إليكم ،،،قيريتس ،، الفريدي،،،الفرج ،،، جماهير الزعيم ،،، مع التحيه - نادي الهلال السعودي - شبكة الزعيم

Helaly2020 · #1 08/05/2010, 11:05 PM

إقتباس


	الزعامة الآسيوية شكرا على الكلام الجميل وبصراحة الهلال قدم اللي عليه واكثر في هذا الموسم يكفيكم وصوله لثلاث نهائيات اخذ بطولتين الدوري وكأس ولي العهد وترك بطولين يعطيك الف عافية يالزعيم وكل من ساهم في الإنجازات الهلالية وبالتوفيق في الاسيوية

ياهلا بك اخوي ،،، مانختلف ان الهلال قدم الشيء الكثير والتغيير كان جذري ،، لكن طبعنا كهلاليين مايرضينا الا كل شي ،،،

الحمد لله على كل حال ،،، وباذن الله القادم احلى

شكرا لك

Helaly2020 · #2 08/05/2010, 11:08 PM

إقتباس


	نزيه المشاعر الله يوفق زعيمنا في الاسيويه والحمد لله عل كل حال يمكن الخساره خيره لنا ماتدري الله اعلم

هلا بك يالغالي ،،، مو يمكن ،،، أكيد ،،، قال رسول الله صلى الله عليه وسلم ،،، عجبا لأمر المؤمن إن أمره كله خير //

ان شاء الهلال سيعود ليضرب بيد من حديد وينتزع ابطال اسيا من فم الأسد ،،،

لاتلوموني ،،، فهذا هو الزعيم

Helaly2020 · #3 08/05/2010, 11:10 PM

إقتباس


	QALB-AL.ZAEEM كلام درر يازعيم ,, هذا هو ديدن الزعماء سلمت آنآملك يالغالي بالتوفيق لجميع أبطال الزعيم

حياك الله يالغالي ،،، شكرا على المشاركه ،،، وهي بالتأكيد تعني لي الشي الكثير ////

Helaly2020 · #4 08/05/2010, 11:22 PM

إقتباس


	MrBlue الله يعطيك الف عافيه وان شاء الله نعوضها بانتصار اسيوي جديد ان شاء الله

الله يعافيك يالغالي ،،، وباذن الله ،،، الهلال يكون في الموعد ويبيضها ،،،

Helaly2020 · #5 08/05/2010, 11:24 PM

إقتباس


	خـوآطـر هـلآلـي كلامك صحيح ورانا البطوولة الآسيوويـه .. وإن شاء الله مانفوتها .. صـرآآحـه البطوولات كثيرهـ جدا وهي اللي ترهق اللاعبين .. وكل البطولات نافسنا عليها .. بطولتين حصلنا عليها وبطولتين كنا الوصيف فيها .. والخامسه هي بطولة دوري أبطال اسيا .. يالله .. الله يعين اللاعبين مع جيريتس ..

ياهلا بك والله ،،، كلامك على متمه ،،، الفريق يحتاج الى مرحلة نقاهه بعد المباراة القادمة ،،، لمراجعة الحسابات ،،، وتعديل الأخطاء ،،، والخامسه ثابته

شكرا لفكرك الراقي

Helaly2020 · #6 08/05/2010, 11:27 PM

إقتباس


	الـواثق عوااااااااااااااافي وما قصرت بالتوفيق للزعيم

حياك الله ،،، الله يعافيك ،،، والوعد 12 مايو ،،،

Helaly2020 · #7 08/05/2010, 11:36 PM

إقتباس


	Hilali Falcon ياخي اوكي , الله يوفقك ومشكور على موضوعك بس خلنا نكون صادقين مع انفسنا ومانجامل لعيبتنا سلمان الفرج ماله اي مستقبل في مركز المحور انت شفت وش سوا؟ ياخي رفع ضغطي

هلا بك اخوي ،،، ويوفقك يارب ،،، بكون صادق معاك اكثر ،،، واللي اهم من الصدق في مثل هالموقف الواقعيه ،،، سلمان الفرج لاعب صغير ،،، وأمس لعبه في تثبيت الكور وفي الاستلام والتسليم ،،، وكأن عمره تعدى الثلاثين ،،، أمس الفرج ماكان محور دفاعي ،،، كان يلعب محور هجومي وهذا كان واضح من تمركزه ،،،

ثم يا أخي الكريم ،،، وش سوا ؟؟؟ ،،، اللاعب أدى اللي عليه ،،، مع ذلك لايوجد لاعب كامل ،،، لذلك قلت ،،، استمر على انضباطك وتركيزك ،،، هل تعلم يا أخي الكريم ان عبدالله الجمعان في بداياته كان يلعب في مركز قلب الدفاع ؟؟؟ ذكرت هذا على سبيل المثال وليس المقارنه ،،، حيث أن اللاعب قد يعرف في مركز ويلعب في مركز آخر ،،،،

ولكل شخص رأي ،،، وأنا احترم رأيك ،،، ولكن من وجهة نظري ،،، أنه سيكون جنديا قادما في الملعب ،،، اسأل الله أن يحفظه من الغرور والاصابات ،،، وأن يتمم عليه انضباطيته والتزامه

Helaly2020 · #8 09/05/2010, 12:11 AM

إقتباس


	هلالي وانا مالي الهلال لامستوى ولا نتيجه و الاتحاد يفعل مايريده

الهلال تأثر بلا مبالاة البعض ،، وايقاف البعض ،،، وظروف البعض ،،، والأهم من ذلك كله ،،، سيتأثر أكثر اذا استمرت جماهيره في تحطيمه ،،، نقطه اتمنى انت ننتبه لها