الى متى ورجال الامن يهزؤنا والاداره في صمت رهيب - نادي الهلال السعودي - شبكة الزعيم

ابو سلمه الهلالي · #1 14/04/2010, 01:35 AM

السلام عليكم ورحمة الله وبركاته

اولا ابارك للزعماء التاهل على الرغم ان انكسار رقم الهلال في عدم تسجيله

هدف في مباراة اليوم

طبعا ولله الحمد لي ثلاث سنوات تقريبا لم تفوتني مباراه في الرياض والى واكون اول الحاضرين
حتى اتذكر يوم من الايام سألني شخص من امن الملعب وهو يفتشني يقول اشوفك اليوم متاخر سحبت عليه طبعا لان تركيزي في المباراه <<وش عنده جريتس

ادخل في الموضوع اليوم وبعد نهاية الشوط الاول ذهبت للسياراه ابي اخذ علاجي (طبعا رايح وانا مريض) ادعولي بالشفاء
المهم وانا راجع وقفني رجل امن قال ابي وين التذكره قلت توني مستاذن من من اللي
قص التذاكرقلي اقلك ارجع
قلت طيب ارسل احد معي يسال ترا بامكاني اقص تذكره ثانيه وادخل المهم قلي روح ادخل

قلت الحمد لله وانا في الطريق يجيني رجل امن ثاني انت وين داخل قلت يا ابن الحلال كلمت خويك ودخلني

قال اقلك ارجع قلت طيب تعال اسال اللي يقص التذاكر طبعا وانا اشر اتجاه الي يقص التذاكر
قال لاترفع يدك ( يبي يدور علي زله )

المهم جاء اللي يقص التذاكر وقال توه استاذن مني
المهم رجل امن الملاعب قال يالله انقلع قبل ما اركب الجيب
قلت لحول ولا قوة الا بالله
قال كل .......
والله ما سكت الا عشان الشوط الثاني والا بعت عمري عشان ارد حقي

كنت في السابق ارى ناس يتهاوشون مع رجال الامن كنت اعتقد السبب من الجمهور

في الاخير مين ياخذ حقي وحق الكثيرين من الجمهور الهلالي من رجال امن الملاعب

aljoker alhilali · #2 14/04/2010, 02:24 AM

لاحول ولا قوة الا بالله الى متى ورجال الامن لايحترمون الجماهير

سلامات يالغالي ماتشوف شر

مبروووووووك التاهل الى الدور 16

M 9 R Q 3 · #3 14/04/2010, 02:34 AM

كني شفتك من فوق .. من الجهة الجنوبية للواجهة ..

واللي قاهرني زيادة منع الشالات اللي فيها كتابة القناص والشلهوب .. سمحوا للي تكون ساده !! بدون اي حرف او رقم !!

اتمنى من الاداره وضع حل ..

جمهور بن أزرق · #4 14/04/2010, 02:42 AM

لاحول ولا قوة الا بالله
طيب وش السبب ؟ ليش بس جمهور الهلال؟
تعليمات من فوق وإلا تقصير الإدارة

الزعيم سام6 · #5 14/04/2010, 02:47 AM

اول شئ اخوي ماتشوف شر يارب
ثاني شئ مهب غريبة عليهم عدم احترام الجمهور بشكل عام
وثالث شئ مفروض تاخذ حقك بانك تكلم اللي اكبر منه او اللي هو يشتغل عنده خلهم يربونه ويجيبونه

كان هنا · #6 14/04/2010, 02:59 AM

وعليكم السلام ورحمة الله وبركاته. أسأل الله العظيم رب العرش العظيم أن يشفيك.

كيتنا عن غطرسة رجال الأمن من قبل حتى انقلعت حروف لوحة المفاتيح عن أماكنها ولا مجيب.
والغريب ما زال هناك من لا يرى بصحة مثل هذه الأحداث، وما يزيد الشخص " غُبناً " يأتيك من يجعلك في موقف المخطئ ويعتبر عزوفك عن الحضور لمثل هذه الأسباب تفاهة.

HRS.Eng · #7 14/04/2010, 03:09 AM

ياخي يبيلهم من يسوي عليهم تقرير في برنامج مثل الي سواه برنامج في المرمى عن اسعار المشروبات في الملاعب والتقرير عن ملعب الحكام يمكن يخافون من الفضيحه ويتادبون هالناس مايتادبون الا لنفضحو في الاعلام ولا ضمييرهم ماخذ اجازة