10/04/2010, 11:35 PM
|
| كاتب ساخر بالمجلس العام | | تاريخ التسجيل: 21/08/2005 المكان: حيث يعيش الشلولخ
مشاركات: 6,845
| |
ورانا حسم وتوقيت مهم وحسن ماعنده غير (إمهلوني ... إمهلوني )
هذي ( خمبدزه ) ترى ....
ماعندنا إلا إنت ياحسن العتيبي .... على كثر ماتكرر إنك احد أبناءالنادي ... وإنك تهدف إلى حفظ حقوقك مع عدم إغفال دور نادي الهلال في مسيرتك الرياضيه الطويلة ... خصوصا بعد التقدير والتعامل الجيد من إدارات الهلال المتعاقبه ... رغم إنك يا ( حسن ) كم مره تخربها .... ومع ذلك طلع توقيعك ( بطاعونه )
ياحسن .... ورانا بطولات مهمة .... وماأقلل ممن قيمتك او أقصد في هالكلمة ( إهانة ) لشخصك إلا ان بطولة آسياء أهم منك ... وحتى بطولة خادم الحرمين الشريفين أهم ... وجميع بطولات يدخلها الزعيم هي الأهم لدينا والهلال ككيان ونادي اهم من جميع اللاعبين دون إستثناء حتى النجوم منهم واللذين عرف عنهم التضحية والقتالية والعشق للهلال وجمهورة ... فما بالك بلاعب ليس ليه ظاهر الإنتماء والتضحية . بل العكس
ياحسن ... هذه المساومة لايقبلها أي عاقل هلالي ... ياخي أي شريطي من النسيم او من الشفاء يعرف إن المبلغ اللى جاك ممتاز ... خصوصا وإنت بهالعمر ... وبهذا المستوى . مستواك للأسف مهوب ذاك الزود ... وأقولها بصراحة إن مستوى الحراسه في الهلال يخوف ... بعد الدعيع ماندري وش نسوي ؟! يكن الدعيع الصغير !
ياحسن ... هالوقت وقت إتخاذ القرار ... لأنه بصرراحة ملينا ... وصرنا نشوف أخبارك بالصحف والمنتديات اكثر من بطولاتنا القادمة .... المهلة إنتهت ... وش قررت ؟؟؟
ياأبيض ...... ياأسووود على قولة عادل إمام
المطرسة مهيب زينة ..... العزف على وتر الجمهور والأعضاء من خلال هالمهلمة ماراح تفيد ....
الجمهور مل .... والإدارة ملت ... وإنت للحين تفكر ؟!
مشكلتك يااحسن تقارن بين عقدك وبين لاعبين أصغر منك وأكثر فائدة ... وحتى بالإستثمار في اللاعبين ..
المشكه مثل حسن يجيك يساوم الله يهديه ... وبعدين مايلقى احد يبيه وبعدها يقبل وكنه مغصوب بعرض الهلال وبالأخير يطالب بحفل إعتزال ؟؟؟ او تكريم ؟!! ومن يبي يكرم شخص ماقدر جمهورة ولا ناديه !!؟
انا ياواحد لو ماقررت لين بكره مانيب حاضر إعتزالك لو يقولون المنصة ( ببلاش ) يياحسن
لكن لو تقرر وتتعوذ من أبليس بيكون لك معزة في قلوب جمهور الهلال وتقدير من قبل الإدارة .... ولاتطول السالفة وإبقى في الهلال وعلى قولة المثل ( من جاور السعيد يسعد ) ماسمعت عبدالله الحربي وهو يعلق يقول جمهور الهلال ( جمهور السعاده ) يعني السعداء دائما ... وشف المحياني كم أخذ من بطولة وهو بالهلال والهوساوي ... ومتى بتاخذ بطولة لو إنك للحين بالقادسية او كانك مرتكب ذيك الغلطة وموقع للنصر ... بس إحمد ربك
تحياتي لحسن العتيبي .. وبإذن الله هالموضوع ينتهى بكرا
اخوكم الصغير ابو طلال |
الوضع الشجري
