|
احداث المدرجات الهلال والفتح .. حدث تاريخي في المدرج الازرق السلام عليكم ورحمة الله وبركاته مساء الخير والزعامه والوز والتاهل والحضور الجماهيري الضعيف . كعادة جمهور الرياض اقيم مساء هذا اليوم مباراة الهلال والفتح على استاد الامير فيصل بن فهد .. ذهاب كاس خادم الحرمين الشريفين للابطال دور الثمانيه .. حضرت للمعلب الساعه السابعه مساء .. ولم اتفاجا كثيرا بقلة الحضور .. اشعر بانني اعتدت على الحضور الضعيف لجمهور الرياض بعكس جمهور الشرقيه .. الذي يحضر بكثافه بوقت مبكر اشتريت التذاكر واتجهت الى المدرج واخذت مكاني المناسب والمعتاد لكشف ارضية الملعب ( احلى فيرجسون ) الجو كان جميل هادئ عكره قلة الحضور .. كان الحاضرين في شبه صمت ما عدا احد المخلوقات التي اساءت لنفسها قبل ان تسيء للاخرين باطلاق الكلمات الساخره على الحضور ( مسوي فيها عادل امام .. ) والغريب ان رجال الامن لم يحركوا ساكنا تجاه هذا الرجل الملتحي الذي اساء للحيته ولم يعزها ( حظه انه ما حاول يقرب صوبي والا كان علوم ) .. استمر التدفق الجماهيري الضعيف وفي الثامنه دخل فريق الفتح الى ارض الملعب دون ان يكون هناك اي ردة فعل من قبل الجمهور الحاضر ( العاده صافرات استهجان ) .. وبعدها بلحظات دخل نجوم الموج الازرق الى ارض الملعب وسط تصفيق حار شبه مسموع .. بدا الجمهور في التفاعل مع اللاعبين وخصوصا في تمرين التسديد على المرمى .. وبعض الجماهير الحاضرة انصدم من ان الفريق لن يلعب بالاساسي .. في الثامنه والربع حضرت الرابطة المزعجة الى الملعب .. وسط تجاهل تام من الجمهور الحاضر دخل اللاعبون الى غرفة الملابس استعدادا لبدء المباراة .. في نفس الوقت ما زال بعض الجماهير يحاول اقناع رجال الامن بفتح الجهه العلوية للمدرجات .. ولكن يبدو ان هناك تعليمات صارمه منعت هؤلاء من اختيار مكان يناسبهم .. بدا اللقاء .. وكان التفاعل ضعيف ما عدا صراخ قائد الرابطة الموقرة .. حتى اتت ركلة الجزاء وبدا الجمهور بترديد اسم المحياني ( نجم المباراة ) المتسبب في الركلة .. اتى الهدف الاولى وفرحة عارمة تجتاح المدرج الازرق .. وترديد اسم الشلهوب من قبل الجمهور .. بعدها بثلاث دقائق اتى الهدف الثاني من حسن خيرات .. الذي اشعل المدرجات الزرقاء وجعلها تتراقص فرحة بالهدف انتهى الشوط الاول وسط تفاؤل الجميع ورضى الجميع عن طلق المحيا .. في لشوط الثاني والذي شهد الحدث التاريخي .. بدات المباراة وبدا نامي باطراب الجمهور بالانطلارقات الصاروخيه مما جعل الجمهور يردد اسمه كثيرا .. ونتج عنه تالق اللاعب ردد الجمهور كثيرا اسم محمد نامي ( اكثر لاعب في المباراة تم ترديد اسمه ) .. بعدها بدا الخوف والقلق من الاستحواذ الفتحاوي للكرة .. وزاد وتيرة الخوف طرد اللاعب حسن خيرات الذي اتفق جميع المدرج على احقية اخراجه بالبطاقة الحمراء .. كان الجمهور الحاضر ( زعلان كثير ) حتى امتص غضبهم طلق المحيا بالهدف الرائع والملعوب حقيقة .. اعتقد الجميع ان المباراة قد انتهت وانها مسالة وقت .. ولكن سرعان ما عاد الخوف والقلق من الضغط الفتحاوي .. وزاد قلق الجماهير بعد هفوة حسن العتيبي .. بس فيه حركة ما لها داعي صارت من الجمهور حيث انقسموا حزبين حزب يقول اه يا الدعيع والله ان العتيبي فاشل .. والقسم الاخر يرد بالعكس متناسين ان كلا اللاعبين هلاليين ويمثلون الشعار .. نعود لاجواء المباراة .. سجل الفتح الهدف الاول وهدف نال استحسان الجماهير من حيث جمالية الهدف .. وايضا نال العتيبي قليلا من النقد .. مع ان في وجهة نظري لو صفيت الدعيع وكاسياس مع العتيبي ما راح تنرد الكورة زاد لضغط الفتحاوي .. وزاد القلق الجماهيري .. وفي الاخير تنفس الجمهور الصعداء ( كلمة الصعداء من زمان ابي اكتبها بس ما لقيت لها مجال ) واجتاحت الفرحه المدرج الازرق .. متابعات اخرى / 1/ تشجيع الجمهور لنامي كانت نتائجه مثمرة فقدم نامي افضل مباراة له بالهلال 2/ اتفق الجميع على افضلية المحياني والدوسري عزوز .. كما امتدحوا خيرات قبل الطرد 3/ جمهور ضعيف ويطالب بفتح الجهه العلوية من الواجهه .. قليلا من الواقعيه 4/ صحيح العتيبي اخطا في كم كورة .. بس كان مبدع في كم كورة ثانيه 5/ الاسبوع القادم بيكون ابو فيصل باذن الله بالملعب .. ارجو من جماهير الزعيم في الرياض ان يكون وفيا مع ابو فيصل ويملئ مدرجات الاستاد اشكر الجميع على المرور وبالتوفيق للزعيم في المبارايات القادمه ختاما / تخير بي والبي لك .. وكل العمر انا اهديلك .. لعينك كل شي يفداك |
ماادري مشكله الجمهور في الرياض خاصه شوف لهم حل بالتوفيق للهلال وان شاء الله الفوز في الاياب |
الله يعطيك العافيه وتسلم على النقل من ارض الحدث .. بالنسبه لنامي ؟ انت صادق ولا تمزح !! |
الجمهور صراحه منتهي يعني اذا مالعب الفريق الاساسي مايحضرون ترا كله هلال بالاساسي ولا بالاحتياطي ..!! :s5s::mad: اما نامي كل ما لمس كوره بدو يشجعونه لمين تجرأ وبدا يثبت صدر وحركات ..~ :d |
الحمد لله على الفووز وان شاءالله المبارات الجايه بتشوف الجمهور كثير مره .... |
شكرآ لك يازعيم بالتوفيق لهلال القرن . ألف مبروك الفوز . |
الصراحه خيرات رغم نجوميته إلا إنه أحرج الفريق بدخوله الغير مبرر الكوره ليست خطره وموقعها في منتصف الملعب..لكن الله ستر وجت سليمه بعد هدف طلق المحيا وإلا كان علوم..بس الفريق الثاني جعلنا أكثر إطمئنان |
ههههههههههههههههههههههههههههههههههههههههه ياحليل نامي خاصة الكورة الي ثبتها بالصدر كفو ياكافو ههههههههههههههههههههههه المهم ترى الجمهور يصارخ لنامي ماهو تشجيع له بالعكس يضحكون عليه واخوي كان من ظمن الحضور وقالي الكلام هذا يقول اي لمسة لنامي الجمهور يصارخ ويضحك عليه يقولون احلى يالاعب ريال مدريد ومن هاللكلام والحبيب يظن الجمهور يشجعه هههههههههههههههههههههههههههه |
