يسعد اوقاتكم بالخير والسرور ..

يالربع علمونا عن الحقيقة .. اكدوا الاخبار او انفوها .. وش اللي قاعد يصير من اللاعب عبدالله الجمعان .. هل ماكتب عنه في جريدة الرياض صحيح .. هل عنده عذر او ظرف قوي يجعله يغاب ويتأخر في برنامج علاجه ..

إقتباس قاطع لاعب فريق الهلال عبدالله الجمعان برنامجه العلاجي في اليومين الماضيين (الأربعاء والخميس) دون تقديم اي اعتذار.ذكر ذلك مدير الكرة منصور الأحمد مساء أمس الذي قال بأن الجمعان غاب عن علاجه اليومين الماضيين حسب إفادة طبيب الفريق دون اعتذار

واذا كان صحيح إلى متى إلى متى إلى متى ياعبدالله .. وإلى متى احنا صابرين عليه .. ياناس يالربع لاتقولون اننا نقسوا على لاعبينا .. عبدالله اللي قسنا علينا كثير .. عبدالله اللي كل ماقلنا انضبط رجع لعادته القديمة .. عبدالله اللي قاعد يسيء لنفسه وللاسف انه يسيء لسمعة الهلال ولاعبيه ايضاً .

خلونا نقول عنده ظرف قوي .. مايرفع السماعة ويتصل بمدير الفريق إلى ان يتمكن من الحضور للنادي ويشرح كامل الاسباب .. ولا مدير الكرة يعرف الاسباب ويقول ماقدم عذر ..

اذا مانضبط في متابعة العلاج متى بيرجع ان شاءالله اجل .. اذا انتهى الدوري ؟؟!!

يالربع انا من قريت هالخبر وانا ضايق صدري منه .. ولأني مثل غيري يحب الهلال ولاعبيه .. فما كتبت هالموضوع علشان اسيء لعبدالله او احد لاعبيه .. لكن وضحوا لنا الحقيقة ونورنا .. علشان نغير وجهة النظر في عبدالله او غيره .. لانه بصراحة عبدالله من كثر ماسواه .. ماعاد صار له مكان في القلب لو صار الهداف وسجل كل اهداف الهلال اللي تجيب لنا الكاس .

الكبير كبير وعيدالله فاهم الوضع

يا ابن الحلال عبدالله على ما اعتقد واقرا انه كل خميس لا يحضر التمرين ويسافر الى جده وعلى ما قالوا


قماري قماري الليله قماري
بدري وتوا الناس يا شمعة الجلاس ( عاد اما عبدالله الجمعان شمعه فهذي لك عليها

اذا جاء او سلامته

?????????????????????????????????????????

عبداللة لازال يفكر في الا ستفادة من امكانيات البلوي المادية قبل ان تنتهي ويكون لة نصيب مثل غيرة..............

الزين .......مايكمل !!!! وهذا لن يعرف مردود مايفعله على مستقبله الا بعد فوات الآوان !!!!! ومع الآسف أن يضيع لاعب بامكانيات الجمعان !!!!

هلا اختي ريانة العود الهلالية ..
هو من ناحية كبير فهو كبير .. بس للاسف على اللي نشوفه من تصرفات تقول عقله صغير .. ولا توك راجع وتو الجماهير بادية ترضى عليك ترجع تخنبق ..

هلا اخوي عبدالله المحيميد ..
ههههههه والله تحليلك شكلة قريب بالمره للواقع .. لا على كذا اصبر الاربعاء الجاي بتتبع اخباره ..
خلك عنك ولو اني زعل عليه بس هدف منه في مباراة حساسة مو يخليه شمعة الجلاس يخلية كشافات الملز

هلا اخوي ابو قصاص ..
هي كلمتين قلتها بس والله انك جبت المفيد .. بنقعد نتعب انفسنا معه ماراح نخلص ولا اعتقد انه بينضبط .. عموماً هو اللي كره الناس فيه بافعاله .. يعني نجومية غير مكتملة ولا راح تكتمل بهالاسلوب .

