السلام عليكم ورحمة الله وبركاته

سكولاري وماادراك ماسكولاري

مدرب فعلا داهيه ... يملك فكر احترافي وطريقه لعب خطيره جدا جدا ان " لقحت"

يعني بالعربي طريقة سكولاري .. الرمح من اول ركزه .. من اول المباراه ان مسك زمام الامور زي مايبي ... فـ اعرفوا اننا طحنا بيد واحد مايرحم

وان شفتوا فريقه متخبط من البدايه ,,, اعرفوا انه قيريتس حجر لابوجده وقضبه من مقفاه

من متابعتي لتاريخ سكولاري التدريبي المرعب بصراحه لقيت فيه اشياء مايغيرها مهما تغير الفريق اللي يدربه

وفي المقابل لها طرق عند قيريتس متشابهه

يعني ابشروا بمباراه مفتوحه

لاحظت على سكولاري الاتي :

1-اعتماده وبشكل كبير جدا جدا على الاسماء المميزه والتاريخيه
وفي فريقه الحالي

نلقى ريفالدو اللي يلعب ع الواقف بس يوقف قلوب الجماهير معه

زي مالاحظت انه يحط ريفالدو كلاعب حر في وسط الملعب .. واغلب اماكن تواجده خلف المهاجمين

لامكانياته العاليه في التسحيب

ولانه يمتلك قدم قويه جدا جدا ودقيقه ... يعني عادي يقول للدعيع بحطها في الزاويه ذي .. ويحطها سلام سلام

تمريرات خطيره جدا جدا ... كأنك تلعب قدام التايب << اي تايب يرحم امك

لا فعلا اللاعب مميزاته :

تمريرات خطيره

تسديد دقيق جدا

اللعب الحر

بالعربي نحتاج عزيز يكون معه Man to Man علشان نقدر نوقف تحركاته الخطيره

سيرفر دجباروف

بإختصار .. افضل لاعب اسيوي لعام 2008

لاعب سريع جدا جدا ويمتلك عرضيات قاتله

وعنده امكانبه رهيبه في الاختراقات من الاجناب

والطريقه المثلى للتعامل معه هي تثبيت الاظهره والحرص على عدم تقدمهم لخطورتهم

حسنوف

ارجع اقرى الكلام اللي عن سيرفر دجباروف ... لانه نسخه منه 100% ...والاختلاف في شي واحد

انه اسرع شوي

2- قدرة سكولاري الرهيبه في تطبيق الهجمه المرتده ..
خصوصا انه يملك لاعبين سرعاتهم عاليه جدا ... اضافة الي ريفالدو اللي ممكن يمرر بكل دقه من 50 متر

3- خطة سكولاري في بدايه مبارياته هجوميه بحته ... لجس النبض فقط
يعني يهجم هجوم كاسح في البدايه ... ويشوف ردة فعل الفريق المنافس

اذا كان الفريق المنافس استمر في الدفاع .. راح يستمر سكولاري في تطبيق الهجوم

واذا شاف الفريق المنافس يرد الهجوم بالمثل .. راح يلعب بتوازن دفاعي هجومي

واذا شاف الفريق المنافس يهاجم بشراسه .. راح يطبق الهجمات المرتده اللي يتقنها فريقه

يعني في الحالات الثلاث .. خطير جدا جدا

4- فريق سكولاري في حالة الهجوم تلقى 5 لاعبين ع الاقل .. 3 في منطقة الجزاء .. واثنين على قوس الـ 18

وهالطريقه يطبقها قيريتس بكل احترافيه ... ولكن الفرق في سرعة الارتداد

لنفرض اننا هجمنا على بونيودكور وكان ياسر وويلي ونيفيز في الـ 18 .. ورادوي والشلهوب على القوس

وانقطعت الكره من الدفاع

راح ينتظرها بكل تأكد حسنوف ودجباروف ... وماادراك مامرتدات هالخبول

لذلك المطلوب تثبيت الاظهره وعدم تهور المرشدي في التقدم الزائد

وبكل اختصار .. افضل حلول الفوز :

1-اللعب على اللمسه الواحده .. لانه الفريق الاوزبكي يلعب بطريق الضغط على حامل الكره ... يعني اللي بيتفلسف من لعيبتنا ويحتفظ بالكره بتنقطع منه بالراحه

2- التسديد من خارج المنطقه : لغياب الحارس الاساسي وضعف الاحتياطي ... خصوصا بوجود نيفيز ورادوي

3-عدم اللجوء للعرضيات .. واستخدم الكرات الارضيه القصيره .. لطول اجسامهم الله لايبارك بالعدو

مبذه عن سكولاري مع البرتغال : (

http://www.youtube.com/watch?v=Z4DE1Njl2XQ

طفوا الصوت لانه كله اغاني

وفي النهايه

يافيريتس انتبه للهلال ... الاسيويه صعبه

والجماهير ماراح تغفر لك لو لعبنا بنفس طريقه اللعب قدام الاتحاد

بالتوفيق لهلالنا