مقتطفات عن Luiz Felipe Scolari ... واااه منك ياسكولاري !!
 

السلام عليكم ورحمة الله وبركاته

سكولاري وماادراك ماسكولاري :mad:

مدرب فعلا داهيه ... يملك فكر احترافي وطريقه لعب خطيره جدا جدا ان " لقحت" :s4s:

يعني بالعربي طريقة سكولاري .. الرمح من اول ركزه .. من اول المباراه ان مسك زمام الامور زي مايبي ... فـ اعرفوا اننا طحنا بيد واحد مايرحم :cry:

وان شفتوا فريقه متخبط من البدايه ,,, اعرفوا انه قيريتس حجر لابوجده وقضبه من مقفاه :wub:

من متابعتي لتاريخ سكولاري التدريبي المرعب بصراحه لقيت فيه اشياء مايغيرها مهما تغير الفريق اللي يدربه

وفي المقابل لها طرق عند قيريتس متشابهه

يعني ابشروا بمباراه مفتوحه :smilie47:

لاحظت على سكولاري الاتي :

1-اعتماده وبشكل كبير جدا جدا على الاسماء المميزه والتاريخيه
وفي فريقه الحالي

نلقى ريفالدو اللي يلعب ع الواقف بس يوقف قلوب الجماهير معه :(

زي مالاحظت انه يحط ريفالدو كلاعب حر في وسط الملعب .. واغلب اماكن تواجده خلف المهاجمين

لامكانياته العاليه في التسحيب :d

ولانه يمتلك قدم قويه جدا جدا ودقيقه ... يعني عادي يقول للدعيع بحطها في الزاويه ذي .. ويحطها سلام سلام

تمريرات خطيره جدا جدا ... كأنك تلعب قدام التايب << اي تايب يرحم امك :d

لا فعلا اللاعب مميزاته :

تمريرات خطيره

تسديد دقيق جدا

اللعب الحر

بالعربي نحتاج عزيز يكون معه Man to Man علشان نقدر نوقف تحركاته الخطيره

سيرفر دجباروف

بإختصار .. افضل لاعب اسيوي لعام 2008

لاعب سريع جدا جدا ويمتلك عرضيات قاتله

وعنده امكانبه رهيبه في الاختراقات من الاجناب

والطريقه المثلى للتعامل معه هي تثبيت الاظهره والحرص على عدم تقدمهم لخطورتهم

حسنوف

ارجع اقرى الكلام اللي عن سيرفر دجباروف ... لانه نسخه منه 100% ...والاختلاف في شي واحد

انه اسرع شوي :cry:

2- قدرة سكولاري الرهيبه في تطبيق الهجمه المرتده ..
خصوصا انه يملك لاعبين سرعاتهم عاليه جدا ... اضافة الي ريفالدو اللي ممكن يمرر بكل دقه من 50 متر :cry:

3- خطة سكولاري في بدايه مبارياته هجوميه بحته ... لجس النبض فقط :cry:
يعني يهجم هجوم كاسح في البدايه ... ويشوف ردة فعل الفريق المنافس

اذا كان الفريق المنافس استمر في الدفاع .. راح يستمر سكولاري في تطبيق الهجوم

واذا شاف الفريق المنافس يرد الهجوم بالمثل .. راح يلعب بتوازن دفاعي هجومي

واذا شاف الفريق المنافس يهاجم بشراسه .. راح يطبق الهجمات المرتده اللي يتقنها فريقه :cry:

يعني في الحالات الثلاث .. خطير جدا جدا :(

4- فريق سكولاري في حالة الهجوم تلقى 5 لاعبين ع الاقل .. 3 في منطقة الجزاء .. واثنين على قوس الـ 18

وهالطريقه يطبقها قيريتس بكل احترافيه ... ولكن الفرق في سرعة الارتداد

لنفرض اننا هجمنا على بونيودكور وكان ياسر وويلي ونيفيز في الـ 18 .. ورادوي والشلهوب على القوس

وانقطعت الكره من الدفاع

راح ينتظرها بكل تأكد حسنوف ودجباروف ... وماادراك مامرتدات هالخبول :cry:

لذلك المطلوب تثبيت الاظهره وعدم تهور المرشدي في التقدم الزائد

وبكل اختصار .. افضل حلول الفوز :

1-اللعب على اللمسه الواحده .. لانه الفريق الاوزبكي يلعب بطريق الضغط على حامل الكره ... يعني اللي بيتفلسف من لعيبتنا ويحتفظ بالكره بتنقطع منه بالراحه

2- التسديد من خارج المنطقه : لغياب الحارس الاساسي وضعف الاحتياطي ... خصوصا بوجود نيفيز ورادوي

3-عدم اللجوء للعرضيات .. واستخدم الكرات الارضيه القصيره .. لطول اجسامهم الله لايبارك بالعدو :mad:

مبذه عن سكولاري مع البرتغال : (

http://www.youtube.com/watch?v=Z4DE1Njl2XQ

طفوا الصوت لانه كله اغاني :d

وفي النهايه

يافيريتس انتبه للهلال ... الاسيويه صعبه

والجماهير ماراح تغفر لك لو لعبنا بنفس طريقه اللعب قدام الاتحاد:ranting:

بالتوفيق لهلالنا

شكرا للرفع

.................

