نواف لأن نواف كان متابعته لمباريات الهلال قليله باعتبار انه ينام بعد صلاة العشاء مباشره وكان يقوم اليوم الثاني ويسأل أمه من فااز؟؟؟.. وزي ماتعرفون لما الواحد يشوف بعينه أحسن لما يسمع بالكلام

ومن سوء الحظ انه المباريات الي كان يهتم لها ويتابعها كان الهلال يتعادل فيها أو ينهزم <<ثلاث مباريات أو أربع ((أتكلم بالنسبه لهالموسم في الدوري خاصه))

المهم إلى أن جاء يوم ودخل علي نواف وقال لي أنا بأشجع(نادي .........)لأنه أقوى من الهلال ولأنه دايم يفوز

أنا ردة فعلي كانت بارده وكنت أعطيه أدله وبراهين وكأنني أتكلم مع واحد بالغ ..وإلى ان شفت يباسة راسه وسكوته ..قلت له بكيفك وبعدين بتجيني وتقول والله صادق

بعدها بيومين سألته مجرد تأكيد لما قاله..هاه وش تشجع اليوم

... فجاوبني بتردد ...الهلال

فقلت له أسمع كانك بتشجع الهلال لا يهمك كلام أ واحد في المدرسه أو غيره تراهم ما يعرفون شي

وترى الهلاليين كلهم لايمكن اي واحد فيهم يغير ..بعكس جماهير الفرق الأخرى ولله الحمد

إلى أن أتى اليوم الذي يحسم الجدال بيننا من ناحيته ..فقال لي اليوم مباراة الهلال والأتحاد على النهائي ...وان شاء الله يفوز الهلال لأنه أقوى من الاتحاد ...فرحت بما قال مع قليل من التخوف لردة الفعل إن خسر

أتت المباراه وتابع نواف الشوط الأول منها فغلبه النوم ول يكمل المباراه وذهب للنوم لكي يستعد أولاً لسماع النتيجه من والدته

حصل الي حصل ولله الحمد على كل حال ...وقام نواف مباشره وعلى غير العاده ...سأل أمه من فاز ..؟؟

قالت له الأتحاد <<<على كلام والدته انه نوى أن يعود للفراش ولم يذهب للمدرسه إلا بالغصب مع عبوسة وجهه

أتاني نواف في اليوم ذاته عصراً وهو يراني أتأهب ومعي سجاده وذاهب فقال لي وين رايح...قلت له بأروح أحضر تمرين الهلال قال لي منت زعلان لأنه خسر ..قلت لهـ أبيكـ تروح معي نحظر التمرين فاخذته وكنا نتحدث عن المباراه والخساره وأقنعته أن الكوره فوز وخساره وأن مافيه فريق في العالم ما يخسر ..وأخبرته ان الحظ ماكان معانا وأن التشكيله فيها نقص من الاعبين وأن فوز الأتحاد كان من ركلات الترجيح و و و

المهم دخلنا النادي ولما شاف الاعبين فيه بينهم مزح وفيه ابتسامه حس انه فيه شي ...كيف مهزومين ويضحكون

فقلت له لا تستغرب هذي يسمونها الروح ..مهما خسرت لاتنسى انها مو نهاية المطاف هذي المباراه

فقلت له ابيك تروح معي يوم الأربعاء نحظر مباراة الهلال ...وبأستأذن من أبوك وأمك ..موافق ولا لا قال أكيييد

قال لي مع مين المباراه قلت له مع فريق قوي آسيويا وعنده لاعبين كبار ولاعبين معروفين وهذا الفريق فاز على الأتحا 3-0 في أرضه وتعادل 1-1 في أرض الأتحاد ...يعني قوي ولكن أحنا إن شاء الله أقوى منه ونشوف يوم الأربعاء...لا أخفيكم أنه إلى حد هذه اللحظه ونواف متحطم لأن كانت بربرتي له صعب يفهمها شوي لصغر سنه

الحمد لله كنت متفائل بدرجه كبيره وغير طبيعيه

جا يوم الأربعاء طلعت العصر من البيت ودقيت على خالتي وقلت لها نواف جاهز قالت يالله الحين طالع ...طلع نواف والأبتسامه شاقه وجههـ ومعه شال أول مره أشوفه معه ..سألته من وين لك هالشال ...قال عطاني واحد من أخوياي في المدرسه لما كنت أقوله أني بأروح للملعب وبعد ماطلعنا من المدرسه مرينا بيتهم وعطاني ...

طبعا هالشال معه بالإضافه إلى أثنين من أول معه

حركنا للملعب وكان السكوت والتفكير هو ماطغى على الجو <<<كنت أفكر كيف أدخل المشروبات داخل من دون ما يدرون رجال الأمن

خخخخخخـ

المهم مريت لولد عمتي الي دايم انا وياه نروح مع بعض الملعب وأخذته وللملعب

وأحنا في الطريق كان نواف يطالع للشعب الهلالي وكل شوي يشوف واحد وأولاد صغار طالعين من القزاز ومعهم أعلام وشالات الهلال وكان كل شوي يقولي شف ذا وشف ذاكـ ..بأعتبار انه أول مره يروح للملعب ....ولما دخلنا الملعب كانت عيونه كذا

لا إله الا الله

وكان متحمس مع الجمهور ويصفق أكثر مني وكان يردد الي يقولونه وكنت متفاجئ صراحه انه حافظها

وكان مع كل هدف ينط علي .. ويردد هلال هلال هلال هلال ويلتفت ويشوف الجمهور يسوون حركة المراوح بالشالات ويسوي مثلهم