انا حضرت الملعب .. بس الغريب ان الجمهور كلهم يطالعون بصمت المهم اليوم بدع النامي .. وبدعت فرقت الهلال وننتظر منهم اكثر واكثر شي اعجبني اليوم الشلهوب والله طول الوقت تابعته بصراحه طول الوقت يركض .. تمنيته يعطي شوي للفريدي اللي اغلب الوقت واقف انا احكي عن الشوط الثاني قبل استبداله المهم اننا نتعلم ان المباراه مانتهت .. مثل ماصار فـ الجار فازوا ثلاثه واحد وانتهت بخروجهم في شغلات لازم تتعلمها من غيرها اتمنى التوفيق للزعيم بها البطوله واتمنى اتمنى مانلعب بالاساسي ابدا ً حتى لو قابلنا الجار في لقاء يهم عشاق الديربي واتوقع رديفنا راح يفوز لو قابل النصر او الاهلي عموما ً بالتوفيق للزعيم |
اي حدث تاريخي !!!!!!!!!!!!!!!!!!!!!!!!!!!!! |
نكتة هالنامي نصفق له عشان نضحك عليه بس |
.. فيه عينه من جمهور الرياض [ الهلال أو النصر ] ياخي ودك تجيب زبيري - الله يكرمكم - وتبله بالماء والملح وتخيله 3 أيـــام تحت الشمس ، وثم تمحطـه على جبهته وعلى خلـ ... ! خصوصاً هاللي يستخف دمه ويذب هنا وهناك ..! همج صحيح .. .. .. |
نااااااااااااااامي وياقلب لاتحزن ... اسوأ مافي المباراة محمد نامي وحسن العتيبي !! |
اتمني من الجمهور الهلالي عدم التلفظ او التحدث علي اي لاعب وقت المباراه شي يقهر الحين حضور بدون تشجيع واذا لاعب اخطي انواع التلفظ اتمني من الجميع التشجيع وترك الامور الفنيه للمدرب |
ألف مبروك الفوز و ننتظر مستويات أفضل في المباريات القادمة بإذن الله |
وش نسوي هذا جمهور الرياض بالنسبة اللي "ملتحي " انا شفته وكنت تقريبا جالس وراهم بصفين ولاحظت هباله الزايد هو وربعه واستغربت منه انه رجل كبير ملتحي لكن اذا سكتنا لسخافاته فهي احترام للحيه ولا ماهو كفو حشيمة ,, |
الف شكر لك ع النقل الجميل والرائع لما حدث في أرض الملعب.. نآآمي والله إني جلست أضحك عليه هههههههههههههههههههههه بالتوفيق للزعيم.. |
محمد نامي لاعب مجتهد ومباراة اليوم كانت افضل مباراة له بس ينقصه الدعم من الجمهور |
ياخي بعض الردود مدري وش تبي اللي يقول نصفق لنامي عشان نضحك عليه !! رقاصه ولا بزر قدامك !! الله يخلف عليكم بس |
والله العتيبي مبدع بس هو مايعرف متى يوقت يطلع للكورة علشان كذا المفروض قلوب الدفاع اذا لعب العتيبي مايتقدم لأنه مايعرف يوقت والهدف حق الفتح حتى لو في الدعيع بيدخل لأن الاعبين كانو مغطين على الحارس علشان كذا ماشاف الكوره والكوره كانت مرتفعه قليل وقوويه بس انشاء الله نعوضها بالكأس |
المباراة كانت جميلة جدا,,,لولا طرد خيرات. |
الحمد لله على الفوووووووووووووووووووووز |
اما المطووووووع حكاااايه .. وكلاااامه - طووووووووط- من جد خخخخ |
