الله يعطيـكم العآفيـه ع التقديـم الخيآلــي .!
/
جميـل أن نشآهـد تفاؤل من الاعضاء تجاه أنديتهـم في الكلاسيكـو , وهذا حـق مشروع لهـم .!
عناصرياً ونفسياً البرشآ أفضـل بعـد تخطيـه القنرز في دوري الأبطآل , ولكـن قـد يكـون لـ الإرهآق دور في مبارة الغـد < وهذا مالا أتمنآه
التوقـع ,,, مـن ينهـي الكلاسيكـو لصآلحـه سـ يتوج بلقب الدوري الاسبآنـي .,!
بالتوفيـق لـمن سـ يمتعنآ كعادتـه

النقاش يجي من عندكم بحكم انكم انتم المقدين يعني ..

بعدين الصدق مباراة الواحد ما يبي يسولف فيها كثير يجيها تلع على طول ودي
بعد العصر يلعبونها ههههههههه ما فيني انتظر

بـ النسبة لـ الغيابات المهمة في الفريقين بآتلكم عنها شويات ،،



خشيمان ! تدرون وش اللي محزني على غيابه ؟
آنه كان في عز مستواه لكن آصابة في التسخين تحرمه من كلاسيكو الآرض قهر و غبنة و كلش ،،
الزبدة شفنا البرشا في مطش القنرز و قبله في مطش بيباو فاز بـ 4 بدون آيبراكدابرا ، يعني الحمد له البديل موجود قدام ،،
وش الحل يا بيب ؟ آنا آتمنى آشوف آنييستا ع الطرف اليسار و ميسي في النص و بيدرو يمين و آتوقع هاذا اللي بيصير !
خلاص هنري آنتهى و ما عا فيه حيييل إجي آلعب به بـ مطش يحسم لي بطولة ؟ ما آتوقع بيب يسويها خصوصاً آنه ما لعب كثير في المطشات اللي راحت !
يعني الحل موجود في غياب آيبرا و للله الحمد الآهم آني ما ىشوف بويان يا غورديولا ! محنا فاضيين ورعنة في مطش كبييير !!
يصفرون عليه الجمهور و يضيع في المطش < هاذا المتوقع آكيييييد !!



كاكا يا كاكا ! مع آني آحببببه لكن زين آنه out !
الشي الآيجابي في غياب كاكا هو آنه كان من فترة طويلة شوي تقريباً ( شهر ع ما آعتقد ) ، يعني بيلي آكيد كان حاسب حساب هييك غياب !
الكل شاف فارت مقدم مستوى حلو و في وجهة نظري قادر آنه يغطي مكان كاكا ! ،،
مارسيلو - فارت - آلونسو - قاقو آتوقع آنسب وسط في الريال حالياً ،،


يعطيني العافية خخخ ،،

- - -



تبون تعرفون معنى حقارة ميسي صدز ؟
شوفو الـ MARCA وش مسويه في غلافها اليوم ، حاطه راموس هو الحال الثاني لـ آيقاف ميسي آذا تم تجوز آربيلوا خخخخخ !!
واثقين آنه بياكل آربيلو سريع سريع و حاطين راموس هو الكبش الثاني اللي بيضحي فيه ميسي خخخ ،،

هلا بيك فهد كذا نبيها حامي يا عيال نقطع وقتنا ..
لين يجي الكلاسيكو اللعين هذا

إقتباس الرسالة الأصلية كتبت بواسطة Valdano نقاش وش اسم ابو دحة الصدقي وفي نظرك لماذا اختار هذا اللقب .؟

اتوقع عبدالرحمن .. لأنه زين ووسيم والاسم لايق عليه ..

إقتباس الكثير يقول إن ماكسويل راح يكون نقطة ضعف في البرشا , وش السبب اللي خلاهم يقولون ذا الكلام , هل لأن ماكسويل سيء دفاعيا ولا يجيد التغطية .؟ ولا لأنه مو متفاهم مع المجموعه خصوصا في خط الدفاع .

والله بيني وبينك اني ودي ابيدال يلعب ولا يلعب ماكسويل .. ماكسيول يقدم الاضافة الهجومية عكس ابيدال .. دفاع برشلونه شوربة بنوصل بابهم بإبيدال ولا بدونه ان شاء الله .. لكن المشكلة في هجومهم ماكسويل يمثل حل لا جاك يطربق وراموس ماسك هنري وما تدري الا تشافي لاعبها من وراهم وماكسويل عاكسها ومتزحلق بيدرو وسجلها و البيول جالس يتفرج .. في النهاية ابيدال .. ماكسويل .. سيلفينهو .. ما بتفرق دفاعياً الفرق بنشوف من ناحية الهجوم فقط .

