!!من سوالف جدتــــي!!+((ياولد او بنت)) - نادي الهلال السعودي - شبكة الزعيم

طفلة خانها التعبير · #1 28/04/2010, 03:47 AM

السلام عليكم ورحمة الله وبركاته

شخباركم؟؟
ان شاء الله بخير

هذا الله يسلمكم بكره ماعندي شرح لان شرحنا اربع ايام في الاسبوع وبكره الربوع عندي جامعه من 7 ونص الى 10 ..<<نسيت انا دخلنا الربوع
المهم ان مافيني النوم قمت ارتب اغراضي اللي عليها غبار واحصل من بينها قصيدتين اهدتني اياهم صديقة اختي من 5 سنين والصدفه الاحلى لما دخلت الجامعه اتعرفت على اختها وطلعت سميتي وشاعره مثلها <<فرحانه انها نفس اسمي

القصيدتين فيهم عظة وعبره للبنات ..عاد انا ودي انزل الثنتين بس قلت يابنت نزلي وحده وبعدين الثانيه ..

في ليلةٍ صار الملل يرسم ملامح صورتي
قلت أرواح لجدتي وأقضي وقتي عندها

وأشكي لها من شعورٍ عكّر مزاجي وحالتي
يمكن يزول هالملل ليمن جلست في قربها

بدت تحكي وتقول يا بنتي سمعي قصتي
قصة ما أظنك أبد تلقين أحلى منها

قصة صبر على مشاكل ألعبت في دنيتي
افهميها واستفيدي من سرها ومضمونها

بالماضي يوم أنا شباب أنا ووحده جارتي
تنافسنا قدام الملا على اللي يثبت حسنها

كان اهـــتمامي بسيط في زيـــــنتي ولبســــــــتي
وكان المشط لا ما يفارق لحظة منابة شعرها

كان التواضع هو الأساس في كلامي ولهجتي
وكان الدلع والميوعة وصف يليق بصوتها

كنت أِشوف أن الجمال في أخلاقي وطيبتي
وكانت تشوف أن الجمال في كحلها ومكياجها

كنت بصراحة أزور كل الحريم في حارتي
وهي تقاطع الجميع مغرورة يعني بحالها

وفي يوم جاني عريس تقدم يطلب خطبتي
وهي من يوم درت شب الجنون بعقلها

عزّمت تقلب حياتي وتشوه معالم فرحتي
وتتقرب لكل عريس لجل يميل صوبها

صارت توصل له كلام ما جا يوم في سيرتي
حتى أقدرت وبكل مكر تجذبه لعيونها

بكيت في بادي الأمر ودعيت ربي في سجدتي
يرزقني رجّال أصيل يحميني من شرها

وكلها أيام وجا من يداوي علـــــــــــتي
شيخ ٍ يسواها ويسوى أخوانها وأعمامها

وفي يوم عرسي أحضرت قدام هلي وعشيرتي
وصارت تتبلى علي بأمور أنا ما شــــــــــفتها

لكن في شيء حصل رفع من رأسي وعزتي
وقّف عريسي بكل رجوله وصرخ في وجهها

وقال يا هيه أسمعي ردي وفهمي كلمتي
هذي المرأه هي حرمتي وما راح أرضى بغيرها

لو تنقلب سمانا أرض ما راح أغير نظــــــــرتي
وأنتي بجمالك ما تساوين حتى الوسخ في ظفرها

وهذا الشهم جدك يابنتي تاج رأسي وعزوتي
شيخٍ قدر بطيبته يسعد حياتي كلها

وقتها صرخت وقلت الله يا جدتي
قصتك فعلاً غريبة نادر الأقي مثلها

أوعدك من هالدقيقة لا وبعد من لحظتي
أني أكون لك حفيده يفتخر قلبك لها

وأني أعدل بذكاء ما بين شكلي وزينتي
ومابين أخلاقٍ حميده منّك أنا تعلمتهـــــا

وسلامتكـــــــــــــــمــ

شعر
ملكة الأحساس

..ان شاء الله تعجبكم..

((ياولد اوبنت))
امس الثلاثاء بنت تسئلني عن بنت<<عدوها
تقولي تعرفين فلانه قلت اي اعرفها قالت
اتزوجت قلت اي وعيّلت بعد
قالت شجابت؟؟((ماذا انجبت))

قلت لها :مدري بس ياولد او بنت..<<الكل قام يضحك
ولا اطالعهم وانا معصبه ليش تضحكون

قالوا لي راجعي اجابتك
قلت اي ياولد او بنت
قالوا بذمتك العالم شتجيب
<<مدري ليه احيانا يفصل معاي السلك

دمتم بكل الود