شي مهم جداً جداً جداً ياجمهور الهلال..لازم.. - نادي الهلال السعودي - شبكة الزعيم

queenهلاليه · #1 07/05/2010, 12:30 PM

يمسيكم بالخير والزعامه..
جمهور الهلال العظيم..

بس حبيت الفت نظركم بنقطة مهمه..يمكن اغلبكم مو منتبه لها..
أول شي/انتم الله يعطيكم العافيه تحظرون للملعب في وقت مبكر في اغلب المباريات...وخاصة المهمة
((بسبب..التنظيم المعدوم والغير موجود نهائياً))ولأن كل واحد فيكم يبي له مكان حلو وهالشي من حق الجميع.. وطالما انكم مضطرين لـ هالشي..أوصيكم..
1/الصلوات لا تأخرونها ولا تتركونها ياشباب تكفون..
2/لا تجهدون انفسكم بالتشجيع من العصر..ع الفاضي..
أبدأوا بالتشجيع ولا عليكم أمر من لمّا يدخلون اللاعبين للتسخين..
حتى لو جمهور الخصم اقعدوا يهايطون بشتم اوتحدي او غيره..اسفهوهم..اهم شي((فريقك))
بتسألون..ليش؟
بقولكم عشان التشجيع من بدري قبل لا تبدأ المباراة بكثير يرهقكم وينشف ريقكم..ويمللكم..
أدري المسأله حماس بس تذكر فريقك يحتاجك اثناء المباراة موقبلها..!!!
..وانا ماكتبت هالموضوع إلاّ بعد ما لاحظت هالشي ع الجمهور في المباريات المهمة والنهائيات ..قبل المباراة يشيلون الملعب شيل..ووقت المباراة خامدين ولا كأنهم موجودين(بعذرهم اتعبوا)ماتطلع اصواتهم إلاّ وقت هجمه خطيره أو هدف..!!!!!ويادوب بعد..!!!
عشان كذى كل واحد فيكم قبل لا يروح للملعب..يمر على باجه..وياخذله فصفص الضيافه..

<<<<<تحددّ بعد

عشان يمخمخ عليه ومايمل وشوف لك هرجه مع اي احد جنبك والتهي فيها اللين تبدأ المباراة ..
ولاتنسون..الصلاة ياشباب..الصلاة. .الصلاة. .الصلاة..تكفووووووون..والدعاء لهلالنا..

ثاني شي/في حال الفوز بأذن واحد أحد..ياخي داريين انك جاي من بدري وتعبان..بس معليش اقعد بعد ربع ساعه زياده واحتفلوا مع نجومنا بالكأس وتوكل على الله..
فيه ناس يعاجلون بالطلعه عشان يطلع يحتفل في الشارع!!!!!!!!!!!!!
طيب ليه؟؟!! الإحتفال مع الفريق بالكاس احلى واطعم..
قسم بالله يوم يصفر الحكم..واسمع..هيييييييييييي..ثم اختفاء الجمهور..يضييييييييق صدري خاصة في
النهائيات!!!!

وش ذا؟!!!...ياخي شيلوا الملعب بالهتافات وبأعلى صوت..لو بس ماتقولون..إلاّ..((هلال))تغني عن مليووون اهزوجه..الله يعطيكم العافيه وعساكم ع القوه يارب.

.
../أما في حال الخسارة لا قدّر الله..برضه حيو فريقكم وارفعوا اياديكم وصفقولهم واشكروهم..وخاصة اذا قدموا مستوى يشرف..فرحوّنا كثير هالموسم..
دمتم بصحة وسلامه..والله يحفظكم من كل شر

شطحه..
((وربي دايم ادعي للي يحظرون الملعب من كل قلبي))

شطحه ثانيه..