إقتباس غياب إبرا عن المباراة , هل بيعطي ميسي الحرية المطلقة وبيخليه يسرح ويمرح في الهجوم ولا ماراح يتغير شيء ؟ هل اربيلوا قادر على إيقاف ميسي لحاله ولا لازم يكون مارسيلو مساند له مع أحد المحاور .؟

صراحة تونّي أفكر فيها عقب كلامك .. ياليت ابرا موجود .. الحين ميسي بيجي العمق الله يعين ماله حل والله .. في الكلاسيكو الأول لا اربيلوا ولا مارسيو الي وقفه .. تكتيك بيلي فقط هو الي عمل الفارق .. كريس يربط الفيش .. اذا حاول يتعدى في مارسيلو .. اذا حاول يتعدى في اربيلوا .. الثنين الأخيرين يلاحقون ميسي .. انا صراحة اعجبني تكتيك بيلي .. والدليل انه ناجح ان حتى فينقر طبقه في الذهاب ونجح وما شفنا ميسي .. صراحة ميسي ودي انزل موضوع وشلون نوقفه ابن اللذين .. المفروض بيلي والأكيد انه سواه انه هيئ اللعيبة على التعامل مع المنغولي مع اي مكان يهجم منه عمق يسار يمين .. نبي واحد يلازمه ما يعطيه فرصة .. الأفضل ان يكونون المحاور تسذا ..

الونسو
...........مارسيلو.......................لاسنا ديارا (جاجو)

الونسو يقفل العمق لو فكر يجي المنغولي منه طبعاً مع مساندة من لاسنا او جاجو لانه اليمين فيه راموس ما ينخاف عليه ان شاء الله بيربط هنري او بيدرو او بويان تربيط .. مارسيلو مع اربيلوا اذا جا لليسار انواع الاستقعاد نفس الذهاب كذا نحد من خطورته ونفكر في تشافي .. عاد تشافي يبي له نقاش ثاني لحاله .. الا تعالوا انا ما قهرني الا الي يسمون تشافي هيرنانديز = تشابي .. وتشابي الونسو = تشافي ..

ايه صح قبل لا اروح السؤال الذي حير الملايين .. واكثر سؤال كتب في موقع قوقل .. والسؤال الذي بكى من اجله ابو متعب .. وخر اوباما له صريعاً بحثاً عن اجابته .. وترك ساركوزي ملاحق البنات من اجله ..
متى يصاب ميسي ؟ يا ناس من زمان ما اصيب الولد وش ياكل ذا المنغولي ؟! يا عيال بحق والله لو ما اصيب قبل الكلاسيكو تراه مصخها !

مهما قلنا وحكينا والفنا قصص و روايات .. والله ما بنعطي هالمبارة نص حقها !
كثرت الأسمـاء و الألقاب لهـ المبارة .. وكثرت معها المقارنات وكثير الي قلل منه واعتبر بعض المبـاريات افضل منه فنياً ولكن ومع كل هذا
يبقى الكلاسيكو أفضل مبـارة في الموسم ينتظرها كل العالم بكل حماس وشغف كيف عاد جماهير الفريقين !! .. وكيف عاد اذا كانت هالمبـارة
بالذات تحدد هوية بطل لـ الدوري !!



مهما حاولتوا .. كذابين !!

سمعنا تصريحات كثيرة في الأيام الي راحت .. يمكن أبرزها كان تصريح من المدير العام في ريال مدريد خورخي فالدانو والي قلل من المبارة
معتبر انها ما بتكون الحاسمة في مشوار الفريق لـ لقب الدوري .. معليش يالفيلسوف .. المبارة هذي هي أهم مبارة لـ فريق بيريز هالموسم .. شي ما يبيله اي كلام
اما اننا نحقق اللقب هالموسم .. وهالمبارة بالذات راح تكون طريقنا .. او اننا ننهزم ونريح خلاص ونبدا نحضر لـ الموسم القادم ونحط خيارتنا وندرس اخطائنا الي خلتنا نطلع هذا الموسم فاضين !