هلا اخوي الرائع ..
بعد انت تستفسر عن اسباب الغياب ولا وش السالفه ..

هلا اخوي العطر الجميل ..
ياخوي الطمع يضيع ماجمع .. تهقاه يبي دوره بطيارة البلوي .. وانت الصادق يضبط الامور للوقت اللي يسمح له ويكون حر نفسه في اختيار الفريق اللي يلعب له .. بسلامته

هلا اخوي ملعب الصائغ ..
فعلاً ان استمر الحال على ماهو عليه .. بيكون الجمعان غشيان ثاني ولا راح تشوفه وبيتفرغ للرحلات المكوكية الرياض جدة دبي .. ووينهم اللي يقولون المصيبيح والمصيبيح .. يجون يشوفون الدلع واللامبالاة وش تسوي ..

انا كتبت هالموضوع ابحث عن من يعرف سبب غيابه او هل قدم عذر لم يعلن .. لكن الواضح انه بالفعل غاب بكيفه وطنش إدارة النادي ولا سأل في احد .
الله يوسع صدره بالعافيه .. بس المهم مايكون نادينا ملطشة للي يبي يجي واللي يبي يغاب على كيفه ..

لاعب يخرج قبل مباراه تاريخيه لفريقه هل هو عاجز عن ترك كم تدريب علاجي !!!!!!!!!!!!

عبدالله الجمعان مهما فعل لن ننسي السقطه الكبيره الي فعلها لاهدف ولا هدفين راح تنسينا فعله (الطفولي).

اذا كان الاتحاد عنده نور فنحن عندنا الجمعان !!!!!!!!!!!!!!!!!!!

لو انا من اداره الهلال قضبته الباب .

الهلال اللي طلعه قادر يطلع عشرة غيره و هو الخسران .. يروح يشوف وش صار لخميس العويران و فهد الغشيان .

العوض في اخوه فيصل الذي اتمنى ان لا يتأثر بتصرفاته وعليه ان يعي انه افضل منه مهاره وسرعه ومتى اتيحت له الفرصه سوف ينسيكم عبيدان للابد

الله اعلم ان هذا البلوي سوسه لانه عنده كم مليون يفعل ما يريد اوقفوه عند حده ياجماعه الخير

والا عبدالله ما فيه شئ البلا من الدشري الا ما شي معاهم

وهو ابصر بنفسه

هلا اخوي رامي وبس ..
كلامك على متمه بس ازيد عليه .. اذا كان يقول ان تصرفه الارعن وقت خروجه من المعسكر بسبب حماسة وحبه تمثيل الهلال في مباراة مصيرية .. فتصرفة الأخير ينفي ماقاله ويدل على انه لاعب مستهتر وأن الصبر معه ماعاد ينفع . بعد تركك للعلاج وعدم بحثك عن سرعة تمثيل الهلال حماس ؟؟!!

هلا اخوي واحد يموت على الزعيم ..
لا اقضبه الباب ولا يحزنون اعرضه على قائمة الانتقال واكسب على الاقل ماخسرته عليه .. ويادار مادخلك شر .. واللي مايبينا ترانا مانبيه ..

هلا اخوي السيل الهلالي ..
والله مازلنا نرجي خير من عبيدان على قولتك .. لكن مدام وصل الحال على ماهو عليه وطال الغياب ولا حتى اي اعتبار للنادي او لجماهيره .. فمثل ماقلت العوض في اخوه فيصل وان شاءالله ينسينا عبدالله .

هلا خواتم ..
عبدالله ماهو صغير او جاهل يصرفه من يريد على كيف مايشاءون .. نعم البلوي ماشي ويخرب هذا وذاك ويستخدم طرق غير شريفه في الحصول على اللاعبين .. بس مامعناته ان نلغي شخصية عبدالله في تقرير الافضل والاصلح له .. يعني اللي ينلام عبدالله ماهو البلوي .