اليوفي دمار بالشق الهجومي ,, ودييقو قلتها سابقاً ما قدم اي اضافه بالعكس يأخر الكره.
يذكرني بطارق التايب ,, كل مناولاته لازم حقت انفراده ,, يا ناس شوفو تشافي وتعلمو كيف تمسكون نص.
إقتباس
حال اليوفي مايسر اي محب لكرة القدم ,, !!
وضعهم صعب صعب صعب .. لازم يشوفون لهم حل لو استمر اليوفي كذا
يمكن 3 ولا 4 سنين قدام بعد ما يوصلون التشامب ,, !!
بالتوفيق لروما والميلان بكرة عشان اثارة لاخر الدوري ويزيدون الضغط ع الانتر الى بيلعب معنا
كل الفرق مرت بهذي الفتره يا بعدي
مانشستر 2003 - 2004 ,, برشلونه 2001-2003 ,, ليفربول في فترات متفرقه
بايرن ميونخ , اي سي ميلان مره انهى الموسم الـ 7
وحتى الانتر كان يترنح بين الخامس والسابع في بعض المواسم.
بالفعل هو موسم للنسيان وكبوة جواد
وان شاء الله الموسم القادم نشوف تغير جذري خصوصاً مع مدرب جديد ومهاجم مثل توريس بعد ما اعلنت إدارة ليفربول انها تحتاج لــ بيع بعض اللاعبين بسبب الضائقات الماديه.
قبل فتره قريت تقرير في موقع قول العربي أن الخمس سنوات القادمه راح يكون للكرة الإيطاليه كلمه لأنها أكثرهم استقرار مادي وأقلهم ديون.
ولو تلاحظ معاي الدوري الإيطالي فيه اكثر من 6 او 7 فرق ممتازه جداً لذالك مقعد التشامبينز ماهو متاح مثل الدوريات الأخرى خصوصاً الألماني والأسباني
فورزا يوفي
خاص لــ مشجعين الإنتر البثرين / أهنيكم على مايكون " أفضل ظهير بالعالم "
شوط اول صعب على الفريقين وفيه شد عصبي قوي جدا على لاعبي الفريقين والتحامات
قوية ما خفت الا بعد ما انطرد سيسوكو بدون فرص كثيرة وحدة لديل بيرو ووحدة لتياجو
ويمكن فاول شنايدر هذا كان ملخص الشوط الثاني تقريبا
الشوط الثاني سيطرة كلية تقريبا للانتر ودخل وهو واثق بعد الاستراحة والجلوس مع
السبيشل ون سنعهم وذكرهم انهم زايدين واحد عنهم
بعدين جت السيطرة وتناقل الكرات ودخول ستانكو حسن من الوسط في الناحية
الهجومية وهذا اللي محتاجه الفريق لان التعادل نتيجة سيئة جدا ولان الخصم ناقص
وبدا معها الشغل الحلو لكن اصطدمنا بدفاع ممتاز جدا لليوفي وصراحة افضل مباراة
لدفاع اليوفي هالموسم بنظري من المباريات اللي شفتها خصوصا مع تالق كنافارو
وتصويبة مايكون كانت الحل
وهو الحل الهجومي والمفتاح الهجومي المميز للانتر دائما
وبعدين عرضية ممتازة من مونتاري انهت المشاوير وكانت رصاصة الرحمة لليوفي
اللي كان تقريبا مسلم بالهزيمة من قبل الهدف الثاني اصلا
ويحسب لمونتاري عدم انانيته بالرغم من انه كان قريب من المرمى ومواجه تقريبا
لجيجي وناولها ممتاز لايتو اللي ما احتاج اي جهد لادخالها المرمى .
ولكن اذا كان مستوى الثلاثي شنايدر وميليتو وايتو راح يستمر بمباراة البرسا راح تكون نتيجة
ما تسر ابد للانتر على ارضه
لكن طبيعي ان يكون في هبوط بالمستوى للاعبين ولاعب ما يكون في يومه
الف مبروك للمرة الثانية الفوز وعقبال الفوز على برشلونة والتاهل للنهائي باذن الله
مباراة شفت شوطها الثاني .. اليوفي عقيم جداً هجومياً مثل ما ذكروا الشباب .. الطرد مهوب عذر أبداً انهم ما يبنون هجمة واحدة صحيحة .. كورتين خطيرة في هالشوط بس اللي هي رأسية كانافارو و فاول دييجو .. غيرها ما فيه اي هجمة تُبنى بالشكل السليم لليوفي !!
لاحظوا ما فيه بناء هجمة .. يعني الفريق مهوب محتاج تغيير في الهجوم .. محتاج تغيير في الوسط .. يجي زاكاروني يلعب أماوري بدال اياكوينتا .. تبديل ما له أي فائدة على الفريق أبداً و هذا طبيعي لأن الكورة ما توصل بالاساس للهجوم .. ما ادري من كان في الدكة .. لكن كان مفترض نشوف جيوفينكو للاستفادة من سرعته و مهارته على الاقل يوقف تقدم مايكون شوي و ان كان مهوب موجود نشوف حميديتش !!
عاد الغريبة اني سمعت ان هالمدرب متهور .. ولا شفنا شيء من التهور او القراءة السليمة للمباراة !!
مبروك الإنتر .. هارد لك اليوفي .. اليوفي مصخرة بأختصار .. أمنية كل مبارياتنا الجاية ضدهم .. فريق ما فيه أي ذرة تفائل .. نشوفكم الموسم الجاي !
