نادي الهلال السعودي - شبكة الزعيم - الموقع الرسمي - !!من سوالف جدتــــي!!+((ياولد او بنت))

- منتدى المجلس العام (http://vb.alhilal.com/forumdisplay.php?f=1)

- - !!من سوالف جدتــــي!!+((ياولد او بنت)) (http://vb.alhilal.com/showthread.php?t=889493)

!!من سوالف جدتــــي!!+((ياولد او بنت))

السلام عليكم ورحمة الله وبركاته

شخباركم؟؟
ان شاء الله بخير

هذا الله يسلمكم بكره ماعندي شرح لان شرحنا اربع ايام في الاسبوع وبكره الربوع عندي جامعه من 7 ونص الى 10 ..<<نسيت انا دخلنا الربوع
المهم ان مافيني النوم قمت ارتب اغراضي اللي عليها غبار واحصل من بينها قصيدتين اهدتني اياهم صديقة اختي من 5 سنين والصدفه الاحلى لما دخلت الجامعه اتعرفت على اختها وطلعت سميتي وشاعره مثلها <<فرحانه انها نفس اسمي :wub:
القصيدتين فيهم عظة وعبره للبنات ..عاد انا ودي انزل الثنتين بس قلت يابنت نزلي وحده وبعدين الثانيه ..
:rose::rose::rose:

في ليلةٍ صار الملل يرسم ملامح صورتي
قلت أرواح لجدتي وأقضي وقتي عندها

وأشكي لها من شعورٍ عكّر مزاجي وحالتي
يمكن يزول هالملل ليمن جلست في قربها

بدت تحكي وتقول يا بنتي سمعي قصتي
قصة ما أظنك أبد تلقين أحلى منها

قصة صبر على مشاكل ألعبت في دنيتي
افهميها واستفيدي من سرها ومضمونها

بالماضي يوم أنا شباب أنا ووحده جارتي
تنافسنا قدام الملا على اللي يثبت حسنها

كان اهـــتمامي بسيط في زيـــــنتي ولبســــــــتي
وكان المشط لا ما يفارق لحظة منابة شعرها

كان التواضع هو الأساس في كلامي ولهجتي
وكان الدلع والميوعة وصف يليق بصوتها

كنت أِشوف أن الجمال في أخلاقي وطيبتي
وكانت تشوف أن الجمال في كحلها ومكياجها

كنت بصراحة أزور كل الحريم في حارتي
وهي تقاطع الجميع مغرورة يعني بحالها

وفي يوم جاني عريس تقدم يطلب خطبتي
وهي من يوم درت شب الجنون بعقلها

عزّمت تقلب حياتي وتشوه معالم فرحتي
وتتقرب لكل عريس لجل يميل صوبها

صارت توصل له كلام ما جا يوم في سيرتي
حتى أقدرت وبكل مكر تجذبه لعيونها

بكيت في بادي الأمر ودعيت ربي في سجدتي
يرزقني رجّال أصيل يحميني من شرها

وكلها أيام وجا من يداوي علـــــــــــتي
شيخ ٍ يسواها ويسوى أخوانها وأعمامها

وفي يوم عرسي أحضرت قدام هلي وعشيرتي
وصارت تتبلى علي بأمور أنا ما شــــــــــفتها

لكن في شيء حصل رفع من رأسي وعزتي
وقّف عريسي بكل رجوله وصرخ في وجهها

وقال يا هيه أسمعي ردي وفهمي كلمتي
هذي المرأه هي حرمتي وما راح أرضى بغيرها

لو تنقلب سمانا أرض ما راح أغير نظــــــــرتي
وأنتي بجمالك ما تساوين حتى الوسخ في ظفرها

وهذا الشهم جدك يابنتي تاج رأسي وعزوتي
شيخٍ قدر بطيبته يسعد حياتي كلها

وقتها صرخت وقلت الله يا جدتي
قصتك فعلاً غريبة نادر الأقي مثلها

أوعدك من هالدقيقة لا وبعد من لحظتي
أني أكون لك حفيده يفتخر قلبك لها

وأني أعدل بذكاء ما بين شكلي وزينتي
ومابين أخلاقٍ حميده منّك أنا تعلمتهـــــا

وسلامتكـــــــــــــــمــ

شعر
ملكة الأحساس

..ان شاء الله تعجبكم..

