طيب طراها رخص الغنم ،،،،،،،،هههههههه
( جمله تقال عند الرغبه باكمال موضوع معين )
انا عندي طريق بعد واتوقع انه اقرب واسهل انشاء الله ،،، وللقادمين من الدايري
الشمالي والشرقي اللي بيجون من طريق الدمام السريع ( اسمعوا الوصف ) :
وانت متجه شرقا على طريق الدمام السريع يجي ( سلمك الله ) - جمله احترازيه احتراما للزعماء _
يجيك مخرج الشيخ جابر اللي فيه لوحه تقول ( استاد الملك فهد - مستشفى
الحرس الوطني ومدري وش بعد ) لا تروح مع المخرج استمر قدام واطلع فوق
الكبري
وامسك اليمين حتى يجيك اول
نافذ يدخلك على الخدمة ادخل الخدمة تجيك
محطة على اليمين
( وقف صل كانك ما صليت ) بعد المحطة فيه شارع اصفر
( سيدين منور ) ادخل مع هذا الشارع باتجاه الجنوب ( اول ما تدخل تشوف الملعب
قدامك بس بعيد شوي ) استمر طوالي على هذا الشارع يجيك كم تقاطع ( انتبه منها) ،
استمر لين يجيك حرف ( T )
(( تقاطع مع شارع كبير )) خذ يسار مع التقاطع
( استمر مسافة بسيطة ) وخذ (
يمين مع اول شارع سيدين يجيك ) استمر طوالي
يجيك الملعب قدامك تجيك اشارة تعدها (
بعد الاشارة تجي ارض فاضيه للبيع )
وقف فيها واحضر المبارة وادع على من ظلمك ،،،
تقبل المرور ،،،، وعذرا للاطالة ،،،،،،
،’،’،’،’،’،’ هلالي بالعقل ،’،’،’،’
الوضع الشجري