لاتسيو .. ان شاء الله قادرين نفوز عليهم .. مع أن الأخبار تقول أن رانييري بيلعب مينيز مكان توتي .. بس الله يستر .. واثقين من الفوز أن شاء الله ..
الشوالي كالعادة متعصب لليوفي بالتعليق !
يا عمي الإنتر فايز و انت تكلم عن انجازات اليوفي .. ياخي احترم المشاهدين .. تكلم بحيادية .. نفس مباراة روما يوفي .. ريزا سجل هدف .. اليوفي ليس مقاسك يا فيرارا اليوفي مدري ايش .. معلق متعصب الصراحة !
مبروك للانتر . . صراحة الموسم هذا الانتر غير . . وخاصة مع الداهية مورينهو ..
من كم سنة كانت المنافسة واضحة ما بين اليوفي والميلان ويمكن نقدر نقول روما ، لكن مع حضور مورينهو أصبح الانتر غيييييير ، حتى في بطولة التشاميونزليج كان يخرج من دور الـ 16 ولكن مع مورينهو ماحتقدر تغمض عينيك ،
الكبير يمرض ولكن لا يموت ، مافيها شيء ، عصام شاف اليوفي سيء وكأنه يقول وين أيامك < يعني تقدر تقول أنه مو مصدق اللي حصل ، < وبعدين يمكن انه يشجع اليوفي ووده يفضفض
شيئُاً لا يُطاق , فقط هُناك ثلاثة حلول :
أولاً : إما أن ترحل وتترك النادي لغيرك
ثانياً : تتخلى عن قناعاتك وتجلب بعض اللاعبين المميزين
ثالثاً : إن لم تنفع الحلول السابقة سَ أدعي الله أن يُعجل بَ موتك !
مباراة صعبة من أجل الصراع على الإبتعاد عن الهبوط المباراة تقام في الفريولي والأقرب للإنتصار الأودني لأنه يمتلك اللاعبين القادرين على إنهاء اللقاء في اسرع وقت فيكفي إنه يمتلك دي ناتالي لكن عودنا الكالتشيو على المفاجآت
مباراة منتظرة في اللويجي فيراريس سمبدوريا يريد أن يتأهل للأبطال والميلان الإقتراب من الإنتر
أنا أتوقع إنتصار السامب إن شاء الله بثنائية
الديربي الأصعب في العالم من وجهة نظري الشخصية البيانكوتشيلستي يريد أن يؤكد إبتعاده الرسمي عن شبح الهبوط وروما من أجل إستعادة الصدارة ^^^^ في الأحلام إن شاء الله
كل التوفيق لللازيو وإن شاء الله نرا راية game over غدا
مبروك لـ عشآق الانتر ..
والله أنكم محسسودين على مآيكون المجنون .. مع أني ميلاني لكن أعشق هاللاعب
بـ صرآحه لا خوف على الانتر قدآم البرشآ .. فريق يستطيع العودهـ متى ما أرآد ( ماشاء الله )
مباراهـ لـ الدفآع فقط لـ اليوفي .. ما شفنا أي شي يُذكر من السيدهـ العجوز .. ( والله زمن يآ يوفي ) ,,
لا تعليق بـ صرآحه على موسم لـ النيسان يآ يوفآويه ..
فورزا أيييييينتر يوم الثلاثاء .. صدقوني قآدرين تمشون المبآراه كما تريدون حتى لو أمام البرشا ..
أما بالدوري أسمحولي .. فورزا رومآ اللي مايسستاهلون .. بس عشان اللقب الـ 18
زوجه مدرب لاتسيو ايدي ريجا أو ريا تقول أن زوجها متوتر للغيآيه بسبب الديربي عموما يجب علينآ تصديقهآ لأنهآ زوجه لريا لأكثر من 41 عآمآ عموما قالت زوجته:"زوجي يشعر بالتوتر حاليا وهو متوتر للغآيه أنها لحظآت خآصه جدا له ، الديربي غدا سيكون الديربي الأول له وأن تصل له وأنت في هذا العمر أمر مثير للاعجاب ، اللاعبون يعتنون به وهو صآحب شخصيه ممتازهـ ورآئعه ومثيرهـ للاعجاب ويعرف أيضا كيف يمزج بين الشباب والخبرهـ ، عندما جآء لزوجي عرض لاتسيو كان من الصعب عليه ترك هآيدوك فقد وجد هنآك بيئه صحيه ولكنه فضل العودهـ لايطاليا ، ريا سيتشيريني في أمورهـ وأنا اشرت عليه مرهـ بالاعتزال بعد أقالته من نابولي ولكنه دآئما لايسمع الا رأيه في النهآيه ، أنا مآأدرى زوجي بيستمر ولالا في لاتسيو الموسم المقبل اللي أعرفه أنه مآيقدر يترك الكرهـ أبدا "
![|| CALCIO 34 || الانتر يحسم ديربي ايطاليا 2/0 .. مايكون + إيتو ][ روما يتمسك بالصدارة و يضيّع لاتسيو ][ السامب يحقق نقاط ميلان ][ CALCIO 34 ||](iconimages/t884814_rtl.gif)
/ أهنيكم على مايكون " أفضل ظهير بالعالم " 
عنهم 
3-3-3-4 
فرحة جوزيه مورينهو 
السلام عليكم
الوضع العادي
