ارجوكم مشرفينا ارفعو الموضوع

وش دعوه ياشباب والله ماتوقعت 12 ساعة فاتح الموضوع ولا رد

قتلووني اقتلوني رجل روماني بام برازيلية ! ~

يعطيك العافيهـ علىا الطرح ~

وبخصوص مبطووح الله لاتبلانأأ بس ~

تحياتي للجميع ~

اشكرك اخوي على نقاطك التي لخصت واقع المباراة بشكل كبير

بالنسبة للحكم خليل جلال .. كان ماشي بمبدأ التعويض .. وكان متهاون كثير مع لاعبي النصر

وأعتقد أن تصاريح ممدوح .. لازم يحاسب عليها .. يعني هذي اسماء عوائل .. مهما كانت ماتستهين فيها

تخيل اخوي لو كان العكس .. وش راح يصير !!


تقبل مروري

يعطيك العافيه على الموضوع

النقطه الاولى لاتنسى ان خروج نامي وطرد الفريدي لخبطت الاوراق وغير نرفزة اللاعبين
الهلال مو ناقص خبره حتى يتساهل .. صح انه بدا بالاستعراض بس مهما كان الضغط النفسي بان عليهم

الحكم لاتعليق متردد مجامل

ممدوح..للاسف لا يعرف التقدير والا كيف رجل ينعت رجل بعمره وقدام الملا بالقاب كذا .. جمباز وزعلان !!

دايم النصراويين كذا مااالهم امل بالفوز يصيرون يرفعون لانفسهم بهالكلام
والله لو انها خمسه صفر ليقولون نفس الكلام حاطين لعيبتهم بزارين
ولعيبة الهلال كبار

هدف رادوي اتفق معك من وجهة نظري ولو اني سمعت كثير يقولون هدف فيقاروا اروع واصعب !!
بالنسبه لي مافيه مقارنه ..من اروع الاهداف اللي مرة علي هدف ياسر في الفتح وهدف رادوي ..

نامي هههههههههه ياحبي له والله كنت اقول قبل المباراه صدقوني بيسوي شي
مثل يوم المفرج في مباراة الشباب ههههههه كنت اقول كل العالم ضده صدقوني بيسجل
وسبحان الله جاب هدف وربي عطاه على نيته .. مسكين يتحمس بس هذي امكانياته ياليت ماحد يقسى عليه >> حنونه خخ

العتيبي انا مرة اخاف اذا هو الحارس اكررره تقدمه وتسرعه بس ماقصر يعطيه العافيه


يعطيك العافيه وعذرا على الاطاله


بالتوفيق للزعيم

ودي ارد بس ان اخترت الشباب يردون على موضوعك

لالا امزح .... النقاط الي ذكرتها فيها من الغرابه نامي امتعنا البارح سجل هدف وبرضه كانت له محاوله قبلها في منطقة الجزاء الي بسببه تسجل الهدف الثاني للهلال

فرحة النصراوين مدري وش اسميها بصراحه خسران ومبسوط واحنا فايزين ب 5 ومعصبين وش هالتناقض !!!

بخصوص هدف رادوي انا اشوفه من اجمل الاهداف المسافه ماهي سهله وفوق هذا جاء بوقت خطير

ممدوح ...................... لا تعليق على كلامه بس كحيلانهم يطالب بأيقاف سامي طيب من وممدوح ماغلط بشي؟ ماستهزاء ولا شكك بذمة الحكم؟ ولا اللجنة لناس وناس!


واتوقع ايقاف العتيبي للمباراة الجايه الله يستر بس ياليت يكون بديله الدعيع مو هذاك شراحيلي مع احترامي الشديد له

والتهاون والبرود من اللاعبين بالشوط الثاني كلن ملاحظ هالشي بس السبب عند قيريتس هو الي يملك الاجابه

والشوالي رهيب بصراحه عشت معها بجو مباراة اوروبيه خصوصا في تعليقه لهدف رادوي وياسر الثاني

منورين تسلمون والله ..
ماقصرتو ..