الهلال قادر على اخراج سكولاري وغيره من ( المغرورين )

تحيتي

دراسه جيده لمدرب فعلا داهيه
أهم شي دنيلسون مايلعب وهذا خبر طيب ..


لي عوده ان شاءالله
< البطاريه ضعيفه :)

مباراه راح تكون صعبه ..

الله يستر على الهلال من هذي المواجهه خصوصا ان اخر مباراه لاعبين 120 دقيقه ..

ان شاء الله الزعيم يسحق هالمغرور

مدرب دااااهية ويخوووف
ويكفي انه جاب كأس العالم للبرازيل 2002
ووصيف أوروبا مع البرتغال 2004
وثالث كأس العالم مع البرتغال 2006

يعني مدرب كبير ويجب على جيرتس :smilie47: إيقافه ( وهذا المتوقع بإذن الله :yes: )

الله يعين وان شاء الله يارب نفوز ونتأهل لـدور الـ 8 ونتوج موسم نآجح

شاكر لك

رآح نجعل سكولآري يكرهـ الأسيويه بسبب الهلآلآل

رآح نخلي سكولآري يدخل في درس تعلم الفن والأبدآع

كلي ثقة في نجوم الزعيم

موعدنآ يوم الأربعآء

وآثق الخطوهـ يمشي ملكآ يآ [ جريتس ]

لا سكولاري في وجه الداهية قيريتس

بعدين الاسماء في الهلال أشوف أنها أفضل من بونيدكور

بصراااااااااحة .. تحليل مميز

خوفتني من هالمدرب ... الله يستر بس

يعطيك العافية على كتابة الموووضوع

بالنسبة لسكولاري مدرررررب داااااااااااهية (جاب كاس العالم)
ومغرور في نفس الوقت
وانشاء الله اسد ريكيم ما يخيب ظننا فيه
وبالتوفيق للزعيم يوم الأربعاء
وبحضورنا يتم لنا الفرح والسرور والذهاب إلى دور 8

مباراه راح تكون صعبه ..

باذن الله الفوز للهلال,,,,

><وآثق الخطوهـ يمشي ملكآ

عزيزي سكولاري مدرب معروف
بس احس انك تتكلم عن واحد يلعب بلاستيشن
عزيزي أجل وش بيقولون عن جريتس !!!
حقق الدوري قبل النهاية بثلاث جولات .... اما سكولاري لازال فريقة يقبع في المركز الثالث
لعب على جميع النهائيات السعودية
لم يخسر ولا مباراة في التصفيات ... اما سكولاري فخسر مباراتين من الايرانيين في ارضة وارضهم
.....................
عزيزي فريق يستحق الاحترام ... اتفق معك
اما انك تصفهم وكأننا سنواجه برشلونا فهذا خطأ لان ذلك يزرع الرهبة لدى الجمهور وقد لا يحضرون خوفا من لاعب البلايستيشن
الهلال عندما يكون في يومة يرهب جميع فرق آسيا
وأسال مدرب فريق اصفهان الذي طرح سكولاري مرتين
قال لا اريد مواجهة الهلال فهو الاقوى آسيوياً
....................
تقبل احتراماتي خيو

هلا بك يالغالي

اخوي انا ماتكلمت عن سكولاري من فراغ ... وكلامي مهوب للترهيب

اولا


لتصحيح معلوماتك لاغير

بونيودكور الاول حاليا في الدوري الاوزبكي ولاانهزم ولا مره

مر هنا

http://www.kooora.com/default.aspx?c=5168&stage=1

ثانيا

سكولاري جاب كاس العالم مع البرازبل 2002

ووصل البرتغال لوصيف امم اوروبا

ووصل مع البرتغال الي افضل اربعة منتخبات في كاس العالم

وتقول لي ترهيب ؟ :d

المدرب مصيبه .. والدليل انه المدرب اللي يستلم اعلى دخل في العالم حتى الان .. يستلم 13 مليون يورو سنويا

يعني 65 مليون ريال في السنه .. مو جايه من عبط

ثانيا مافيه فريق ماينهزم

ياخي استوديانتس بغى يحرج برشلونا في كاس العالم للأنديه

البطوله في كلامي عن سكولاري

انه تأهل وهو عنده اصابات بالهبل

اذكر مره قريت له تصريح يوم طبوا فيه الاعلام الاوزبكي .. لانه ماضم المهاجم خوسيه لويس فيلانوفا لقائمة الاسيويه

مع انه هداف ولاعب خطير جدا جدا .. طبعا الاتحاد الاسيوي يسمع بـ 4 لاعبين فقط .. وواحد منهم اسيوي

قال : اعاني من اصابات في خط الوسط ... واحتاج المحترفين في خانات خط الوسط لسد العجز بسبب الاصابات

والا لو الوسط شغال تمام

كان رحنا فيها ... دنيلسون مع خوسيه لويس فيلانوفا كان رحنا ملح


طبعا المهاجم ذا مصيبه بالراس ... وهذي في نفس الوقت نقطة ضعفنا

بس الحمدلله انه ماضمه معه

http://www.youtube.com/watch?v=7Xjec...eature=related