إقتباس الرسالة الأصلية كتبت بواسطة fufu-idm لماذا المنتخب السعودي ليس كمنتخب البرازيل او منخب اسبانيا او حتى منتخب مصر ؟ المنتخب يمثل اسم الوطن في البلدان الأوربيه يهتمو بالمنتخب مثل مايهتمو بالأنديه اما هنا في السعوديه ماشاء الله الأنديه توب مثلا الهلال هوا اللي جاب مدرب المنتخب في السعوديه وجاب ايريك غريتس يعني في اهتمام . بس المنتخب السعودي جاب مين ؟ بوسيرو يعني مدرب نادي يدرب منتخب ؟ الله ع الإهتمام منتخب البحرين افضل من المنتخب السعودي بكل صراحه اقلها جابو محترفين واعطوهم الجنسيه . طيب لو احنا مانقدر نعطيهم الجنسية السعوديه ليش مانسوي زي البرازيل ؟ في البرازيل تشوف اطفال اعمارهم من 6_7 سنواة ماشاء الله عليهم يلعبو عشان عندهم في كل حي ملعب في كل حي انا متأكد لو فتحنا في كل حي ملعب والله ثم والله يتغير المنتخب السعودي 99,99% والله قهر لمن تشوف المنتخب بلادك من اسوء المنتخبات المشكله ماتقدر تغير المنتخب لو نادي يعني لو نصراوي تقدر تسير هلالي .(لا يغرك انا هلالي من يوم ماعرفت شي اسمه كوره) عشان البطوله الخليجيه والأسويه مافي حل اللا نغير المدرب ونجيب مدرب ونقول للمدرب شوف لأنديه واختار اللاعب اللي تبغاه لا تعتمد ع الأسماء اعتمد ع اللعب بعدها ممكن نتأهل للنهائي وان شاء الله نفوز بالبطوله .

اخوي اعجبني كلامك عن فتح ملاعب في الحواري فكره ممتازه وانا ااكد لك انه لو يجون كشافيين لبعض المناطق مثل شرق الرياض الي فيها دوريات قويه وهم اقوى دوريات تنظيم وفرق توجد بشرق الرياض وانا متأكد لو يجون كشافيين بيلقوون مواهب ما تقل عن ياسر القحطاني واسامه وخالد عزيز وكلهم شباب انا من سكان شرق الرياض والله في ناس تلعب افضل من محد نور بس المشكله مين يكتشفهم

اعجبني كلامك عن فتح ملاعب في الحواري فكره ممتازه


اما بيسيرو ذا ياخي اش يسوي

كلامك رااائع الملاعب فتحو اعتقد ملاعب او ساحة بلديه على قولتهم
لكن ماشووف انهم يسوون فيها دوريات كلها تجميع و يلعبوون
واصلا ماعندك كشاافه هنا تكتشف لاعبيين
و المفرووض بكل نادي يكون هناك فرقه كشاافيه تطلع تشووف الاعبين الحواري وياخدون الافضل منهم وان شالله راح يكون فيه كثير لاعبيين يرفعون المنتخب او النادي الي يلعبون فيه
لكن ماعندك احد هنا

كلامك رائع لكن من الي يسمع اه اه اه

المطلوب فقط

1- فكر احترافي من المسؤليين بالمنتخب

2- مدرب عالمي مو بقايا اندية مثل بيسيروا او تشليح من الاندية مثل باكيتا

اجتهد وادفع ملاليين بالمدرب علشان تشوف النتيجة

3- اجهزة طبية ولياقية على مستوى عالمي يعني ادفع يارئيس ادفع

مو الاندية تتعب على نجومها واذا راحوا للمنتخب تعرضوا لاصابات !!!!!

هذا منتخب وسمعه بلد يبي له فلوس مو اجتهادات واليد ماسكة وتجريح باللعيبه اذا خرجوا من بطوله ؟؟؟


الا على فكرة صحيح سعد انظلم للمنتخب مو علشانه نصراوي لا لكن مهاجم وعدد اهدافه بالدوري ؟؟؟؟؟؟؟؟؟؟؟؟