السلام عليكم
اختي دلع .. يعلم الله اني احترمك كثير كثير واغلب المواضيع الي تكتبينها في القسم خصوصاً فيما يتعلق بالبطولات الخليجيه مارد عليها احتراماً لك لأنه يمكن رأيي يكون قاسي شوي
على العموم .. جميع الخليج هذا اذا ماكان الوطن العربي بأكمله شاف النهائي .. نهائي مافي تنظيم ولا فيه امن
كلنا شفنا هالشي على القنوات الفضائيه .. وعلى حسب كلام مدير الكره لنادي قطر انه بعد نهاية المباراة حطو الفريقين بنفس الجهه
وهذا اكبر خطأ من الناحية التنظيميه
بالنسبه لصورة شيخكم انتي عارفه ليه مارد ولا تكلم؟؟ لأنه عارفه ان القطريين معاهم حق . وين التنظيم الي شفناه ببطولة كأس العالم للأنديه؟! ولا مايطلع تعبكم الا للأجانب
بصراحه انتم ماقدرتوا الفرق الخليجيه (بالبطولات الخليجيه) ابتداء من مباراة الأتفاق والجزيرة الأماراتي وماصاحبه من نزول الجمهور وتعديهم على لاعبي الأتفاق .. استكمالاً بمباراة الوصل والنصر السعودي من بداية التدريبات وتشغيل موسيقى خاصه بنادي الوصل ونهايتها بالتعدي على طبيب النادي وعدم تحفظ الأمن على الجمهور المسبب للشغب نهاية بالنهائي المخزي بين الوصل وقطر القطري وماصاحبه من سوء تنظيم في نهاية المباراة
انا اتمنى انكم انتم يالأماراتيين والأتحاد الأماراتي تتعلمون من الأتحاد السعودي كيف يكون التنظيم وكيف يكون الأحترام الي يكون من جمهور الأنديه السعودية للأندية الخليجيه في جميع البطولات وحسن استقبالهم لهم
بالنسبه لخالد جاسم .. من وجهة نظري افضل مقدم برامج رياضيه وبرنامجه من انجح البرامج التي تعرض الآن على التلفزيون وما اتوقع ولا برنامج يقدر يجي يمه وحتى قنواتكم انتم ماتقدر تسوي نص الي سواه خالد جاسم
ولا ننسى ان نجيب الرحمن .. هو المسبب الأول للفتنه بين الأندية السعودية هذا من وجهة نظري
ارجوا من الأخوان الأماراتيين يقفلون موضوع البطوله هذي
تقبلي مروري اختي وان شاء الله كلامي يكون له ترحيب منك
الوضع العادي
