|
شي مهم جداً جداً جداً ياجمهور الهلال..لازم..
يمسيكم بالخير والزعامه..
جمهور الهلال العظيم..
بس حبيت الفت نظركم بنقطة مهمه..يمكن اغلبكم مو منتبه لها..
أول شي/انتم الله يعطيكم العافيه تحظرون للملعب في وقت مبكر في اغلب المباريات...وخاصة المهمة
((بسبب..التنظيم المعدوم والغير موجود نهائياً))ولأن كل واحد فيكم يبي له مكان حلو وهالشي من حق الجميع.. وطالما انكم مضطرين لـ هالشي..أوصيكم..
1/الصلوات لا تأخرونها ولا تتركونها ياشباب تكفون..
2/لا تجهدون انفسكم بالتشجيع من العصر..ع الفاضي..
أبدأوا بالتشجيع ولا عليكم أمر من لمّا يدخلون اللاعبين للتسخين..
حتى لو جمهور الخصم اقعدوا يهايطون بشتم اوتحدي او غيره..اسفهوهم..اهم شي((فريقك))
بتسألون..ليش؟
بقولكم عشان التشجيع من بدري قبل لا تبدأ المباراة بكثير يرهقكم وينشف ريقكم..ويمللكم..
أدري المسأله حماس بس تذكر فريقك يحتاجك اثناء المباراة موقبلها..!!!
..وانا ماكتبت هالموضوع إلاّ بعد ما لاحظت هالشي ع الجمهور في المباريات المهمة والنهائيات ..قبل المباراة يشيلون الملعب شيل..ووقت المباراة خامدين ولا كأنهم موجودين(بعذرهم اتعبوا)ماتطلع اصواتهم إلاّ وقت هجمه خطيره أو هدف..!!!!!ويادوب بعد..!!!
عشان كذى كل واحد فيكم قبل لا يروح للملعب..يمر على باجه..وياخذله فصفص الضيافه.. <<<<<تحددّ بعد
عشان يمخمخ عليه ومايمل وشوف لك هرجه مع اي احد جنبك والتهي فيها اللين تبدأ المباراة ..
ولاتنسون..الصلاة ياشباب..الصلاة. .الصلاة. .الصلاة..تكفووووووون..والدعاء لهلالنا.. 
ثاني شي/في حال الفوز بأذن واحد أحد..ياخي داريين انك جاي من بدري وتعبان..بس معليش اقعد بعد ربع ساعه زياده واحتفلوا مع نجومنا بالكأس وتوكل على الله..
فيه ناس يعاجلون بالطلعه عشان يطلع يحتفل في الشارع!!!!!!!!!!!!!
طيب ليه؟؟!! الإحتفال مع الفريق بالكاس احلى واطعم..
قسم بالله يوم يصفر الحكم..واسمع..هيييييييييييي..ثم اختفاء الجمهور..يضييييييييق صدري خاصة في
النهائيات!!!!
وش ذا؟!!!...ياخي شيلوا الملعب بالهتافات وبأعلى صوت..لو بس ماتقولون..إلاّ..((هلال))تغني عن مليووون اهزوجه..الله يعطيكم العافيه وعساكم ع القوه يارب..
../أما في حال الخسارة لا قدّر الله..برضه حيو فريقكم وارفعوا اياديكم وصفقولهم واشكروهم..وخاصة اذا قدموا مستوى يشرف..فرحوّنا كثير هالموسم..
دمتم بصحة وسلامه..والله يحفظكم من كل شر
شطحه..
((وربي دايم ادعي للي يحظرون الملعب من كل قلبي))
شطحه ثانيه..
إذا شريتم فصفص ..اطلبوا بدون ملح..عشان براطمكم ماتنّفخوهاشي ممكن يعيقكم عن التشجيع
اللي هو لب موضوعنا
أختكم..عشق المهاو أزرق..((داخله بيوزر اختي..بس تكفون لا أحد يعلمها)
أرجو من الإداره تفعيل عضويتي(عشق المهاو أزرق)  | 