البرتغالي يرى بأن ميسي يظهر بشكل مميز لأنه يلعب إلى جانب لاعبين مذهلين جداً...
نجم ريال مدريد كرستيانو رونالدو بأن خصمه في برشلونة ليونيل ميسي تفوق عليه في الموسمين الأخيرين بفضل الأداء الرائع الذي يقدمه زملاؤه في الفريق كتشافي هيرنانديز و أندريس إنييستا، و أوضح البرتغالي بأن ميسي لاعب مذهل لكن تفوقه عليه جاء بفضل المستوى الرائع الذي يظهر عليه فريقه برشلونة.

و أضاف رونالدو في مقابلة مع مجلة "دون فوتبول" الإسبانية قائلاً "ميسي يلعب بشكل رائع لأنه يعتمد على لاعبين مميزين جداً من حوله، ففريقه يساعده كثيراً في التألق. ميسي يلعب في أفضل فريق بالعالم حالياً و هو برشلونة. أنا سأقول لكم لماذا : الكتلونيين فازوا بستة ألقاب الموسم الماضي و قد وصولوا إلى مراحل متقدمة في دوري الأبطال كما أنهم يتصدرون ترتيب الدوري... هذا كل ما في الأمر"

و تابع "من الواضح أنني مع ميسي نحن نشغل مكاناً مميزاً في تاريخ كرة القدم... و لهذا سنحاول ما أمكن الفوز بالمونديال المقبل في جنوب أفريقيا..."

http://www.goal.com/

يعني ريال مدريد مافيه الا انت ياكريسي ؟!

فيه نجوم بعد

لكن الكبير كبير

وميسي وبرشلونه الافضل في العالم والبقيه خلفه

وان شاء الله يستمرون على هالمستوى .

بالتوفيق للجميع ^ ^

عشان تصبح المقارنه عادله يجب البحث في مشاركات اللاعبين مع منتخبي بلادهما

رونالدو أنقذ مانشستر وريالد مدريد والبرتغال لم تكن لتتأهل بدونه

ميسي يعتبر التوب في البارسا بس حقيقه لم يكن له أي دور في وصول الأرجنتين لنهائيات كأس العالم بل على العكس تاهلت من عنق الزجاجة

كل كلامـه رونآلدو وآقعي وصحيح ..
والدليل نشوف ميسي مع الارجنتين يفحـط مايسوي اي شي ، وتاهلو لكآس العالم بشق الانفـس .
واذكركم ميسي راح يفحط بكآس العالم مع منتخبه ولا يسوي شي ،

واي لاعب مع برشلونه راح يبدع وبتجيه الكوره امام المرمى مقشره ، ويسجل اهداف ..
بفضل مدربهم الي يخطط على التمريرات السريعه من كل لاعبيـن برشلونه

وانت يا رونالدو عنك نجوم في ريال مدريدوكانك تبي تكون الأفضل بالعالم تعال للبرشا ههه لأنك مع الريال بتكون صعبه على تصير الأفضل إنشاء الله أفضل لاعب سنة 2010 تشافي هيرنانديز وبالتوفيق للبرشا

كلام كريس واقعي ..!

بس في مدريد فيه لاعبين بس وين الروح الكل يبي الانجاز لنفسه ولو نرجع للاسماء نحصل مدريد افضل

كاكا .. جوتي .. الونسو .. هيقوين .. كريستيانو .. بينزيما

لاعبين مميزين لكن الكل يبي الانجاز لنفسه وهذي المشكلة

اما البرشا المميز فيهم الروح لا أكثر !!

تحياتي

هههههههههههههههههههههههههههههههآي

ليش أنا يوم ألعب في الهلال السعودي زي لما ألعب في نجران ..........؟

ياللي تقولون ان ميسي أفضل وينه ميسي حقكم في الأرجنتين ...؟

الله يخلي مارتن باليرمو أهلكم في آخر 40 ثانية ، بينما رونالدو هو اللي أهل البرتغال


