انا اشوف بعض التراخي في نجومنا وين دور الاداره يجب تدارك هذا الامر عاجلا

اقترح جمع اللاعبين واداء القسم بتركيع اسيا ودفع مهرها .. صار عرس,,

وبخصوص المري قهرني يوم يقول الهلال ليس افضل فرق المجموعه

ويوم جا يتكلم عن الغرافه يقول هذا النادي ظاهره ....

اي نقد واي تحليل عنك يا المري عساك المر .. بعدين البطي وش به مايركز اذا جا يتكلم .. اركد يا البطي الله يرضى عليك

إقتباس الرسالة الأصلية كتبت بواسطة naif.c ماراح يتاهل الهلال لدوري الثمانيه وهو مايستفيد من ارضه وحتى لو تاهلنا مارح نستمر روحوا شوفوا الاتحاد في جده يأدب الفرق

كلامك صحيح ولكن

تدني مستوى الهلال هذه الفتره افضل للهلال ,,,لانه هناك متسع من الوقت لحل هذا الموضوع .

المصيبه لو كانت الان النتائج والمستوى مميز ويحصل الانحدار في دور السته عشر ...

احساسي يقول ان ضعف مستوى الهلال في الفتره الاخيره راح يكون سبب بتأهل الهلال لدور الثمانيه باذن الله .....

بختصار للزعيم معادله

انخفاض المستوى = ارتفاع المستوى بعده.

ارتفاع المستوى قترات طويله = انحدار في المستوى بعده .

كلامك جدا صحيح
الهلال مستواه بدا ينعدم

السلام عليكم
ادعوا للهلال وشيء طبيعي جدا وخصوصا مع ضمان التأهل وسنرى الهلال في كأس الملك وفي دور 16
لكن ودي اقول شيء
نحن ابناء عقيدة صافية
هذا يتطير وهذا ذبحه التشاؤم
وهذا يقول "لعنة" استغفر الله لعنة مرة وحدة
ان شاء الله يوفق الله الهلال
واكبر مشكلة الحالة النفسية لهلالنا ان انحلت فاز الهلال بتوفيق الله عزوجل

