فيه أخطاء من الهيئه ماننكر هالشي
وأخطاء كبيره من بعض منسوبيها!!!

لكن اللي نستغربه هوالهجوم المتواصل والنقد المبالغ فيه
ونلاحظ جميع الكتاب والرسامين رؤساء الصحف كل منهم له نصيب بكعكة الهيئه
نقد موحد وبشكل يومي وتصيد الأخطاء
يصل لدرجة التجريح والاستهزاء في هالشعيره!!!

بعكس غيرها من الجهات الحكوميه اللي اخطاءهم ماتنعد وأذا انتقدوهم
نجد ألانتقاد على أستحياء من كاتب لكاتبين
وبعدهاتطوى الحادثه

المرزوق ماجاب جديد محور نقده اللي صوَره فالكاريكاتير
متكرر وماابالغ ان قلت مافي رسام مارسم على نفس الفكره


عالعموم هم هدفهم معروف وبعيد واكبر من مجرد انتقاد لتصرفات
هدفهم ألغاء هالجهاز وهالشعيره بكبرها


تحياتي ياسر

ما قول إلا الله يهديه بس

...

قسم بالله ضحكنا ضحك انا واهلي

لحد ماتقطعت براطمنا^^

::::::

عاد كانو الهيئه ماسكين اختي وزوجها

عاد زوجها يقول للهيئه لو انا مقابله يعني مثلا بقابلها بجلابيه^^


تحياتي

^^^^^^^^^^^
نفس الشي اختي مسـكوهـاهي وزوجها

وجلسوا يحققون مع زوجها على جنب واهي على جنب

طلبوا كرت العائله ومن سوء حظهم ذاك اليوم زوجها ماجابه معاه
وقاموايسالونه عن أسماء أخوانها وخواتهاوأمها وابوها
ونفس الوقت هي يسألونها يتأكدون من تطابق الأسماء
وسرعة بديهة زوجها وهو يعددهم
وغير اسئله لمدة ساعه كامله تقريبا تحقيق

صحيح تصرفهم موحلو أبد يطيحون بأي أحد ويحققون معه بهالطريقه
لدرجة أختي جتها روعه وصياح ذاك اليوم مو طبيعي وكرهت شي أسمه هيئه


بس ولو أنا أعذرهم ماسوو كذا الا من زود البلاوي اللي يحصلونها
وثانيا| تصويرهم بشكل متكررومقزَز وأظهار الجوانب السلبيه فقط لهالجهاز
من قبل هالاعلاميين والصحف ماراح
يعالج التصرف
غير انه يثير الناس ويتصورون الهيئه دائما ضدهم تتصيد أخطاءهم



أعتذر ياسر عالتطفل الثاني

طيب ليش الهيئة بس من يوافق رئيس التحرير على نشر ما يسئ لهم


هناك اكثر من 159 صورة لفضائح أمطار الرياض رفض السديري ان تنشر

رفضت كاريكتيرات تخص هذا الموضوع

يعني الله اعلم بالنية

صحيح فيه أخطاء في الهيئة ومن اولها من صار مؤخراً عدم ابراز بطاقة عضو الهيئة

وانا لو على رقبتي يجيني عضو هيئة يطلب اثبات ما اعطيه حتى يطلع اثباته

مو عداوة لا والله بس لازم كل واحد ياخذ حقه

وعندي زملاء من الهيئة بس لازم تلتزم باللوائح الموضوعه لك


تحياتي ياسر

كاريكاتير واقعي ^^ واللي فوق قالو مواقف صارت لهم
وغير اللي ماتكلمو
الكاريكاتير اذا انتفقد جهات حكوميه عادي لكن اذا انتقد الهيئه قالو بعض الناس
ايه حنا عارفين هدفه .!! وش عارفين هدفه االرجال رسام كاريكاتير واقعي
ولا قل ادبه ولاهم يحزنون .. انتقاده في محله يعني

الله يحمي بنات وشباب المسلمين من كل شر
والدعوه بالحكمه والموعظه الحسنه .. فيها خير وتحبب الناس فيك مب بالسلطه والغطرسه