الشيء الأكيد .. انه مهما صار .. مشروع بيريز مستمر لـ 5 مواسم قدام .. موب مبارة وحدة تهدم هالمشروع الجبـار .. صحيح اني كـ مشجع اتمنى اني افوز
بهـ البطولة وعلى أكبر عدو لي والمبارة على ارضي وفيها رد دين لـ مبارة العام لكن برضوا ما اكسر كل الي وصلنا له من تطور في المستوى عشان موسم فشل
فيه فريق جديد عمره 8 او 9 شهور انه يطلع ببطولة .. واتذكر دايم ان بناء فريق ما يكون في موسم واحد وياما اندية وصلت لـ منصات التتويج بعد ما عانت سنين كثيرة
حتى وصلوا لـ الهدف الي هم يبغونه .. أقرب مثال .. الفريق الي بنقابله بكرة !!



النتيجة هنا !!

مع كامل احترامي لـ كل الي يقول المبارة بين ميسي و كريستيانو .. المبارة اكبر من كذا وهي بين هالراسين .. بيللغريني و بيب .. سبق لهم تقابلوا قبل
هالمبـارة 3 مرات .. مرتين لـ بيللي مع فياريال ومرة مع الريال النتيجة ان بيللي ما قد حقق اي فوز على بيب خلال هالثلاث مباريات .. تعادل في مبارة
وحدة وهزيمتين .. الأولى مع فياريال في المدريغال 2-1 في الدور الاول العام والثانية مع الريال هالموسم 1-0 في الكامب نو في أول كلاسيكو
لـ الشيبة مع الريـال

الشي الطيب هو سجل الشيبة مع برشلونة .. لما نستعرض مسيرته مع فياريال نشوف انه ما كان ابداً يهزم بسهوله .. من 2004 وحتى
2009 .. 5 مرات انهزم وفاز في 4 وتعادل في 4

مع فريق بـ امكانيات فياريال يعتبر سجل مميز جداً خصوصاً ان البرسا في هالفترة كان يمر بطفرة كروية اعطته بطولتين تشامبينز و 3 بطولات دوري وهي الفترة
الي يعتبرها الكثير الأفضل لـ برشلونة من تأسيسه بهالكمية من البطولات الي خلته يتفوق على عدد من الاندية بالبطولات الي حققها .
في المقابل .. بيب سبق له قابل الريال في 3 مباريات .. حقق الفوز فيها كلها .. الأكيد محد بينسى نتيجة مبارة البرنابيو العام الماضي وان بيب كان بطلها الأول

التشكيل الصحيح .. قرائة اسلوب الخصم والحد من خطورته .. تحديد نقاط القوة والضعف والأعتماد عليها .. هي الي بتعطي واحد فيهم النتيجة .. بيللي مطالب انه
يفوز ولا اي شيء ثاني غير الفوز .. بيب التعادل مكسب له لأنه راح ياخذ المركز الأول اوردي .. لكن توقعي انه ما بيدخل المتش وهو يدور عليه لأن هدفه الأول هو
الفوز و الفوز فقط .. الراحة بتكون اكبر والأسبقية بتكون لـ فريقه بـ 4 نقاط قدام مدريد .. 3 نقاط من المبارة والفارق بين الفريقين ونقطة التفوق الي تعطي الخصم
التفوق و الفوز بالبطولة .. الخبرة في صف بيللي و الخبث مع بيب .. فريقين بنفس الصبغة الهجومية البحته لكن بصفته نهائي راح يكون القلق والخوف اكبر !



الخطورة و الحسم .. ميسي و رونالدو .. متفق عليهم انهم اخطر لاعبين في الفريقين وانهم مفتـاح لـ انتصارات فرقهم .. ميسي مع مستواه المجنون في
اخر المباريات .. ورونالدو الي اثبت احقيته بالمبلغ الكبير الي دفع فيه بالصيف .. مبارة بتكون نارية بين هاللاعبين .. سبق وتواجهوا اكثر من مرة .. رونالدو فاز
مرة وحدة وميسي مبارتين .. افضل لاعبين في العالم خلال الموسمين الماضية أكيد بيعطوا الكلاسيكو نكهة وصبغة ثانية رغم الغيابات الكبيرة الي بتحصل فيه !