،

لكل اللي يقول إن ميسي أفضل ، أقلكم والله العظيم والذي لاإله إلا هو

لو ميسي حقكم يلعب في ريال مدريد ، وربي وربي مايسجل أكثر من 15 هدف

في الليقا >> لكن مأقوووول غير ربي يحفظك يا اكسافي ، وإنيستا ، وبيدرو

همسة أخير ،، في تعليق الشوالي على مباراة ريال مدريد وبرشلونة الأخيرة

واللي كانت بتاريخ 10 / 4 / 2010 م

قال الشوالي : حقيقة قد تكون ياميسي ولا شئ في غياب اكسافي ونجوم البرسا

عاد والله إذ الشوالي عندكم مايفهم كووورة هذا شئ ثاني

اتفق مع كرستيانو

ميسي في نابولي ؟ الدوري الإيطالي ؟ هنا اضع سؤالي وجوابه يجاوب على تصريح كرستيانو

إقتباس الرسالة الأصلية كتبت بواسطة B 6 O 6 كلام كريس واقعي ..! بس في مدريد فيه لاعبين بس وين الروح الكل يبي الانجاز لنفسه ولو نرجع للاسماء نحصل مدريد افضل كاكا .. جوتي .. الونسو .. هيقوين .. كريستيانو .. بينزيما لاعبين مميزين لكن الكل يبي الانجاز لنفسه وهذي المشكلة اما البرشا المميز فيهم الروح لا أكثر !! تحياتي

كآكا كآن مصآب وطول الموسم مالعب الا كم مباراه
جوتي لاعب ليس لديه القدره ان يلعب ٣ مباريات كامله كاساسي
هيقوين لآعب ممتآز وهدآف ولكن يعد من المهاجمين اللي يسهل ع الدفآع مراقبته
بنزيما حاله كحآل كآكا طول الموسم لم يلعب الا كم مباراه

ولو نرجع لخط الدفاع كاملا ستجد خط دفاع البرشا افضل بكثير ولاعبيه من ذوي الخبره ..

خط الهجوم فيه بيدرو ابراهيموفيتش بويان هنري وميسي بعض المباريات يكون لاعب في العمق .. يعني البرشا عنده في خط الهجوم باستثنآء ميسي ٣ لاعبين جاهزين يملون الخانه ..

طيب الريال حآليا من فيه غير هيجوين مهاجم ؟ لاتشطح وتقول رؤول لانه منتهي من سنتين ولا يتقارن حاليا حتى ببويان

اين الروح في مباراه الانتر ؟ ليه شفناهم سلموا ويآسو من المباراه وتو باقي ع انتهآء الشوط الثاني اكثر من نص ساعه ؟!! لاتجي وتقولي الانتر مسكر دفاعه لو كان البرشا لاعب بنفس الروح اللي لعب بها الانتر كان تآهل

يعني لاتدخل تطور البرشا بروح لاعبيه بل قل تطورهم بتطور اكسافي واينيستا وامتلاكهم للاعبي الخبره
عكس الريال اللي حاليا تقريبا سنه من السنين النادره اللي نشوف فيها الريال يلعب فيه لاعبين اساسيين اعمارهم ماتتعدى ٢٤ ..

مع ودي واحترآمي

إقتباس الرسالة الأصلية كتبت بواسطة Keiko صراحه انا أتفق مع مهوب عشاني والله مدريدي لا والله ,, بس مسي مين خط الوسط الي عنده .! تشافي ,, لحاله عن 3 لاعبين بالعالم ,, نيستا .! هذولي اللآعبين يكفونك .!! صراحه الكلام هذا مهوب انا أقولك حتى أسأل العيال الكتلونين ,, يقلون مسي الي أبرزه لآعبين الوسط يعطونه هجمات أنت وضميرك . شكراً لك

اجـل الـعيال الـي عنـدك مايفـهمون كـوره صـراحه !!

الـحين الوسـط يعطـون ميـسي كـرات انـت وضـميرك ؟ ميـسي مـكانه صـانع لعـب ومـهاجم فـي نفـس الوقـت

ولو تحسـب كـم صناعـه صـنعها ميـسي مع بـرشلونه كـان جـت اكثـر من اهـداف رونـالدو + صـناعاته !! قـال يـعطونه كـور انـت وضـميرك

تصريح منطقـي من كرستيآنو

ولكن لآ نغفل أن ميسي لآعب ممتاز و يستغل انصاف الهجمات

عمومـًا , كرستيانو و ميسي .. حكآية لن تنتهي

سـ تظل المقآرنـآت حتـّى لو ثبتت نجومية لاعب عن الآخر

لأنهم وبكل إختصآر يلعبآن مـع ريآل مدريد و برشلونه

إقتباس الرسالة الأصلية كتبت بواسطة Black N White اتفق مع كرستيانو ميسي في نابولي ؟ الدوري الإيطالي ؟ هنا اضع سؤالي وجوابه يجاوب على تصريح كرستيانو

هذا الكلام .... وكأس العالم قرب وبنشوف ميسي الخرافي مع التانغو ,,,