اشكرك على الموضوع والشخص الملتحي الظاهر انك تقصد الشحص المتين والله ياهو مقرف هو وخويه اللي معه دايم ياخي ممااادري وش يحسون فيه وهم جالسين يتلفظون بهالكلمات ويسون انفسهم ........... والله اني اكره الحضور علشانهم بس ان شاء الله ماعاد نشوفهم ابدا في الملعب لانهم ليس جمهور حقيقي وانما جمهور تسليه تحياتي وتقديري |
أخوي بالنسبة للشخص الملتحي هذا شخص شفته أكثر من مرة وهو مايشره عليه لأنه ماهو صاحي بالحيل يعني عقله ((نص لفه )) |
شكرآ لك يازعيم بالتوفيق لهلال القرن . ألف مبروك الفوز . |
يعطييييييييييييك العاااااافيه |
المشكله ماهو من الجمهور المشكله في الرابطه |
إقتباس:
شكلك تمزح كيف تقابلهم بالرديف مع العلم ان مستوياتهم تغيرت عن اول :d |
افضل لاعب في المباره هو الاسطوره نامي هههههههههههههههههههه عاد الصدق الشلهوب |
ههههههههههههههههههه اجل افضل مباراة لـ نامي !! والله انه اكبر حفله الله يفكنا منه ! |
شكرآ لك يازعيم بالتوفيق لهلال القرن . ألف مبروك الفوز . |
الجمهور صراحه منتهي يعني اذا مالعب الفريق الاساسي مايحضرون ترا كله هلال بالاساسي ولا بالاحتياطي ..!! اما نامي كل ما لمس كوره بدو يشجعونه لمين تجرأ وبدا يثبت صدر وحركات ..~ |
مشكور أخوي على الموضوع خفيف الظل اما بالنسبه لنامي فهو لاعب مجتهد وانشالله يتوفق ويحسن من مستواهـ ولازم نامي يشوف له حل مع المهارات حقته حتى يقدر يثبت نفسه |
شكرآ لك يازعيم بالتوفيق لهلال القرن . ألف مبروك الفوز . |
اشكرك اخوي على الطرح الرايق ثاني شي والله نامي بادي يتحسن مستوى غريب اليوم لشلهوب والمحياني ان شاء الله من الافضل لافضل وباقين مستوى متوسط ماننحرم يارب من جديد الزعماء |
بالتوفيق للهلال وان شاء الله الفوز في الاياب |
اخوواني انا واحد من الحاضرين مبارة اليوم وبصراحة نامي هو تحفة المبارة |
ماادري مشكله الجمهور في الرياض خاصه شوف لهم حل بالتوفيق للهلال وان شاء الله الفوز في الاياب |
شكرآ لك يازعيم بالتوفيق لهلال القرن . ألف مبروك الفوز . |
مبرووووك الفوز ان شاء الله الحضور ازين المباراة القادمه |
ماادري مشكله الجمهور في الرياض خاصه شوف لهم حل بالتوفيق للهلال وان شاء الله الفوز في الاياب |
إقتباس:
ولا تنسى تقرا المعوذات |
الف مبرووووووك لرديف زعيم القرن واتمنى من الجماهير الحضور في المباريات المقبله لمساندة الزعيم |
مستوى الهلال مابطمن اليوم الحظ لعب معاه اكثر من 5 كور بالقائم للفتح |
الجمهور مجموعة من البشر فيهم ذو الاخلاق السامية وفهيم ذو الاخلاق المنحطة وياليت يكون فالموضوع شوي فائدة وعدم تجريح بالناس اللي هم جايين عشان الهلال . اذا هم مخطئون قل خطاهم بدون تجريح شكرا لك يازعيم. |
شكرآ لك يازعيم بالتوفيق لهلال القرن . ألف مبروك الفوز . |
؛ جمهــور الريـآض علتـه في التعــآمل من قبـل الأمـن ... الله يعين عليـهم .. والله يعطيك العــآفية .. ؛ |
الله يعطيك العافيه وتسلم على النقل من ارض الحدث |