إذا شريتم فصفص ..اطلبوا بدون ملح..عشان براطمكم ماتنّفخ

وهاشي ممكن يعيقكم عن التشجيع
اللي هو لب موضوعنا

أختكم..عشق المهاو أزرق..((داخله بيوزر اختي..بس تكفون لا أحد يعلمها)

أرجو من الإداره تفعيل عضويتي(عشق المهاو أزرق)

queenهلاليه · #2 07/05/2010, 12:33 PM

أرجو الرفع ياشبكتنا العزيزه

bredawy · #3 07/05/2010, 12:46 PM

الله يوفق الهلال ولاعبيه وان شاء الله الكاس هلاليه بااذن الله

الله يعطيك العافية

الشاعر/مودع السويدي · #4 07/05/2010, 12:47 PM

مشكورة أختي الهلالية
وإن شاء الله نشوف الملعب فوووول

أبوعبدالعزيز20 · #5 07/05/2010, 12:47 PM

مشكووووووووره أختي هلاليه

والله يوفق الزعيم

أبن روق · #6 07/05/2010, 12:56 PM

بالتوفيق ان شاء الله للهلال اليوم وكل يوم

إقتباس


	جمهور الهلال العظيم..

العظمة لله سبحانه

وانا شخصياً صار عندي حساسيه من كلمة عظيم

لانها تردد بكثره عند جيراننا

عاشق4 البرنس1 الليبي · #7 07/05/2010, 01:05 PM

يعطيك العافية اختي

صدقتي اختي

انا لما احضر بدري مو معناها اني اشجع من العصر
الى العشاء ولما تبدا مافي صوت لي

اعتقد المسؤول هو الرابطة صحيح حماس بس

لو يخلونها في وسط المباراة افضل

ماراح اختلف مع بعض الجماهير انو حماس
بس اذا كان في اهازيج خاصة وجديدة

نواف الناصر · #8 07/05/2010, 01:07 PM

الله يوفق الجماهير والزعيم

انا بتغدا وبطلع من الخبر الساعه 2

عالرياض ..ووجهي الملعب

موفقين

Blue Rain · #9 07/05/2010, 01:14 PM

يسلمو ،،

ممكن سؤال ؟؟ ليش جمهور الإتحاد ينقهروا اذا سمعوا نيجيريا ؟؟ محد راضي يجااااوبني

shosho 6al 3omrha · #10 07/05/2010, 01:14 PM

,
×
( جٌمّعَةْ مٌبَآرِكّةْ ) ..
بآذن آلله جمهور آلزعيم آليوم فٌل ..
ويحتفلون مع بعض بـ آللقب آلآغلى ..
نقآط مهمة منك يآ خييّه وآهم شئ آلصلآة ..
بسس ولآ يهمك بــ علم آختك آنك دآخلة بيوزرهآ لوووول <<~ نذآلة ..
<< آمزح معآك وعقبآل مآ نششوف يوزرك متفعل وتتحفينآ بموآضيعك آلخنفشآرية ..
يعطيك آلعوآفي يـ’ـآ بعدهم ..
لآهنت ..~
ودي وآحترآمي لـــ شخصِكَ آلكريم ..
بآلتوفيق لــ نآدي آلقرن ..
,
×

الشلهوب -10- · #11 07/05/2010, 01:19 PM

مشكوووره اختي هلالـيه موضوع رآئع وممتآز

*تحياتي لأحلى زعيم* · #12 07/05/2010, 01:20 PM

إن شااااااااااااااااء الله الكأس هلالية

البروووفيسووور · #13 07/05/2010, 01:26 PM

ياااارب وفقنا اليوم وكل يوم
وان شاء الله الرباعيه

رياض الجازع · #14 07/05/2010, 01:26 PM

إقتباس

الرسالة الأصلية كتبت بواسطة queenهلاليه


	1/الصلوات لا تأخرونها ولا تتركونها ياشباب تكفون.. ( )

الله يوفقك على هالنصيحة الجميلة ويكتب لك الخير

عبدالرزاق الراشد · #15 07/05/2010, 01:28 PM

مشكورة أختي على الوصايا الطيبة خاصة وصايا الصلاة بارك الله فيك

وأود أن أضيف وصية أخرى وهي عدم السب والشتم لللاعبين وخاصة لاعبي الهلال فالجميع لا يحب الخطأ وإن أخطأ اللاعب فإنه خارج عن إرادته فالجميع يود أن ينفذ خطة المدرب بالصورة الصحيحة فأرجو الحفاظ على كرامة لاعبينا لأن لا أحد يريد أن يُشتم أو يُسب

بارك الله بالجميع

اللهم وفق الهلال اليوم وكل يوم ودمتم بحب وسلام