اول شي HARD LUCK للجميع

الحمد لله، الي ما يكتب عسر، الفريق هالسنه إذا تأهل لدور الـ8 (بحول الله وقوته) بيكون سوا الي عليه وأكثر، وسيكون ان شاء الله موسم ناجح بكل المقاييس.


رسالتي للأمير عبدالرحمن اعده بأن تكون "مختصرة" و بسيطة :

يا أمير عبدالرحمن، العلم سلامتك، يوم الربوع فيه مصافق روس مع الأوزبك، فريق جامد ياطويل العمر، وياليت قومي يعلمون. المباراة لننن تكون سهلة ابداً، واسألوا عبدالله بن مساعد عن سكولاري. اعلم ويعلم غيري بانك لم تقصر يوما في تقديم الغالي والنفيس من اجل الكيان والجمهور، (ياخي يكفي من رئاستك للهلال انها خلتنا كل ما طلعت بمقابلة نفتخر ونقول بكل فخر (هذا رئيسنا)، وتصدق اني ادمنت مقابلاتك كلها باليوتيوب، ياخي اذا حكيت ما ودي تسكت، ماشاء الله عليك). العلم نبي دخول مجاني و باصات يا طويل العمر، ما ودي اشغل بالك بتفاهات اصبر علي بس، باصات تشيل ناس يحبون الهلال وتوديهم الملعب، ايه.. نبي الملعب فل، نبي نحتفل فيك انت، هالسنة ترانا ما احتلفنا فيك بالرياض بإنجاز، تراك في امريكا يوم ناخذ ولي العهد، ووالله تمنيناك بالملعب وقتها، والدوي انت خابر اخذناه من ملعب الاستراحة حقت الحزم، يوم الربوع ان شاء الله احتفالين بتكون، احتفالنا بنادي القرن الي بيكون حفله الثلوث وتاهلنا باذن الله يوم الربوع، عشان كذا نبي الملعب فل يا ابوفيصل، واللله ادري ان جمهور الهلال يقدر يملى الاستاد والملز بيوم واحد ولو كان الدخول بـ100، بس معليش لازم نلعب على المضمون ونتاكد من تواجد 70 الف الربوع.

ترى بيني وبينك يا ابوفيصل العيال بالملعب بدهن دفشه، والله اني تروعت يوم شفتهم قبل الاشواط الاضافية، طاااااااافين، الموسم هددددهم هددد وما الومهم ابدا ابدا الله يبيض وجييههم، والله من الصيف الي راح بسويسرا وجرتس يمتر فيهم سويسرا ماشاء الله، ما ينلامون نهاية الموسم دايم تكون مرهقة نفسياً وبدنياً،خصوصاً الدوليين مساكين الي وراهم معسكر بسيوسرا برضه بعد الموسم مباشرة، يعني اجمل بلد بالعالم سوييسرا بتكون بالنسبة لهاللاعبين جحيم، عشان كذالازم نفجع الأوزبك بالجمهور ونكون حاضرين اذا ماغابوا اللاعبين، هالمباراة ما تقبل مخاطرات طال عمرك، عشان كذا قل لأبوخضير تكفى طال عمرك يزبط المسائل، ويضمن تواجد 70 الف، ترى بدون تحرك الادارة ذاتها في هالجانب، ما راح نشوف اكثر من 30 الف بالملعب

الله يخليك لنا قل آمين..

العفو يا كابتن

يالله من قدك يا عاشق البلوز بيشوف اسمك الأمير ههههه

<< عايش الدور

يبلغ ان شاء الله




مشكووووووووووووووور يا ذيبان

الاميرعبدالرحمن بن مساعد يتعلمون منه رؤؤساء الانديه وخصوصاً الجيران يوم غاب سموه عن التصاريح قلبوها بلايستيشن وبالتووك

الدخول مجانا من مصادري الخاصه

يعطيك العافية ياغالى وبالتوفيق للزعيمنا يوم الاربعاء

ياسمو الأمير مباراة تحتاج حضور جماهيري كبير ومباراة ليست سهله أبدا الحضور الجماهيري سيكون سلاح فعال

ضد الأوزبك لذلك نريد الملعب يكون مليء عن بكرة أبيه ولذلك لن يحدث إلا بالحضور المجاني .

لذلك فضلا لا أمرا نبيها مجانيه بسبب وجود جماهير لاتستطيع دفع قيمة التذكره وخصوصا إذا كان معه أكثر من شخص

وشكرا ياصاحب الموضوع على طرحك لهذه النقطه المهمه .

كفوووووووووووووووووووا
ان شاء الله الفوز حليفنا

كفوووووووووووووووووو والله

انا الي ابي اعلم دحوم اوكي شكرا ع لموضوع

شباب ترااا الدخول مجااني
وتذكروو كلامي من مصادر موثوقه

كفووووووووووووووووو والله وانشاء سمو الامير يشوووووف اسمي هع

مشكوووووووووووور
وكلام جميل