سمعنا البعض قال ان حضور الجمهور
كان اقل من المتوقع
والبعض قال ان الجمهور كان حضوره جيد
والبعض قال ان الحضور كان مميز
كلً يغني على ليلاه
بس انا شفت جمهور ما شفته في اغلب المباريات حتى في نهائي كاس ولي العهد الماضي
ليش؟
لان اغلب الجمهور اللي حضروا بالامس كانوا جدا فعالين وجدا متحمسين وعشان كذا قدرنا بفضل من الله ومنته ان نحقق نتائج ايجابية.
ممكن البعض يقول وشهي النتائج؟
انا اقول انك تلعب امام فريق مدربك السابق يدربه , وجاي يبغا الثار, وماعنده حل الا الفوز, وفريقنا فيه كم عنصر عندهم بعض المشاكل: مثل ويلي اللي اتوقع لازال يعاني من الالم من جراء الاصابه ,ونيفيز اللي توه راجع من اصابه ,وايضا انخفاض مستوى العابد
ومع ذلك تستطيع ان تهدد مرمى ذلك النادي المكتمل الصفوف اكثر من عشر مرات انا اعتبرها نتئجه ايجابيه تماما
نرجع للموضوع اتمنى من الجمهور الغالي اللي يحضر المبارة ان يكون متفاعل جدا مثل ماحدث بالامس عشان ندعم فريقنا دعم مثالي لتحقيق الاستحقاقات القادمة.
الاعب لما يشوف جمهور متفاعل مع المبارة وحتى لوكان مو مكمل المدرجات بالكامل ,الاعب راح يقدم مستوى خرافي مثل ما شاهدنا اليوم:
ياسر يدافع كنه هوساوي
وهوساوي يهاجم كنه ياسر
ولي يونغ يسحب كنه ويلي
وماتدري يمكن الدعيع بكره من الحماس يهاجم
الادارة ماطلبت منا شيء الا الحضور الفعال بس...........
وانا من هذا الموضوع اتمنى من جمهورنا الغالي وبالاخص اللي في مدينة الرياض يكونوا مثل حال الامس وافضل بعد....
الوضع الشجري
