بداية نبارك للفائز ونقول له الف مبرووك ونقول للهلال هارد لك ومعوضين بأحسن منها بحول الله ...
بطيعة الحال وكما هو معروف عن الهلال وجماهيره وحبه لجمع جيمع الالقاب .. وكأس الامس استعصى على الهلال للمره الثالثه على التوالي
ولسان حال الجماهير الهلاليه يقول ( وش باقي من الالآم والتجريح ) في هذي البطوله وضعت العراقيل امام الهلال لكي لا يصل .. ومن ينسى خليل جلال ..

فعلا أن الهلال اجتهد حتى وصل للنهائي .. ولكن هي ركلات الترجيح مع بعض الثقه والغرور من احمد الفريدي الذي لعب بنفس طريقة التايب لكن بدون باص عيون
... شبيه الريح ... الجمهور الهلالي يقول بعد ما وصل للنهائي ( عجزت اوصل شواطئ طبعك الاعذب ) ... لكن وصلنا .. ولعبنا .. وتعبنا .. وما نلنا شي


شبيه الريح ... ياليت تسأل الفريدي وتقول له ( ابي اعرف غرورك هو متى يطلق سراحك ) ... وياليت مايلعب قبل لا الغرور يطلق سراحه .. تخيل معي يا شبيه الريح
أن البلنتي حق الفريدي في نهائي " كأس آسيا " وش كان صار ؟!!

وانا متأكد ان أكثر واحد مقهور على البلنتي هو الفريدي نفسه ..

لا تنسون تراه بشر مهما كان ...


الهلال على موعد مع آسيا يوم الاربعاء القادم .. والى الان ماعرفنا الهلال هو قوي ولا ضعيف ... اول مره اشوف الهلال كذا من بداية الموسم ... صحيح دفاعيا كان قوي تقريبا
لكن بشكل عام الهلال امس كان بااهت ... ياهلال ( ابي اعرف متى تعصف .. متى تعطف .. والله لا يخلينا نشوفك تنزف جراحك ) ...



يوم الاربعاء القادم بإذن الله سيثبت الهلال بأنه ( باقي في بحرك موج أكسر فيه مجدافي ) ... وسيعود افضل مما عهدناه ...


ماحصل امس من حضور الجماهير بالنسبه للفريق الاتحادي الا كما قال شبيه الريح ( غشاهم موج كان من الغضب اغضب ) بألامس كان الجمهور الهلالي حاضرا لأنه متلهف لهذه البطوله

بالذات لآنها استعصت عليه .. لكن يبدو ان الفريق الاتحادي ( كثروا التسبيح ) .. فلم نرى هجمات هلاليه إلا على استحياء .. بنما هم اضاعوا الكثير .. فوفقهم الله لنيل البطوله ليلة البارحه ...

واخيرا وليس اخرا

( صبري صبر بحاره بغوا في اليم محاره ) صبرنا واجد على آسيا


في الختام ...

معوض خير ياشبيه الريح إن شاء الله

.....


شبيه الريح .. وش باقي ؟؟!!

باقي آسيا ..