بسم الله الرحمن الرحيم

الحمد لله رب العالمين والصلاة والسلام على سيد الأنبياء والمرسلين

السلام عليكم ورحمة الله وبركاته ،،، وبعد

من شاهد مباراة البارحة بين الهلال والرائد ونظر بعين الحياد إلى اللاعب البرازيلي المحترف ليناردو

لاعتقد بأن هذه المباراة تكريم لاعتزال هذا اللاعب فاللاعبين يعطونه الكرة من باب المجاملة وهو يعيدها لأقرب لاعب .

كما أنه ثقيل الحركة وهي صفة مذمومة في لاعب كرة القدم على وجه العموم فضلاً عن كونه محور الفريق الذي دائماً ما يكون أنشط لاعب في الفريق .

وقد يقول قائل أني تعجلت الحكم على اللاعب لكني أذكره بالمثل الشعبي الذي يقول
(( ليالي العيد تبان من عصاريها ))
وختاماً الله يذكر أيام توليو بالخير

وعزتي لفيصل الصالح وزملائه عن هذا اللاعب

أخوكم : الكاتب النحرير
جدة ـ بوابة الحرمين الشريفين
الخميس 18 / 8 / 1423 هـ


علماً بأن هذا المقال هو الأول لي بعد انقطاع مايقرب من السنتين لم أكتب فيهما عن المجال الكروي

ياهلا ومسهلا بالكاتب الرائع الكاتب النحرير ،،،

عودٌ والعودُ أحمد ..

بالنسبة لــليناردو فالصبر عليه زين ما ننسى وقفتنا ضد ( أدميلسون )! وبالأخير صار هدّاف الدوري العام الماضي اللي فزنا فيه ..

أنا معك إن جيّـة ليناردو غلط×بغلط وكنّـا منتظرين لاعب ( عالمي بمعنى الكلمة) ولكن العوض ولا القطيعة ..

صدقني الهلال محتاج حالياً لوقفة جمهوره معه .. الجمهور اليوم اللي حضر ما يعكس أن هالفريق هو حامل اللقب لهذه المسابقة العام الماضي!!!!!

نحضر .. وبعدين نطالب باللي نبيه .. أمـّـا أننا نطالب ولا نحضر هذا كأننا نسبح بالبحر بملابسنا العادية <<== الله من زين التشبيه ..

عموماً سعدت جداً جداً بعودة هذا اليوزر الرائع ..

وحفظك الله من كل مكروه ،،،

صحيح كلامك اخوي ..


هو ثقيل الحركه وماشفنا منه شي ..


ولكن زي ماقال اخوي مخاوي البطولات ننتظر وش ورانا ؟؟

اهلا وسهلا فيك اخوي " الكاتب النحرير " ..

رأيك حول اللاعب ليوناردو .. أراء نحترمها ونقدرها

لكن ألا ترى معي بـأن الحكم على لاعب اجنبي من أول مباراة له مع الفريق .. حكم ظالم وغير عادل ..؟؟!!

يجب أن لا نستعجل في إطلاق الأحكام ..

ونمنحنة المزيد من الوقت .. ;)

الــــسلام before الكلام؛

إقتباس إقتباس من مشاركة مخاوي البطولات ياهلا ومسهلا بالكاتب الرائع الكاتب النحرير ،،، عودٌ والعودُ أحمد .. بالنسبة لــليناردو فالصبر عليه زين ما ننسى وقفتنا ضد ( أدميلسون )! وبالأخير صار هدّاف الدوري العام الماضي اللي فزنا فيه .. أنا معك إن جيّـة ليناردو غلط×بغلط وكنّـا منتظرين لاعب ( عالمي بمعنى الكلمة) ولكن العوض ولا القطيعة .. صدقني الهلال محتاج حالياً لوقفة جمهوره معه .. الجمهور اليوم اللي حضر ما يعكس أن هالفريق هو حامل اللقب لهذه المسابقة العام الماضي!!!!! نحضر .. وبعدين نطالب باللي نبيه .. أمـّـا أننا نطالب ولا نحضر هذا كأننا نسبح بالبحر بملابسنا العادية <<== الله من زين التشبيه .. عموماً سعدت جداً جداً بعودة هذا اليوزر الرائع .. وحفظك الله من كل مكروه ،،،

الحمد لله علـى السـلامه كـاتبنا العـزيز .. الكاتب النحرير ..

وليناردوا مااتوقع نقدر نحكم عليه من اول مباراة .. ان شاء الله مع رجـوع الدولين كاملين من سامي الى نواف الى الدوخي .. بتواجد النجوم نقدر نحكم على المحترفين .. والاهم هو دعـمهم في الملعب و خارجه حتى لا يـلعب و عليه ضـغط نفسي .. و ليكن تجربة ادميلسون خبر تجربه على عدم الحكم المستعجل على اللاعب ..

تحياتي لك .. وشرفتنا

بالعكس ....اللاعب صلب ....واستلام ..وتسليم صح ...ويعطل الكوره بالوقت المناسب ...!! ولياقته زينه ....!!!وش تبون أكثر من كذا ؟؟ انا توقعت قياساً بالمقالب السابقه ...أنه يصير مايعرف يلعب !!! وترى ياناس مافيه لاعب من مباراة ..او مباراتين (( وخصوصاً اذا كان غريب )) يبان مستواه...!! وهذا اللاعب اذا لم يكن مصاباً .....سيكون نجم هلالي واذًكركم انشاء الله !!!

نصبر ونشوف
واذا طلع ماش ايش السواه؟

إقتباس إقتباس من مشاركة ملعب الصائغ بالعكس ....اللاعب صلب ....واستلام ..وتسليم صح ...ويعطل الكوره بالوقت المناسب ...!! ولياقته زينه ....!!!وش تبون أكثر من كذا ؟؟ انا توقعت قياساً بالمقالب السابقه ...أنه يصير مايعرف يلعب !!! وترى ياناس مافيه لاعب من مباراة ..او مباراتين (( وخصوصاً اذا كان غريب )) يبان مستواه...!! وهذا اللاعب اذا لم يكن مصاباً .....سيكون نجم هلالي واذًكركم انشاء الله !!!

اصلا اللي قال عنه سباك
والله انه رجاااااااااااال

اقول الله يذكر بالخير يا فيصل ابواثنين

خالد عزيز يوم نزل لعب احسن من الشايب

اللاعب مقلب و لا تكثرون كلام

والله رايي من راي الاخ ملعب الصائغ
ياجماعه نسيتو بداية ليتانا وادميلسون وغيرهم احمدو ربكم انكم تعاقدو مع لعيبه
وبعدين بصراحه انا اشك ان الموجودين امس جماهير الزعيم مع احترامي ذولي مسخره مش جماهير
كل كوره تجي عند سوماليا ضحك ومهزله والله يشحنون اللاعب
على العموم الايام جايه وبنشوف