نتمنى اللعب لدور ال 16 في الملز زياليت الاداره تهتم في الموضوع

باذن الله نكسر هالقاعدة
ونتاهل لدور الثمانية
ونسير بخطى ثابتة نحو اللقب الآسيوي يارب يارب يارب

في الملز المتعه والجمال والفوز بالخمسااااااات

وفي الاستاد نتعادل مع الفرق الي هزمناهم في ارضهم

إقتباس الرسالة الأصلية كتبت بواسطة سمو النفس والله حاله ... طلعنا بعصر الجاهليه تشائم وخربطه ... ياخوي ملعب الملك فهد هذا اغلب انجازاتك فيه ... ماهي بالملعب هي اولا على التوفيق من الله ثم على لاعبينك ومدربك .......

الجاهليه انك ما تتعلم وتحل اللغز,,,,, وبعدها يبدا النياح والصياح ويبدا التخطيط والوعود .....

ويا مصبر الموعود

ملاحظه : لو انا من احد الفرق الي تقابل الزعيم راح يكون وجهي لم المدرجات الفاضيه ( ورى المرمى ) يعني فله

اشكر كل من مر وشارك بالموضوع .... واتمنى نكون يد وحده حتى نلعب بملعب الملز .

هذا مطلب جمهور الهلال .... طبعا اذا الجمهور له اعتبار عندهم

المشكله انهم بفرحون اذا لعبو على ارضهم .والمشكله الاكبر انهم يخسرون او يتعادلون لا ومع فرق صغيرة وفاشلة بعد...


الله يعين..

وجهة نظر قد تكون صائبه لكن لنجعل التفاؤل حليفنا وقد تكون المسأله مسألة حظ نرجوا ان لا نصب تركيزنا على التحطيم وغيره المهم نصنع التفاؤل وكل شيء على الله ... وجهة نظر تقبلوها بصدر رحب تحياتي

والله العظيم انهم يباركون بالتأهل والصداره واني شايل همممهــا

لا والمصيبه انها مع الاتحاد
اكره الاستاد واكره ارضنا تمنيت نلعب بالمركز الثاني لكن الحمدلله على كل حال والله يكتب اللي فيه الخير

ودور الـ8 نحس علينا للأسف يارب ينفك هالنحس يارب

اولا الملعب قريب من جمهور الرياض
وثانيا ياخي الملز والله فال خير
ثالثا مقاييس ملعب الملك فهد مدري كذا حاسها فوق المعقول
صراحه أكبر ملعب شفته

لا تتشاؤمون في الملعب النصر يلعب في هالملعب ويفوز والشباب ايضا ممكن من اثار مضايقات الجماهير من العساكر تكون نفسيتكم مش كويسه وقد لعبنه في الملز وتعادلنه كثير من فرق صغيره

وش هالكلام الفاضي اذا ما لعبنا بالملز ننسى اسيا؟

ياخي كل شي مكتوب ومحفوظ وبعلم الغيب ,

هذه طيرة " بكسر الام" وهو مناف للتوحيد وكماله ولا يجوز..

نتمنى التوفيق لهلالنا في دور الستة عشر ويطلع جمهورنا من الملعب مبسوط ونكسر مقولة ان استاد الملك فهد شؤم علينا

تحياتي

ملز ملز ملز >> لي بتطلق .. >> خخخخخـ

ألف شكر لك ع الموضوع ,,’’ والله يكتب الي بوه الخيرر للهلال ,,’’

السلام عليكم
يااخوان معنا اناس كأنهم مادرسواالتوحيد والعقيدة الصافية
الشؤم امر محرم شرعا والرسول صلى الله عليه وسلم كان يعجبه الفأل وهو الكلمة الطيبة
حققنا كثير من البطولات على الاستاذ منها الاسيوية نسيتوا كل اعوام البطولات علشان ام صلال
ان شاء الله نفوز في دور 16 ونرد على هؤلاء الجاهليين الله يهدينا واياهم

إقتباس الرسالة الأصلية كتبت بواسطة المواطن سعودي وش هالكلام الفاضي اذا ما لعبنا بالملز ننسى اسيا؟ ياخي كل شي مكتوب ومحفوظ وبعلم الغيب , هذه طيرة " بكسر الام" وهو مناف للتوحيد وكماله ولا يجوز.. نتمنى التوفيق لهلالنا في دور الستة عشر ويطلع جمهورنا من الملعب مبسوط ونكسر مقولة ان استاد الملك فهد شؤم علينا تحياتي

وش الي طيره الله يهديك !!!!!!!!!!!!!!!!!!!!!!!!!!!!!!!!!!!!!!
وواحد ثاني يقول تشائم

حبيبي هي مسببات للخساره ماقلنا الملعب شئم قلنا التالي

1- تفاعل الجماهير في الملز اقوى وتاثيره على اللاعبين اقوى .

2- عدم تحفيز الفرق الاخرى امام الهلال لانهم يلعبون في ملعب جميل وعالمي.

3- نقص اللياقه لا يسمح بان نلعب بملعب اكبر ومن الافضل ان نلعب بملعب مقياسه اصغر ...

وهذه مسببات ونقاط ضعف تختلف معها او تتفق.
بس وانا اخوك لا تدخل التوحيد والعقيده .
اذا شفت موضوعي عنوانه ملعب المللك فهد شؤم يحق لك تقول الكلام اللي قلته ..........

ولو خلينا شؤم وطيره وخرابيط نفتح باب ما لا نهايه له .

واولها . ليه نلعب على ارضنا نتفائل فيه هذي بعد طيره ..... فرجائي الامور الدينيه يجب فهمها بدل من نعت الاخرين بالتوحيد والعقيده والتشائم الله يصلحكم ...