نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

alzeemm · #1 21/04/2010, 02:13 PM

السلام عليكم ورحمةة الله وبركاته

نعم احداث غريبه ومن" اغرب الديربيات " !

- الهلال بعد تسجيل الهدف الرابع ضمن المبارة !
بصراحة استغرب على لاعبين الهلال لاعبين خبره !
- الآن عرفتم مشكلة الحكام السعوديين !
مشكله الحكام السعوديين انهم متخوفين دائما ولا عندهم قرار صارم .. فبعد ماجبنا 3 خليل جلال كان يمشي لهم كروت حمراء وضرب واشياء كثيره ..
- مهزلة التصريحات ياممدوح !
امس بعد مانتهت المبارة على طول شغلت منتدى الزعيم الا اشوف موضوع تصريح ممدوح دخلته طبعا وشفت التصريح .. بصراحة قمة المهزلة ! المفروض يعاقب على هالتصريحات .. والله كانه مشجع متعصب ماكانه اداري ..!
- اول فريق في العالم ينهزم 5 وومستانسين !
ابوي نصراوي تخيلو معي متشقق ومستانس يقول انا اعتبره فوز .. وايضا اللي حاب يضحك يدخل منتداهم يشوف مواضيع مخجله منها واحد كاتب موضوع صغار النصر يهزمون نجوم الهلال ! بلله وصلنا لهالدرجة من التخلف فريقك متخلف ب 5 وفرحان !
هدف رادوي من افضل اهداف العالم !
والله امس هدف رادوي كنت اناظر المبارة مع عيال عمي وكلنا معصبين فلما جا هدف رادوي جتنا فرحة غير طبيعيه لاننا ماكنا نتوقع اولا في اخر الدقائق هدف مهم وثانيا من بعيد ..هدف خرافي بصراحة والله اعتبره من افضل اهداف العالم !
تحديت عيال عمي بنامي !
قبل مابدت المبارة قاعد اشوفها مع عيال عمي المهم قلتلهم والله يبدع نامي كلهم طبعا ردو علي بالعكس وانه نكبه ومادري ايشش !
والحمدلله سجل هدف .. نامي ظهير جيد لاكن مشكلته الارتباك ! واتوقع هذي مشكلتها نفسيه !
العتيبي بدع لاكن الدعيع " خبره "
بصراحة امس لاحد يختلف على ابداع العتيبي لاكن العتيبي امس ماعنده خبره كافيه تقولون ليش المفروض العتيبي يكون هادي ياخذ وقت من حقه .. واتوقع هذي مشكله الحماس الزائد .. صدقوني لو الحارس الدعيع ماراح تدخل الاهداف بهالسرعة .. وبعدين انت ياعتيبي فريقك فايز ا4 ومستعجل مادري على اييش !
الشوالي امس بصراحة كانت هذي مباراته !
امس وانا اتابع المبارة ماتصدقون كيف كنا متحمسيين مع التعليق والله معلق كبير فديته .. بصراحة يوم جا هدف رادوي : اقتلووني اقتلوني رجل روماني بام برازيلية !

والآن انا انتهيت من نقاطي وحبيت اناقشها وحدة وحدة لاكن اتمنى في مبارة الاياب مايكون استهتار ابداً

!

الى اللقاء