السلام عليكم ورحمة الله وبركآته

اخواني انا حاب اطرح لكم هالموضوع ونتكلم بعقلانيه شوي

هالايام الي راحت كل المواضيع الي طرحت بخصوص العتيبي ومدى عقده وتساومه على النادي

شفت كذا رد لكذا مشجع الي يقول طماع والي يقول كرهته والي يقول مايستاهل والي يقول نجيب الشمري بداله .

طيب الرجال له 18 او 17 سنه مع الهلال وينكم قبل توكم يوم طلب كم مليون جيتوآ تكلمتوآ وتقللون فيه

يكفي ان حسن لاعب في بطولة كاس ولي العهد والكل شاف المستوى الي قدمه يعني الاداره مستخسره كم مليون عشانه .!!!

الصراحه انا اتفآجاه من جماهيرنا هالكلام فما ادري هل اهي تعي الاحتراف او كرة القدم ام لا .؟؟؟

النقطه الثانيه عن ياسر وعن عزيز كلهم غائببن الصراحه الوم الكاتبن سامي الجابر على تصريحه في عن الغياب في الوقت هذا خصوصا قدامك مبارة يوم الثلاثاء قدام النصر نقول ونتفآئل خير ان عزيز عنده عذر قوي راح يقنع الجهاز الفني الوم سامي انه في جماهير ماتدري وين ربي حاطها وتدور اي شئ عشان تتكلم وتسئ اللآعبين

ياسر القحطاني اهو كذلك لاعب كبير وجماهيري غاب ولا احد نزل موضوع بخصوص ياسر لانه ياسر وخالد عزيز عزيز نفسه ...!!!

كلامي لكم كاجماهير عدم التسرع في تفوه او التجريح في اللاعبين لانهم بشر واتوقع لكل واحد له عذره

واتمنى اننآ نرقي بافكارنا كاهلاليين ..

واحترامي للجميع ..

ودمتم بود .

يـــــــــــسلم بؤك ياسيدي


والمشكله ان بعض الناس يقول اطردوا عزيز


والله عزيز محد راح يعرف قدرره إلا إذا طلع

أوكي هو غياباته تقهرر بس ضروري الإداره تجلس معه جلسه مطوله

>>>>> والدليل انه لاعب مهم إعتماد قريتس 80% على عزيز كمحور مع إعطااء الحرية لرادوي

يارب ياكريم وفق الزعيم
أولا و أخرا كلنا ثقه في ادارة شبيه الريح

لابد من التماس العذر لهم في حال لم نعلم مالسبب....
\

وديـــــــــ...

الله يهدية عزيز للاسف اتوقع ان النصراوية ماقدروا يوقفوا رادوي قالوا نروح للحلقة الاضعف عزيز
بالذات ان هالاعب لة مواقف سابقة
اتمى انة مايوقف عن اللعب يكتفون بخصم نصف المرتب وحرمانة من المكافاة
لانة انسان للاسف مستهتر وعلى حسب كلام بعض الاخوان انة اليوم واصل الغياب

إقتباس الرسالة الأصلية كتبت بواسطة هلالية والفخر لية 2 الله يهدية عزيز للاسف اتوقع ان النصراوية ماقدروا يوقفوا رادوي قالوا نروح للحلقة الاضعف عزيز بالذات ان هالاعب لة مواقف سابقة اتمى انة مايوقف عن اللعب يكتفون بخصم نصف المرتب وحرمانة من المكافاة لانة انسان للاسف مستهتر وعلى حسب كلام بعض الاخوان انة اليوم واصل الغياب

مراحب اخوي ..

معليش بس ابي اعرف وش تحس فيه وش نصراويه ..!! الرجال يقولك امه في المستشفى وجالس عند امه وانت تقولي نصراويه قدروآ لعزيز الحلقه الاضعف وينا فيه في الرابح الاكبر حنا ..!!

معليش اخوي ياليت ترقي بحوارك وتفكر بعقلانيه وتترك عنك التعصب الاعمى ..

احترامي لك

بنسبه لحسن العتيبي انا ما الومه بس اهم شي لا يطولها ويطلب مبالغ مناسبه لعمره وامكانياته والله يوفقه
اما عزيز والقحطااني اعذارهم معهم والله يوفقهم ان شاء الله في قادم الايام

الجماهير المفروض ماتتدخل في قرارت الاداره والجهاز الفني
ممكن يشوفوون شي احنا الجماهير مانشوفها وهم الاقرب

قضية العتيبي بسلامته يبي يطلع يطلع يبي يجلس يجلس بس المهم اننا نعرف الاحتراف عرض وطلب هو ماقتنع بالعرض الله يوفقه اقتنع اهلاً وسهلاً ..

غياب عزيز وياسر لكل واحد ظروف والإداره هم من تحدد العقاب وفي لوائح وانظمه تطبق على كل من اخطاء .. المهم اننا ندعم الاداره ولانجعل من " الحبه قبه" لأن في ناس يتربصون للهلال وينتظرون أي شي ..

بالنسبه لحسن العتيبي

الله يوفقه سواء مع الهلال ولا غيره

لكن الواضح من تصرفاته انه يبي نادي اخر

(( حركات الدووخي ))

وجهة نظر ياعزيزي ما اظن تجرح لاعب

ومثل ماقلت 17 سنه مع الهلال

سامي وقع على .. بياض ..

الدعيع نفس الشي

قال لو تكتبون (( 0 )) بس احرس للهلال

وهذا شغل الاداره ومال للجماهير علاقه فيه

اما بالنسبه لعزيز

كثرة البربره عليه هي اللي بتفقدنا محور جبار

غياب عادي

مافيكم احد يغيب عن دوامه ..؟؟

تمشي الامور طبيعي

في نادي اخر (( احتراما للمنتدى ماراح اكتب اسمه ))

اللي حضروا التمارين 5 لاعبين فقط لاغير

ولاحد صعد الموضوع

فيا اخوان لاتشتغلون بدل صحافة الاصفرين علينا هنا

امر عادي وطبيعي ويحدث ومالكم علاقه بالعربي يغيب ولا يحضر

اهم شي يقدم مستوى بالملعب وانتم تستمتعون وتشجعون

<< كثير حكي

يعطيك العافيه حبيبي

تقبل ماخطت اناملي

السلام عليكم

اخوي بخصوص حسن اتوقع الموضوع طول اكثر من اللازم الان المفروض الاداره تحط عرضها قدام حسن يا يوقع او ينتظر نهاية الموسم يعتزل او يتحول هاوي

طبعا اذا نتكلم عن الاحتراف الموضوع مو تقليل في حسن او شي بس الموضوع زاد


وعن كلامك عن سامي اتوقع هو ما اخطاء ولا شي الجمهور يحظر التمرين والاعلام يحضر

اكيد في اسئله وين ياسر او عزيز

ما اتوقع بقول غير الصدق

بس اتمنى رساله توصل الى ياسر

الجماهير وقفت معك الموسم هذا كثير اتمنى ما يجي نهاية الموسم وتخيب الامل في غياب

انا اقول كذا عن ياسر بحكم انه عذر كان غير مقنع ابد للاداره

واذا استبعده المدرب عن المباراة القادمه ماراح احد يقدر يلوم المدرب


واذا على خالد عزيز

ماراح اقدر اتكلم حتتى يطلع احد من الاداره يتكلم هل قدم عذر او لا

نايف الصالح

يارب ياكريم وفق الزعيم
أولا و أخرا كلنا ثقه في ادارة شبيه الريح

المفرووظ يسكتوون العتيبي بالي يبي عشان نضمن مستقبل الحراسه الهلاليهـ اما عزيز عنده ظرووف وقيريتس يدري بالظروف هاذي

الله يستر ويعدي الموضوع على خيرررررررررررر

حيآك يالغلا


بالنسبة للقضية الاولى العتيبي .. اعتقد ان الرجال صبر كثيررررر وجلس في الاحتياط كثيررر
يعني ما اشوف فيها شي لو طالب بزيادة في عقدة وبعدين هو فعلا استغل الفرصة بعد مالعب
واثبت جدارته وجريتس قام يمدحه وهذي وظيفته وهذي اخر ايامه الرجال يبغا يحسن وضعه المادي قبل هجره الملاعب
لان يعرف ان ماله عمل بعد كذا الا انه يبدأ في اعماله الخاصة .. << وجهة نظر

نروح للقضية الثانية يالغالي سامي ماغلط ولا احرج فريقه ولا شي
الاعلاميين عندك حاضرين وشايفين ان ياسر وعزيز غايبين وش تبي يقولهم
اذا ماقال الصدق الاعلام كله راح يشب على الهلال وعلى سامي وحنا مو ناقصين يكفي اللي فينا

عالعموم ان شاء الله ان جريتس يتقبل عذرهم ونشوفهم في الديربي
ان شاء الله عزيز يكون بخير وعافيه وان شاء الله يوصل ياسر ويكون بخير وعافية


تحياتي لكـ

المفروض يعطون اللعتيبي الي يبي
الادارة متحسفة على مليونين والله انه مسخرة
بعدين العتيبي يستاهل عشرة
واتمنى من الادارة تعطي تجدد العقد