يوم الجمعه
هلال بهات بلا لون ولا طعم
شوطين ممله
مدرب عالمي مكابر . معايير الانضباطيه علي وعلى اعدائي
توقيف سامي ! شتات ذهني في ملعب

الكرت الثاني للرادوي كلفنا $
اعلام مخدر ( او حرب تخدير من عملا مباشرين او غير مباشرين)
مثالطهبله بالتاهل في الاسوويه بدري. !ولم يذكرو اننا قد نخرج بدري) وبعدين وش يصير

يوم السبت
صباح لندني جميل
مع قهوه الصباح اتذكر تصدي حسن العتبيبي للضربة الجز ا
تذكرت بطوله الدوري الاصعب والاهم
تذكرت بطوله ولي العهد
تذكرت طريق للوصول لنهائي امس


هلال قرتس انت متعه حقيقيه لكره القدم افتقدتك كثير امس
لاتطل الغيبه
لقانا معك يوم الاربعا القادم في نفس الدره


سامي ـ ـ الفريق يحتاج الى اعداد نفسي وصدمه(حصلت)وشى قليل من جلد الذات
حتي يستقبل المبارات اليوم الاربعا ويكون جاهز لاسوا الظروف. بختصار كلنا نحتاجك


رادوي ولسان حالي يقول في غيابك........
فاجاتني بمفارقك ماتولمت كذا بدون اسباب عني تغيب
اضحك وسولف وان لحقني سهر نمت الكن قسم بالله ماني بطيب

الحمد لله على كل حال والخساره ماراح تاثر فينا

باقي الاهم وهي الاسيويه

والوعد الملعب باذن الله

الحمد لله على كل حال والله يوفقهم في القادم والله ما قصروا كفيتم ووفيتم يازعماء

إن شا الله راح نتاهل
بالتوفيق للزعيم

والله الفريق امس يرفع الضغط
من الشوط الاول وانا حاس انه راح ننهزم
وهالمدرب يتفرج ينتظر الاتحاد يسجل علشان يغيير
الاتحاد يستاهل الفوز اما الهلال فمستوى اكثر من سيء

الحين طلع مدرب مكابر .. والفريق في الجولة الأولى من الدوري محقق المركز الأول

وبدوووون عزيز .. يعني تبي المدرب يتمصلح مع عزيز عشان رادوي موقوف ؟؟؟؟

هيل تبي كل من غاب وتفرنك يلعب .. وغيره منضبط وجالس بالدكة ..


طرحك جميل .. مع اختلافي معك على وصفك للمدرب بالكبرياء ..

إقتباس الرسالة الأصلية كتبت بواسطة ابن بطاااااح الهلالي ا طرحك جميل .. مع اختلافي معك على وصفك للمدرب بالكبرياء ..

العقاب المادي كفايه خاصه انك محتاجه( مقوله ان الهلال لا يحتاج لاعب صحيحه على المدى الطويل يعني اذا غاب موسم موسمين. تقدر تجيب بديل بنفس المستوى وافضل. اما على مستوى مباراه الهلال امس تاثر بغياب رادوي عزيز الغنام. )
الغامدي ماقصر ولا الفرج بس الحمل كان ثقيل اضف انهم مالعبو الموسم هذا الا مباريات معدوده
مازلت اعتقد ان قرتس كابر الى دقيقه ٨٥

( للمستقبل: من المستحيل ان يكون كل الاعبين يفكرون بفكر احترافي مثل سامي. يجيب احتوائهم لكي يعطو افضل مالديهم للنادي . فيهم كثير ما يعرف مصلحته. عقابهم يجب ان لا يضر نتائج الفريق لا من قريب ولا من بعيد.)

إقتباس الرسالة الأصلية كتبت بواسطة ابن بطاااااح الهلالي الحين طلع مدرب مكابر .. والفريق في الجولة الأولى من الدوري محقق المركز الأول وبدوووون عزيز .. يعني تبي المدرب يتمصلح مع عزيز عشان رادوي موقوف ؟؟؟؟ هيل تبي كل من غاب وتفرنك يلعب .. وغيره منضبط وجالس بالدكة .. طرحك جميل .. مع اختلافي معك على وصفك للمدرب بالكبرياء ..

ايه يكابر ويكابر ويكابر انا كمشجع وش يهمني في لاعب منضبط زي الغنام ومستواه زفت اول ما ينزل يكب العشاء

ولاحظه اول ما ينزل في اي مباراة يرتكب اخطأ اما بهدف او خطأ قريب من المرمى

بعدين يوم تقول الهلال يفوز وعزيز مو موجود بس فيه رادوي موجود يعني عندك رادوي منت بحاجه لعزيز

وعن اي مصلحه تتكلم عنها عزيز لاعب وتحت رهن اشارة المدرب لامصلحه والا غيرها وحتى لو تمصلح ماظن فيها عيب لانه في

الاخير كسر كلمته ونزل عزيز وهنا اكد للاعب انه احتاجه يعني لو ما دخله احس له بعد ما اعطى الاتحاديين الثقه تدخله

ونزل عزيز ومسك الوسط واخفى نور وبوجود عزيز الوصول للمرمى الهلالي صعب صعب صعب صعب

مع احترامي للمدرب كان متفرج في المباراة على الاتحاد
والهلال رغم دفاعي عنه سابقاً انه لايعتمد على نجم
الا انه اثبت لي العكس بالامس
في اجتماع جميع نجومه نجده افضل فريق بلا منافس
ولكن ما ان يغيب نجم واحد حتى ينقلب على عقبيه...
للأسف الهلال لعب بالامس اسوأ مبارة في الموسم
أما عن قريتس فهو مثل اي مدرب يأتي للهلال يبدع لأنه في جو يساعد اي مدرب على الابداع
باكيتا.......كوزمين......جريتس .....واي مدرب اخر سوف ينجح
تحياتي.

السلام عليكم

اولا: هارد لك على الهزيمة... وان شاء الله الاسيوية..

ثانيا: قولوا الحمد لله الف مره... بطولتين والمركز الثاني في بطولتين ... بالعربي...
موسم ناااااجح

ثالثا: اسباب الخسارة وعدم ظهور الفريق بالمستوى المطلوب:
1- استسلام لاعبي الهلال للرقابة(ياسر - ويليهامسون - نيفيز)
2- عدم اشراك عزيز من بداية الشوط الثاني...(لا احد يقول انه مو مستعد لياقيا... شوط على الاقل)
3- المفروض اشراك الشلهوب عوضا عن اشراك المحياني(صانع لعب ويتميز بالعرضيات الممتازة)

وشكرا للجميع

اول شي هارد لك لكل زعيم
والهلال كان غايب في مبارات الامس ماعدا خط الدفاع والحارس اما الهجوم لم تصله اي كوره وهذا يدل على ان خط الوسط لم يكن في الملعب نهائيا ومبرووك للاتي
وان شاء الله تفكيرنا في الاسيويه وبس

بالتوفيق للزعيم يوم الاربعاء والخير والبركة بوقفة جمهور الزعيم جن الملاعب

يوم الربوع يوم اجازه واجواء الرياض حلوه تكفون الوقفه مع الفريق والاعبين نبغاها يوم احتفالي بإذن الله الكريم

صدقوني مستوى امس للاعبين يدل على تفكيرهم بالاسيويه بالذات ويلي ونيفيز

يعطيك العافيه

بالتوفيق للزعيم يوم الاربعاء والخير والبركة بوقفة جمهور الزعيم جن الملاعب