انتبهوا ياناس لكلامكم ولا تتلفظون بأشياء تتحسرون عليها يوم القيامة انا مع اعترافي بأنهم ليسوا ملائكة إلا أن اغلبهم من خيار الناس في دينهم وأخلاقهم يكفي بأن مادفعهم للإلتحاق بجهاز الهيئة غيرتهم على الدين انا مع الكتاب اللي يتكلمون عن الهيئة بشرط أن يتكلموا عن أخطاء الجهات الحكومية الأخرى بنفس القدر بالعربي مثل مااشغلونا بأخطاء الهيئة رغم أن أكثرها خراط حسبي الله عليهم يشغلونا بأخطاء الجهات الحكومية الأخرى وليس ع استحياء........ أخيرا أذكركم بقوله تعالى (قل أبالله واياته ورسوله كنتم تستهزؤون لاتعتذروا قد كفرتم بعد إيمانكم)احذروا أن تكونوا منهم ...شكرا ياسر

جزاهم الله خير الهئيه هذا اول شي
الشي الثاني اللي عندهـ اقتراحات للهيئه مفروض يقولها بشكل علني وبأدب مو يستظرف ويرسم كركاتير مسوي ينقل الوضع بسخريه
مدري انا عايش بكوكب ثاني ماقد سمعت موقف سلبي للهيئه الا هنا
ع العموم الله يصلح الحال ويهدي الجميع ...

برآيي مع القصص اللي نشوفها رسمته في محلها والله . .
وكثييير موآقف سلبيه لبعض رجآل الهيئه . .
بس الحق حق ان لو مآفيه هيئه بتصير بلاوي والله . .
والله يحفظهم ويحمون بلادهم . .

وجهت نظرك الخاصه ولها احترامها ..

فانا كلامي يعكس كلامك تماما ..

اخوي الغالي الموضوع .. ذات طرفين لاثالث لهما ..

الأول الا وهو الأنتقاد .. وذلك حق مشروع ولكن ليست بهذه الطريقة ..

الهيئة قد يخطؤون .. والجميع مخطئ .. لكن التصوير هنا يتضح في اللحية ..

والثوب القصير .. وهذا من أمور الدين التي لا يختلف عليها اثنان ..

لو كان الأخراج بأسلوب كتابي لكان افضل من أن تكون هكذا ..

لأنه بهذا الأسلوب أخطأ في اللباس .. وفي شكل التصوير ..

والثاني ان رأيت الوقت قد سنح لي أتيت وطرحته ..

شكرا لك يآآآسر

إقتباس الرسالة الأصلية كتبت بواسطة الشيهـانه ^^^^^^^^^^^ نفس الشي اختي مسـكوهـاهي وزوجها وجلسوا يحققون مع زوجها على جنب واهي على جنب طلبوا كرت العائله ومن سوء حظهم ذاك اليوم زوجها ماجابه معاه وقاموايسالونه عن أسماء أخوانها وخواتهاوأمها وابوها ونفس الوقت هي يسألونها يتأكدون من تطابق الأسماء وسرعة بديهة زوجها وهو يعددهم وغير اسئله لمدة ساعه كامله تقريبا تحقيق صحيح تصرفهم موحلو أبد يطيحون بأي أحد ويحققون معه بهالطريقه لدرجة أختي جتها روعه وصياح ذاك اليوم مو طبيعي وكرهت شي أسمه هيئه بس ولو أنا أعذرهم ماسوو كذا الا من زود البلاوي اللي يحصلونها وثانيا| تصويرهم بشكل متكررومقزَز وأظهار الجوانب السلبيه فقط لهالجهاز من قبل هالاعلاميين والصحف ماراح يعالج التصرف غير انه يثير الناس ويتصورون الهيئه دائما ضدهم تتصيد أخطاءهم أعتذر ياسر عالتطفل الثاني

الله يسعدك على الردود المحترمة الواضحة ^^^


تعجبيني كثير وربي يحقق لك ماتتمنين وبنيتي وجميع المسلمين آمين ..

إقتباس برآيي مع القصص اللي نشوفها رسمته في محلها والله . . وكثييير موآقف سلبيه لبعض رجآل الهيئه . . بس الحق حق ان لو مآفيه هيئه بتصير بلاوي والله . . والله يحفظهم ويحمون بلادهم . .

ولآزم مثل مانذكر سلبياتهمم نذكر ايجابياتهم

الله يوفقهم يارب للي يحبه ويرضاه