لما أنتهت المباراه ما بغى يطلع ..يقولي متى المباراه الثانيه أبي أجي معك خلاص لاتنساني ((زاد عشقه للهلال))

كسب الهلال وتأهل وأنا والهلال كسبنا أحد الجماهير الذين أجزم بأنه سيغير من قناعات الكثيرممن يقابلهم لكي يشجعو الهلال

وأعذروني على الإطاله وصراحه حسيت أن الموضوع ممل وكنت بأمسحه ولكن أحس اني تعبت في الكتابه وقلت لازم ينزل ..حتى لو ما رد أحد فدى لكم وفدى لرؤوسكم أيها الجمهور العظيم

وبعد هذا كله...أخوكم من أسره هلاليه بحته... من إلى.. أقاربي تقريباً لا يوجد فيها غير الهلاليين إلا قله ولله الحمد

وأبشركم أخوي الكبير ولله الحمد الآن عنده ولدين وباقي صغار

لكم مني كل الود والتقدير

اللهم لك الحمد والشكر كما ينبغي لِجلال وجهك وعظيم سلطانك

الحمد لله على كل حال

أخوكم وليـــد

Меси · #2 17/05/2010, 04:24 PM

الله يخليه لكم
...........................

ويلي الهلالي · #3 18/05/2010, 12:39 AM

إقتباس

الرسالة الأصلية كتبت بواسطة Меси


	الله يخليه لكم ...........................

اللهم آمين ويحفظ لك غاليك ومغليك

مشكوووووووووووور أخوي عالمرور

لك مني كل الود والتقدير

الحمد لله على كل حال

يا رباهـ يا ياسر · #4 17/05/2010, 09:13 PM

الله يحفظه ويخليه لكم
والله شوقتنا بالموضوع << هع
مشكور على الطرح
لا هنتــــــــــــ

ويلي الهلالي · #5 18/05/2010, 02:32 AM

إقتباس

الرسالة الأصلية كتبت بواسطة يا رباهـ يا ياسر


	الله يحفظه ويخليه لكم والله شوقتنا بالموضوع << هع مشكور على الطرح لا هنتــــــــــــ

اللهم آمين ويحفظ لك غاليك ومغليك

أوما شوقتكـ خخخخخـ

<<<شووووكرا عالمجامله الرائعه

لك مني كل الود والتقدير

الحمد لله على كل حال

نمول00 · #6 17/05/2010, 09:29 PM

الله يحفظه ويخليه لكم

والله افضل شي انك وديته للتمرينات وشاف الروح العاليه

وان ششالله تحضر انت وياه النهائي ض1ق1

ويلي الهلالي · #7 18/05/2010, 09:27 AM

إقتباس

الرسالة الأصلية كتبت بواسطة نمول00


	الله يحفظه ويخليه لكم والله افضل شي انك وديته للتمرينات وشاف الروح العاليه وان ششالله تحضر انت وياه النهائي ض1ق1

اللهم آمين ويحفظ لك غاليك ومغليك يارب

أيه يا خوي انا قلت اني بهالطريقه أخليه يتولع أكثر إن شاء الله

أوما النهائي

ياليت والله ...كان التذاكر على حسابك إن شاء الله نحظر

..أمزح معك لبى قلبك

لك مني كل الود والتقدير

الحمد لله على كل حال

عاشقة البحار الزرقاء · #8 17/05/2010, 10:06 PM

الله يحفظه لكميارب
لاهنت اخووي

ويلي الهلالي · #9 18/05/2010, 05:19 PM

إقتباس

الرسالة الأصلية كتبت بواسطة عاشقة البحار الزرقاء


	الله يحفظه لكميارب لاهنت اخووي

اللهم آمين يارب

ويحفظ لك غاليك ومغليك يارب

ماقصرتي أختي

لكي مني كل الود والتقدير

الحمد لله على كل حال

A l - K i n g · #10 21/05/2010, 08:19 AM

الله يحفظه يـآآ رب

ويخليه لكـــم ...}

خااالد2010 · #11 18/05/2010, 04:51 AM

والله موضوع مره حلو
ومؤثر بصآآآحه
يارب خلي نوآآآف لأهله
ويفرح انشالله دوووم
بالبطولات والانجآآآزات

ويلي الهلالي · #12 18/05/2010, 11:18 PM

إقتباس

الرسالة الأصلية كتبت بواسطة خااالد2010


	والله موضوع مره حلو ومؤثر بصآآآحه يارب خلي نوآآآف لأهله ويفرح انشالله دوووم بالبطولات والانجآآآزات

مشكووووووووووووووووو أخوي عالمجامله الرائعه منك

الله يخلي لك غاليك ومغليك

اللهم آمين

لك مني كل الود والتقدير

الحمد لله على كل حال

.yousef · #13 19/05/2010, 05:14 AM

قلهـ اقرب مباراة بعد ثلاث أشهر

ويلي الهلالي · #14 19/05/2010, 10:09 AM

يا هلا والله بأبو فاااارس

أبشر طال عمرك ,,,قد قلت له خخخخخخخخخـ

قلت له أجل سنتر بالأستاد ثلاث أشهر خخخخخخخخخخخخـ

لك مني كل الود والتقدير

الحمد لله على كل حال

بن جبله المطيري · #15 19/05/2010, 02:05 PM

الله يخليه لكم

ونشوفه نجم بالزعيـــــــــــــــــــم

ويجيب هدف ويهديه لك

لانك دليته على الطريق الصحيح

طرح روووووعه

شكرآآآآآآآآ لك