((ياولد اوبنت))
امس الثلاثاء بنت تسئلني عن بنت<<عدوها
تقولي تعرفين فلانه قلت اي اعرفها قالت
اتزوجت قلت اي وعيّلت بعد
قالت شجابت؟؟((ماذا انجبت)):d
قلت لها :مدري بس ياولد او بنت..<<الكل قام يضحك
ولا اطالعهم وانا معصبه ليش تضحكون:mad:
قالوا لي راجعي اجابتك
قلت اي ياولد او بنت
قالوا بذمتك العالم شتجيب
<<مدري ليه احيانا يفصل معاي السلك :ap:

دمتم بكل الود
:rose::rose::smilie47::rose::rose:

انا اول وحده ارد يس ((ان ماخذيت الاول ...التالي وش لي به))

:::::::::::::::

قصيده جدا جدا رائعه .........كلمات ذات مغزى ومعنى واضح

احرف سلسه سهله للجميع فهمها وقرأتها...وحتى تلحينها*(*

إقتباس:

لو تنقلب سمانا أرض ما راح أغير نظــــــــرتي
وأنتي بجمالك ما تساوين حتى الوسخ في ظفرها

يااااااااااااااااااه قمت الرجوله والحب .........قمة التحقير للاخت السافله^^ الي ماهمها الا خراب البيوت يخرب بيتها^^

طفله ننتظر القصيده الثانيه عجلي فيها تكفين

تحياتي

:rose::rose:ياصباح الانوار ام الغالي بنت الغاليه

وراس مانمتي

وليه مارديتي على الموقف<<امزح معاكي

لبى قلبك

والله يام متعب اني احبك في الله

:ba::ba::ba:

ابشري يالغلا

ان شاء الليله انزل الثانيه

مني لس
:rose::rose::rose::rose::rose::rose:

وعليكم السلآآآم ورحمة الله وبركاته..

ابداع القصيده ما شاء الله..

الله يعافيك طفله.. اما الموقف.. مشكلة المخ لما يفصل بأوقات حرجة..:s2:

كل الشكر لك.. بالتوفيق لك ان شاء الله يا رب..

:rose:

هههههههههههههههههههههههههههههههه اجل ياولد اوبنت

صرااااحة مع اني مااحب الشعر ولا القصيد لان احس يبي له تفكير وفهم المغزى وانا منيب فاضي

بس هالقصيدة صراااااحة ابداع ووواضح من جدتها السهولة بالكلام حتى بالقصيدة الكلام واضح وبسيط ومفهوم

وكنها قصة ماشاء الله

ياانا والله اكره هالبنات اللي يسوون مشاكل ويتهمون الناس بالباطل ويخربون بيوتهم ويسببون مشاكل

الله يعطيك العافية اختي طفلة خانها التعبير :rose:
حقيقة نصائج جميلة .. وابيات هادفه ..
والله عز وجل دائما ما يعوض الصابرين خيرا .

دمتم بحفظ الله ,

أهلا أهلا بأختي الفاضلة..
أرجو أن تكوني والأهل جميعا بخير حال..

أول شيئ أهنيك على صديقات زي صاحبة الأبيات وأختها ..لأنهن بصراحة شكلهن من بيت فضل وأدب..
ثم لاننس أن لديهما جدة رائعة حكيمة أكيد استفادن منها ..

الأبيات جدا جدا رائعة وموزونة ومعبرة وفيها من الحكم الشيئ الكثير..:yes:

الفتاة الي كانت تنافس جدة صاحبتك فيه في عصرنا الكثير والكثير منها ولكن بأساليب مختلفة للأسف..!!:cry:

لا أدري لماذا البعض وأنا أخوك يفكر بعقلية " الندرة " ولايفكرون بعقلية " الوفرة"..؟!!فيظن البعض أن الخير وفضل الله تعالى قليل لايتسع لنا جميعا..؟!!
ياأحبابي الكون خلقه الله لنا جميعا فهو يتسع لنا جميعا..والخير الموجود على هذه الدنيا سيتسع لأهلها جميعا بلاشك..فإن أُغلق باب فٌتح باب آخر من أبواب الخير والفلاح..فلاتبتئسوا ..واسألوا الله الكريم من فضله..
ما أجمل أن نعيش متحابين نرجوا الخير والسعادة لكل البشر..:yes: :smilie47:

- بالنسبة للولد أو البنت ..هههههههه هي فعلا مشكلة لأنها إما جابت ولد أو بنت << أبنجلد صح..؟!!:s5s:

لاتشلين هم وأنا أخوك ترى الفصلات دايما تصير والله..

وسعي صدرك واضحكي بكل استطاعتك..

بعدين تعالي هنا : متى تنزلين القصيدة الثانية..؟!! ترانا متحمسين!!

شكرا لك..

..عبدالعزيز..

مشكوووووووورهـ قصيدهـ رائعه مع اني ماحب

الشعررر بس اللي فيه قصه وعظه وعبره حلووووو

رآاآاآئعة القصيدة :wub: .. كلمآتهاآ جداً سهلة ومفهومة .. :yes:
..
أمّا بنت أو ولد ! :razz: ليش هو فيه جنس آخر :s3s: :s2:
< بسّ ترآها كثير تصير :s5s: يعني عادي عادي :d
.
.
:rose:
بِ إنتظآر القصيدة الأخرى :wub:

إقتباس:

كان التواضع هو الأساس في كلامي ولهجتي </B>
وكان الدلع والميوعة وصف يليق بصوتها </B>

كنت أِشوف أن الجمال في أخلاقي وطيبتي </B>
وكانت تشوف أن الجمال في كحلها ومكياجها </B>

مآشآء الله عليهآ , كلام رآئع .. :s5s:
تسلمين طفله ..
يعطيك العافيه ..
وصح لسآن صديقه اختك .. :d

إقتباس:

قلت لها :مدري بس ياولد او بنت..<<الكل قام يضحك

هههههههههههههههههههههههه اول مآقريتها قلت خير ليه يضحكون ؟
بس مآستوعبت الا تحت ..
والله اني دلخ ..:s2:
مآقصرتي .. :smilie47:

الله يعطيك العافيه ,
أبيات معبره , وسهله جداً ..

إقتباس:

وقال يا هيه أسمعي ردي وفهمي كلمتي
هذي المرأه هي حرمتي وما راح أرضى بغيرها

يعني الحين ما كفتها قرادتها طالعه للرياجيل كاشفه :D .

اما ياولد يابنت تجي منها وااجد
مره نايمه عندي بنت خالتي واسألها اشغل المكيف ؟ عساس الجو حار شوي
تقول لا ماكلني البرد !!

عوآفي .

يآلبيه القصيده كلمآتهآ قوويـه :s5s:

وآحوب القصآيد اللي فيهآ قصص وحوآر وتسذآ :d

وعلى الولد ولا البنـت خخخ يآكثر ماتصير لي هالموآقف عآد وقتها يكون فيني آلنوم :ap:

وننتظر القصيدهـ الثآنيه :smilie47::wub:

ودي لروحتس :rose:

اللي احلى من القصيد الدلاخه :s2:

:rose::rose::rose:

في الحقيقة وقت قرائتي للموضوع مثالية .. حيث بعد استفاقتي من النوم .. بقليل ..

وفي جعتبي كأساً من القهوة اتلذذ بشربه .. وانا اتصفح .. بيتي الثاني ..>>> يقول قصة حياته :s2: <<<

الحقيق من قرائتي للأبيات .. وصلت بنسبة سطحية الى طريقة تفكير .. تلك الفتاة .. فحقيقة .. الفتاة تبدو .. من معشر طيب واصل ..

إقتباس:

كان التواضع هو الأساس في كلامي ولهجتي
وكان الدلع والميوعة وصف يليق بصوتها

فهذا البيت دليل قاطع .. على ما سردت سابقا ..

اسلوبها الشعري التحاوري .. اتقنته بحذافيره .. ماشاء الله عليها ..

ويلفت النظر هنا .. طريقة سياغة الكلمات .. وعدم صعوبتها اثناء .. النطق وهذه نقطة لصالحها ..>>>> حسيت اني بشاعر المليون وانا احلل كل كلمة :s2::wub:

وانا من جانبي . لاتفرطين بالبنت هذي لاهي ولا اختها ..

وننظر القصيدة الثانية .. عشان اكمل تحليل وفلسفة :wub:

احمدي ربك .. ماقعدت احلل البيوت الثانية .. لأنها فيها مغازي .. وكلام جدا جدا جدا رائع .. وينم .. عن ثقافتها الكبيرة .. ومعجمها اللغوي الذي ساعدها ..

اما ولد ولا بنت ..؟ :s2::s2::ap::ap:

وش رايك يعني .. بالله يبون يجيبون بسه ..؟:s2: ( بسه = قطة :s2:)

الحقيقة هي صارت لي .. بس خليها مستورة .. :s2::wub:

طفلة ماشاء الله عليك .. كثري مواضيع تكفين :ga::wub:

خوذي :rose::rose::rose::rose: >>>> رجعي وحده لي :s2:

يسسسسسسسسسسسسسسسسسسسسسسلمو