حينما سمعت تصريح رمزهم بعد مباراة الهلال ، وذكره لنادي الطائي بالذات ، تذكرت سالفة أحد الشباب حدثت له في يوم من الأيام.
ومعذرة سأسردها على طريقته لأنه يميل دائما إلى الإسلوب الساخر في رواية بطولاته وصولاته وجولاته .

يقول خوينا: ابطريق بيتنا مطب صناعي خفيف شوي يعني يجي شبرين وقفلة ، - فقلة ذي وحدة قياس خاصة بخونا هذا- يقول امتعود دايم أجي على الكابرس أنقزه زي سلام عليكم .
لكن مرة من المرات تعطل الكابرس واستعرت عطية الله ( الددسن ) من الشايب وما قصر عطان اياه على طول ، - يبي الفكه منها - .

يقول خوينا : جيت وقت القيالية بعد الدوام طفشان أبي - يعني اريد – الغدا والفراش يقول جاي كالعادة طاير فوق الارض وآآآآآآآكل المطب ، واخذ رقم قياسي عالمي ( على وزن اعليمي )بالوثبة الرباعية لان الددسن حقت الشايب أم اربع كفرات .

يقول : ولا صحيت الا على تحقق نظرية دوران الكرة الأرضية وايماني بهذه النظرية ،واللي كنت منول اتطنز بمدرس الجغرافيا بسبته ، ولاالأرض دايرة وصايرةٍ الكفرات فوق والنتدة تحت
والناس روسهم تحت ورجليهم فوق .

ولا تعدلت الصورة عندي الا بمزعة بمشط القدم الخارجي على قولتهم ، واقوم اباشوف وش السالفة ولاه الوالد يقول قم يانويصر يالله صل مذنٍ له ساعة .

تذكرت هذه السالفة لأني أحسست أن رمزهم أكل المطب على طريقة خوينا نويصر ...

تحياتي للجميع ومعذرة مرة أخرى ،،،،،

وبعدين وجد الخاتم ولا لا

الطاقية وين راحت
يمكن تحت الكفر

ويكفي فرحته وتشققه

كثر الله خير شايبه و الله عرف له

الغالي / almohab
لالا يبي يلقى خاتمة حقرانه للغير،،


الغالي /عزيز
الطاقية يقولون انها ضايعة مع طاسته الضايعة ،،

الغالي / ابو ريوف
أما تشققه فهو توه ما جاه تشقق ، ياما يبي حصل له من الشقوق ،،،

الغالي /KSA_knight
وكثر الله خير اللي يبون يعرفون له زين بعد والله يقويهم ،،،


شكرا لمشاركتم ودمتم بخير ،،،،،

عسى المطب ما هوب جاااااااامد

الغالي / عبادي

أعلمك إن شاء الله يوم الأربعاء ، بعد ما يعلمونه الرجال قدره .،،،،
قل يارب ،،،،،

قايل لكم العليمي رايح ياكل المطب ، وفعلا أكله أول المباراة ، ولكن البركة براعي الفزعات ابو مهنا
ما قصر .

وارجعوا للمباراة وتابعوا بداية الكرة النصراوية التي جاء منها هدف التعادل .

فهي بالأساس رمية جانبية للطائي ، ولكن بقدرة قادر صارت للنصر ، نفذها الداوود إلى داخل المنطقة الطائية ، وأثناء الدربكة التي حصلت ، تدخل لاعب الطائي وأخرجها ولكن بعد ما تعرض لدفع واضح من كاستلو ،ولكن ابو مهنا الله ولي العلم انه اعطاه مبدأ اتاحة الفرصة

طبعا اتاحة الفرصة للنصر حتى لو كان الفاول للطائي ما يمنع ، أهم شي ان الأمر ما يتعارض مع الخطة المرسومة من قبل لجنة ابو شقير !!!!!

المقصود يو م اخرج لاعب الطائي الكرة إلى رأس منطقة الجزاء ( طبعا الطائية لا يروح ظنكم بعيد )
عادت مرة أخرى إلى الدفاع الذي أخرجها إلى ضربة زاوية جاء منها هدف النصر الثاني والتعادل.

******************* ضـــــــــــــــــــــــواري ******************

& نفسي اسمع ان النصر والاتحاد طبق عليهم نظام قصات القزع .

& لاحظو التوزيع الهلال ( خليل جلال ) والنصر ( ابو مهنا ) . ولسه بدري اللي بالطريق أكثر .

& والله سويتها يالذيب ولا لعبت ( والله انك عارف لهم زين ) .

& سمعت عن هجوم على الجزيرة بس مدري أيهن حقتنا والا حقت جيراننا شرق .