إقتباس الرسالة الأصلية كتبت بواسطة ابو أسامة ياخي والله موضوعك و عنوانه استفزوني و باحلل كلامكـ حبة حبة ياخي وين حقيقة و هو يقول الهلال محقق الدوري و البطولة الاسيوية بالحظ و لضعف المنافسين ..!! يعني بالله كيف تبي ان الدوري يجي وضعه نلعب في دوري يلعب فيه الاتحاد وصيف دوري ابطال اسيا و الشباب اللي بمحترفينه و لاعبيه و ميزانيته و مستواه الفني العالي غير باقي الفرق القوية و العالم كلها تقول الدوري السعودي اقوى دوري عربي و اسيوي و الثاني البطولة الاسيوية والله ما لنا حق المفروض اننا انسحبنا من المجموعة لان المجموعة سهلة و مستواها ما يساعد ....!!! يعني بالله فريق ماخذ الثاني في دوريه و معه هداف دوري ابطال اسيا الموسم الجاي و مع ذلكـ الفريق ضعيف اللي هو السد...!!! ما شاء الله ياخوي تعلم الغيب ...!!! اي فريق بيتأهل بيطلع من دور 16 لا تقول لي خبرة هاذي كورة و كل شيء ممكن و اكبر و اقرب مثال ام صلال اللي انهزم 7-0 من الاتحاد و مع ذلكـ وصل دور 4 منطق ياخوي ...!!! ياخي انت تبي بس تنتقد لمجرد الانتقاد ...!!!؟؟؟؟ يعني بالله تقول بنودينكور متصدر من دون هزيمة طيب يابو متى بدأ الدوري الاوزبكي ؟؟؟؟ اللحين في الجولة 4 http://kooora.com/default.aspx?c=5168&stage=1 ما شاء الله بنوديكور متصدر بدون هزيمة من 4 مباريات ؟؟؟؟ و طيب على اللاعبين يعني بالله وش تبي اكثر من محترفي الهلال رادوي كابتن رومانيا ويلي يلعب في منتخب السويد و نيفيز حنا نعلم ما هي صعوبة اللعب في المنتخب البرازيلي بس يكفيه انه احد المرشحين من الصحافة للانضمام للمنتخب البرازيلي ...!! و لي احد افضل لاعبي كوريا على مدار التاريخ و ما زال يلعب في كوريا و بيلعب ان شاء الله كأس العالم القادم و نجي محترفي بنوديكور رويفالدو عمره 37 يعني شايب و هذا اصلاً واضح على لعبه يعني لعب من لمسه واحدة و دينلسون عمره 33 بس مع ذلك يعتبر لاعب مفيد و صاحب مستوى كبير اما المستوى في دوري ابطال اسيا فهو فاز على الاتحاد 3-0 و على الوحدة الاماراتي 1-2 و كلنا نعلم وش وضع الوحدة في البطولة يعني هو مركز على الدوري اكثر من الاسيوية و انهزم من ذوب اصفهان 3-0 و 1-0 ( ذهاب و إياب) و تعادل مع الاتحاد 1-1 يعني مستواه ما هو اللي نقول افضل شيء و لا هو سيء يعني متوسط نجي للي بعده ذوب اصفهان الايراني لا هنا احقاقاً الفريق الايراني لعبه خطير و مقدم مستويات كبيرة و لكن على مقاس كلامكـ يعتبر مستواه نازل لانه اليوم انهزم من فريق الوحدة الاماراتي و الوحدة اللي لعب بالصف الثاني اللي بعده الاتحاد والله ما دريت ان الاتحاد مستواه كبير و مكسر الدنيا و هو اللي طلع من ولي العهد امام نجران و الدوري خسرانه من قبل نهاية الدوري بثلاث جولات و في ابطال اسيا نتايجه هزيمة 3-0 من امام بنوديكور ( مع الرأفة ) و تعادل مخيب للامال 2-2 مع ذوب اصفهان الايراني بعد ما كان متقدم 2-0 و على ارضه و كذلك تعادل 1-1 اليوم مع بنوديكور و بغى ينهزم و فوزين على الوحدة الاماراتي 1-0 و 4-0 اللي انا اشوف الوحدة الاماراتي المفروض ما يدخل في اي تصنيف و يكفي القول ان الاتحاد في الجولة الاخيرة اللي برا ارضه يا يفوز و لا مع الباب و اخر الاندية الوحدة اللي ما يحتاج اتكلم عنه نتايجه تتكلم عنه 4 هزايم من الاتحاد و بينودكور و ذوب اصفهان الايراني و فوز واحد على ذوب اصفهان الايراني و هو رسمياً من الجولة الرابعة طالع من البطولة بعد هذا كله نقول ان فرق هذه المجموعة لا يوجد بينها و بين الهلال اي وجه مقارنة لا من ناحية المستوى و لا الاسماء و لا النتايج ...... الاستقلال فريق كبير لا من النتايج و لا الاسماء و الشباب لا تعليق هزيمة من العين و سباهان و فوز على باختكور و العين بشق الانفس و تعادل مع سباهان و على كلامكـ مستوى الشباب من جرف لدحيدرة باختكور فريق متذبذب المستوى يعني شوي فوز و شوي هزيمة فاز على سباهان و العين 2 و انهزم من الشباب و سباهان و على كلامكـ الفريق هذا سهل لاننا الموسم اللي فات هزمنه و حنا سيئين اما فرق شرق القارة انا شخصياً ما اعطيها هذه الهالة الكبيرة في دوري المجموعات لانهم طايحين في الاندية الصينية و السنغافورية و الاندونيسية يتخمون شباكها بالاهداف اي نطير بالعجة وننفخ الفريق نص مواضيع الشبكة سب في اللاعبين و المدرب ...!! و ثانياً استغلال الركنيات ازمة على الكرة السعودية بشكل عام باستثناء الاتحاد و قريتيس للي يتابع المباريات صح جرب اكثر من طريقة لحل هذه المشكلة و سجل هذه الموسم بعض الاهداف من الركنيات اما فريقنا ما فيه احد ينفذ الفاولات غلط لان الفريق فيه الشلهوب و نيفيز و رادوي و لكن الخطأ في الاستغلال الامثل و بعض الاحيان الحظ اما لاعبي الاندية السعودية اللي قلتهم فمارسينو ما جاب الموسم هذا الا فاول واحد = زي نيفيز ما فرق ان نيفيز افضل من الناحية التهديفية من غير فاولات يعني اللعب المباشر اما محمد نور و كماتشو جب لي هدف واحد الموسم هذا جابوه من فاول .....!!! اما باقي موضوعكـ انا اتفق معكـ في غالبه.. يعني خلاصة الهرج انه الهلال يعتبر حاليأ افضل فريق في اسيا ليس بشهادة الهلاليين و لكن بشهادة منافسيننا و يكفي اننا حالياً افضل فريق عربي و ثاني افضل فريق اسيوي في التصنيف الدولي 83 اللي والله لو انه غير الهلال كان تلقى انواع الاحتفالات بهذا الانجاز حبيت اقول بس ان النقد الجارح والله ما وقته و الفريق يحتاج اللحين بس الدعاء و من ثم الدعم الدعم الدعم الدعم الدعم الدعم للفريق و تشجيعه و اخيراً انا والله ما كتبت اللي فوق.... الا من شيء يحز في خاطري ان فيه ناس يقولون انهم هلاليين واذا جاء الحاقدين على الهلال امثال المري و الذوادي و سبوا الهلال بدال ما يدافعون عن الهلال لا يقولون صادقين و هم اللي صح و عشان كذا انا والله ما استغرب ان الصحافة الصفراء تتطاول على الهلال و تسبه في الرايحة و الجاية لان حتى جماهيره ما تدافع و تسبه و اخيراً الله يوفق الهلال و ان شاء الله الاسيوية هلالية بأذن واحد احد . أبو اسامة

بيض الله وجهك

قال ايش قال المري والذوادي مدري وش اسمه

...................................................

بحول الله اسيا مالها الا هلالها

والله كلاااااااام سليــــم

والفرررريــق جـــداً في تذبذب في المستــوى

خصوصــاً اذا استمرينا على كدا لأنو اذا تأهلنا لدور الـ 8 رآآآح نقابل فرق كوريه ويابانيــه

والله يــــــــستر

وبالتـوووفيـق للهـــلال
يآآآآآآآآآآآآآآآآآآآآآآآرب

ااقول كيف الحال
الله يوفق الهلال ولاعبيه

حقيقه أميل لكلام أبو اسامه كثير

دمت في رعاية الله

والله يا اخوي ابواسامة برد قلبي في ردك المفيد للأخ شاهين
وهداك الله يا اوخي شاهين ترى النقد مو بهذه الطريقة انت ما خليت ولا بقيت في الهلال الناس تنتقد موطن الخطأ مو تنقد الكل ، اذا على كلامك والطريقة اللي انت بتنتقد فيها يعني بنغير فريق الزعيم بكامله ، ياأخي ما يصير انتقد الخطأ في الفريق في الادارة في اللاعبين اذا في خطأ ولازم يكون الانتقاد بطريقة صحيحة عشان نتغلب على الخطأ لكن بطريقة لازم نغير الفريق كله ولا كأنه في ناس كانت بتشتغل على هذا الفريق .
معليش يا اخوي شاهين راجع حساباتك