والله المفروض يمنعون البزران من حضور المباريات, واذا كان لا بد يحطونهم على الصامت والا الهزاز اول شيء مبروك على الفوز,,, وبالنسبة لي سلامة اللاعبين الاساسيين من الاصابات اهم من المستوى وغيره والشيء الثاني مبروك الفوز بدون ويلهامسون والاجانب الباقين,,, ردا على من يقول الهلال بدون ويلي ولا شيء واخبرا اقول للاخوان بالمنتدى قبل لا تكتبون شيء وتسبون في نامي ولا العتيبي ولا خيرات ولا غيرهم تذكروا انهم او احد اقاربهم يمكن يدخلون المنتدى ويشوفون هالردود اللي تسود الوجه انا شخصيا لم اكن مقتنع ولا 1% بمستوى نامي وخصوصا في الجانب الدفاعي ولكن بعد مباراه اليوم صراحة قدم مستوى طيب وخصوصا في بعض الانطلاقات اللي قدمها ارجوا منكم احترام اللاعبين , واللي يبي ينتقد لا يسب ويهرج |
شكرا لك اخوي وفعلا انا كنت حاضر المباراة وكان الجمهور قليل جدا كالعاده للاسف!!! دمتم... |
شكرآ لك يازعيم بالتوفيق لهلال القرن . ألف مبروك الفوز . |
|
الله يعطيك العافيه وتسلم على النقل من ارض الحدث .. |
ماادري مشكله الجمهور في الرياض خاصه شوف لهم حل بالتوفيق للهلال وان شاء الله الفوز في الاياب |
يا رجال اي تشجيع انا حاضر والناس يضحكون ويستهبلون عليه بالنسبه للملتحي انت قصدك المخرف الدب |
موضوعك جميل بس مشكلته بعض التعليقات السماجه من ناس شكلهم من المندسين واضح من كلامهم نامي قدم مباراة يشكر عليه فمثلا ننتقده عندما يخطيء ايضا يجب ان نشيد بها عندما يحسن لاحد يجيك مطفي النور ويقول هذا مشاركاته قليله ويتفلسف علينا وانا اقول لهم خاصة جمهور الاعب الواحد اقسم بالله ماتملكون ربع ماملكه من حب الهلال الكيان وليس النجم |
ماادري مشكله الجمهور في الرياض خاصه شوف لهم حل بالتوفيق للهلال وان شاء الله الفوز في الاياب |
مشـــكـووور ويعطيك الف عـآآآآفيـــه |
معليش معليش معليش اذا الثلاثه الي جنبك كان متفقين ان خيرات ياخذ كرت احمر لاتعمم على باقي الجمهور واذا انت تشوف ان تشجيع نامي هذا تشجيع معليش انت ماتعرف لكاعة الجمهور الموجود وااااااااااااضح ان الجمهور كان يطقطق على نامي من قبل تبدا المباراه وهم يطقطقون عليه كل ماجت معاه الكوره صاحيو نامي نامي وحتى بالتسديد على الحارس كان يشجعونه وكل ماجت معاه الكوره صايحو يعني هالتشجيع مايصير الا لاعب مثل ميسي اذا جا يلعب مباراة وديه مع الهلال مثلا لان اساااطير الهلال ماكان الجمهور يتفاعل معاهم كذا فواااضح انهم كانو يطقطقون عليه ويستهبلون وحتى اذا جت معاه الكوره وانقطعت ولا طاح كالعاده كانو يظحكون بصوت عالي ومسموع مع بعض الصراخات حتى كان اكثر من واحد جنبي حالو يسكتون بعض الجمهور ويقولون عيب تراه لاعب وبشر حرام عليكم مدري كيف انت شفت هذا تشجيع .. ؟ |
| الوقت المعتمد في المنتدى بتوقيت جرينتش +3.
الوقت الان » 06:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd