اخليكم مع القصيده




سلام يا ذخر الملوك السلاطين

يا طيب السيره.. حميد الخصالي

يا شاعر الإحساس.. طلق الحجاجين

وتبقى سليل المجد بأول وتالي

يا راعي الوقفات.. والمنطق الزين

يا ثاقب النظرة.. وثيق الحبالي

يا أمير مقدارك على الراس والعين

ونجمك يا أمير.. بكل الأحوال عالي

لو شفت ما يجرح شعور الكريمين

لا يضيق صدرك.. يا الرئيس الهلالي

صمتك كلام.. وله مرام ومضامين

يبطون ما فهموه بعض الرجالي

وحنا يا أمير.. بوقت قلب الموازين

يصبح به الصعلوك صاحب معالي

عم الفساد.. وسادوا اهل الملايين

واهل الحسد والنصب والاحتيالي

هذا زمان الفبركه والعناوين

والبهرجة والفلسفة والتعالي

وضع الصحافه عندنا بين قوسين

تجاوزت بالزيف حد الخيالي

أقلامهم صارت سيوف وسكاكين

وأقوالهم مع الأسف ما تقالي

وتحت الرياضة عندنا حط خطين

ما عاد للاخلاق فيها مجالي

بين التعصب وانعدام القوانين

وجمهور صيحات الأذى والهبالي

شف منتخبنا.. صار نصفه مصابين

صارت ملاعبنا (ملاحم قتالي)

يمكن يصير بيوم كله (معاقين)

والاحتياط يقيم حفل اعتزالي

وترجع لدوامة سبب ضعفنا وين؟!

ويشرح لنا عبدالمجيد الشتالي

اشوف ما يفطر كبود البعارين

وهذا مجرد رأي (شاعر هلالي)

..

.