19/04/2010, 05:03 AM
|
| زعيــم متواصــل | | تاريخ التسجيل: 17/04/2010
مشاركات: 63
| |
، كيف تطلبونا الحضور ، !؟
السـلام عليكم ورحمـه الله وبركـااته
هذي اول مشاركه لي ، بعد التفعيل معاناه مع التفعيل 
كـ اول مشاركة لي ، ابدأ مع وقفتـي مع نادي الهلال في الملــعب
ابي أتكلم عن الي يحصـل بإستاد الملك فهـد ، وسوء التنـظيم
كل مره ، أدخل واقول بنفسي المره الثانيه مو جاي ، والسبب [ أمن استاد الملك فهـد ]
لكن أرجع مره ثانيه ، من حبي وعشقي اني اسااند الزعيم مع جمهور الزعيم
لكن ، احس بجدار يووقف قدامي يعترضني ، وهو امن استاد الملك فهـد
أمن ، تفتيش ، سلامه ، نشكررهم ع هذا كلـه
لكن توصل أني اطلع اصلي وارجع ، ممنووع ادخل مرره ثانيه !؟
أشجع وارفع صوتي والرابطه تنادي اني ارفع صوتي واشده عشان تشجيع الزعيم ، واذا طلعنا نجيب مويه وندخل بها ممنوع الدخول ؟
كيف أقدر أسااند فريقي وغيري يووقف بطريقي ؟؟ كيف تبيني الرابطه اتحمس معها وغيري يمنعني !؟
ياخي ، اذا تمنع اني اشرب ، او اذا انت خايف اني أرمي علبه مويه ؟ ياخي بدال ماتحط الف عسكري ع بوابه وحده ؟ وزعهم ع المدرجاات !؟ خلهم ينظموون ويراقبون الي يصيرر ، موو يتجممع الف عسكري تحت ويسولفون ،
وتسألون عن عزوف الجماهير بالرياض ! لو على جماهير الرياض ، كان استاد الملك فهد ما قدر يتسع لجماهير الرياض ، لكن الجدار الي يوقف قدامهم هو الي يخليهم يجلسوون بالبيوت وبالاستراحات أريح لهم ولكرامتهم
بتتوقعون ، لو بنحصل راحه ، وحماس بالملعب ، وكل شي متوفر لنا ؟ راح نترك الملعب ؟؟ مستحيـــل
لكن الي نشووفه من الدووس ع الكررامه ، وعسكري متعسكر بالبوابه ويحط حرته فيني ويهين كرامتي ، شلوون ارضى لنفسي اجي ،
مهزله الي تصير باستاد الملك فهد ونرضى نجي كله عشان الزعيم ، ناشدنا وطلبنا واشوف الف موضوع مثل المواضيع لكن مافيه صوت وصل ؟
الى متى وكل شهر وكل سنه الجماهير تقل وتقل ..
.. بالنهايه ، مادري شاقول بمباراه الهلال والنصر ، اذا احضر او كالعاده تنداس كرامتنا ونسكت .. |
الوضع المتطور