غياب ايبـرا من البرسا و غياب كاكا من الريال .. اللاعبين الي كانت لهم الكلمة في مبارة الذهاب .. ايبرا الي حسم المتش وكاكا الي عمل احلى متش له مع الريال بعد
ما صنع اكثر من كورة هدف لـ زملائه .. لكن في الفترة الأخيرة يعتبر غيابهم موب بحجم التأثير المرتبط مع اسمائهم .. ايبرا غاب كثير عن البرسا ومع ذلك ظهر ميسي
بأسلوب مجنون وشكل خطورة أكبر من الي يشكلها ايبرا في العمق ويكفي انه الهداف الاول لـ فريقه في الدوري و التشامب .. الكلام ينطبق على كاكا ولكن بدرجة اقل من
أيبرا .. صحيح انه ما قدم المستوى الخرافي الي يذكرنا بـ كاكاو 2008 والأبداع الي سحر العالم .. لكن كاكا دائماً ما تكون له بصمة في مباريات الريال ويكفي اختياره
أفضل لاعب وسط في الليغا قبل شهر بـ عدد اسيست 7 وزيهم اهداف .. مثل ما قلت واعيد ان الغياب ماهو بكبر الأسمـاء لأننا لسى ما شفنا المستويات الحقيقة
لهـ النجوم مع الفريقين بعكس مثلاً ميسي و رونالدو وتأثيرهم الكبير على نتائج فرقهم !!

هجومياً هيغوآين يشترك مع رونالدو وميسي في التهديف و الخطورة .. ولو ان الغالبية تفقد الثقة فيه في مثل هالمباريات الكبيرة .. لكن العزاء الوحيد ان هيغواين
سجل في مناسبتين في البرسا بعكس لما يلعب في التشامبينز ويختفي ويضيع .. من جانب البرسا هنري ما راح يكون له تأثير وتوقعي انه بيكون على الدكة بعد ما نـزل
مستواه في الفترة الاخيرة .



لاعبين يجمعون معنى كلمة وحدة .. ’ الأنـاقة ’
ممكن يختلف التركيب الجسماني بينهم .. لكن الخصائص في الملعب متشابه الى حد كبير بينهم .. التنظيم .. النظرة الثاقبة لكل زوايا الملعب .. التمرير الصحيح !!
هم ملاٌك وسط الملعب في مبـارة بكرة .. من يفرض نفسه على الثاني بيساعد فريقه بنسبة كبيرة انه يطلع بنقـاط المتش .. تشافي يمكن يفقد في بداية المتش توأمـه
الروحي انيستا .. التعويض ممكن يكون بـ بوسكيتس الجيد جداً و كيتا الي بيكون دوره الدفاعي اكبر من الجهة اليسرى والي بتكون اضعف بتواجد ماكسويل وبغياب
ابيدال .. الونسو بيكون متواصل مع المبدع في اخر المباريات قـاقو .. ممكن الأثنين يحكمون السيطرة على منطقة المناورة بمسـاعدة من فارت و مارسيلو .. تبـادل
الكرات وعدم فقدها في مناطق حساسة + الضغط على تشافي ولاعبي وسط برشلونة
ممكن يكسبهم معركة الوسط !

الأمداد الهجومي .. الريال عنده لاعبين يمتازون بهـ الميزة .. الونسو وهذا ماعليها كلام ومعروف بـ الكرات الطويلة القطٌرية .. الثاني قـاقو والي يمتاز بالثرو المميـٌز
والصعب في نفس الوقت .. والي يكسبه طابع الفشل صعوبة التمريرة في بعض الاحيان وبعد تفكير قاقـو .. الخيار الأخير الي بيكون على الدكة هو جوتي المميـٌز
في الفترة الاخيرة .. والي يقدر يلعب بالطريقتين الي يتميز فيها جاجو و الونسو والكل شاف طريقة الأسيست لـ هيغوين في متش الراسينغ .

البرسا ممكن يعتمد بشكل أكبر على تشافي في الأمداد والتمرير .. لكن اسلوب لعب البرسا يعتمد أولاً على التمريرات القصيرة في وسط الملعب والي في اثنائها يصير فيه
حركة بدون كورة ولامركزية بين ثلاثي المقدمة مع ثلاثي الوسط .. متى ما قتلت الكورة وهي في هذا الطور اكثر من مرة الريال حيسكب المعركة وممكن يخلص القيم
لكن لأن اسلوبهم معروف عند كل الأندية الا ان الأغلبية فشلت في ايقافه وهو بالفعل امر صعب جداً على اي فريق مهما كانت قوته !



بتشوفون ملعب أبيض كامل مثل ذا
الله يوفق رجالنا