|
العتيبي (( !! )) وتصرف أرعن من خيرات يحرج الفريق رغم نجوميته وجريتس يخترع مكان جديد للغامدي !! السلام عليكم ورحمة الله وبركاته : الحمدلله على تجاوز الفتح هذه الليلة ولكن الغريب هو مستوى الفريق الشوط الثاني حتى وان كان الفريق الرديف او الصف الثاني !! كانت بداية الفريق ممتازة تقدم بهدفين الشوط الأول مع سيطرة تامة ولكن انقلب الحال بالشوط الثاني بعد طرد خيرات !! فخيرات الذي سجّل وانقذ مرمى العتيبي وكان نجم المباراة تصرف برعونة واستحق الكرت الأحمر نتيجة الدخول المتهور !! ونستغرب من خيرات فريقك متقدّم والكرة ليست هجمة خطرة لماذا هذه الرعونة !! مما أحرج فريقه خاصة وانه بمكان حساس كقلب دفاع !! نقدّر له حماسه ولكن ليس بهذا الشكل !! واعتقد سبب نجومية خيرات اليوم قبل الطرد هو لعبه بالجهة اليمنى فالجهة اليسرى لاتناسبه ويقل فيها اداءه !! رسالة للسيد جريتس !! بعد طرد خيرات أول مرة أشاهد جريتس لا يتعامل مع الظروف كما يجب !! فتجاهل اسماء كثيرة تعوّض خيرات من ضمنها المبدع المحروم البيشي !! عبدالله الدوسري وصالح الدوسري وهوساوي وقام جريتس باختراع مكانا جديداً لعمر الغامدي كقلب دفاع لأول مرة !! المفترض على الأقل اشراك عزيز كقلب دفاع بدلا من الغامدي !! فالغامدي لايؤدي قلب دفاع على اكمل وجه كما يؤدي كلاعب محور او وسط !! فمعها انكشف المرمى الهلالي أكثر من مرة وكاد الفتح ان يعدّل النتيجة لولا لطف الله ثم القائم !! كذلك نستغرب من (( تتنيحة او تناحة !! )) العتيبي وبروده الغريب وبديهته البطيئة فهو خارج أجواء المباراة تماما !! فقد ارتكب العديد من الأخطاء أبرزها مسؤوليته عن الهدف الفتحاوي من كرة متحركة ومن مسافة بعيدة !! ومحاولته باستهتار مراوغة مهاجم الفتح وكادت تكون هدفا !! وتأخره بالخروج للكثير من الكرات وكادت احداها تكون الهدف الثاني لهم !! العتيبي لايزال يمثّل الفريق حتى وان تم وضعه على الانتقال ننتظر منه المزيد واثبات نفسه بأنه يستحق المبلغ الذي طلبه وليس هذه المستوى السيئ !! ليس العيب الخطأ وانما العيب الاستمرار على الأخطاء وعدم احترام الخصم . كل التوفيق للهلال . |
العتيبي اليوم ماش .. في أكثر من كورة منشغل .. ونامي الفاشل ما أدري وش يبي بالحياة ! والله يذكرني بالابتدائية .. كنا نفرق ونحط هذا دفاع وهذا هجوم رغم ذلك الكل كان يتقدم وهنا نامي بالمثل !! اليوم هو اللي متسبب بهدف الفتح وكور الفتح الي في القائم والعارضه ! نامي أرى إنه يعرض على قائمة الانتقال صبرنا بما فيه الكفاايه |
الحضاري يعطيك ربي ألف عافية ,, ألف مبروك الفوز ,, الله يهدي خيرات كان مبدع ,, و العتيبي الله يهديه لكن يبطي انجدد عقدهـ ,, أتمنى في الإياب يدخل بالأساسي ‘‘ |
الحمدلله على كل حال ماقصرو النجوم ألف مبروك الفوز والله يوفق بالشوط الثاني (الإياب) |
الف مبروك الفوز وكل شي يتعدل ان شاء الله |
صح كـلآمك , والله يستر . مهب ع شانه في قائمة الانتقال , يجلس ( يخنبق ) في فريقة !! |
ربك سسسستر والله المفروض عدلو النتيجه وجابو زووود |
الله يستر بس من مباراة الاياب ..... اتمنى من جيرتس يحط مباراة النصر والوصل في عين الاعتبار ... بالتوفيق للزعيم .................. |
الفتح سيطر وشكل خطوره بعد الطرد والحكم متحامل على لاعبين الهلال بشكل كبير على اي شي يعطي كرت اصفر بعكس لاعبين الفتح رغم خشونتهم حتى خروج شريفي ولم الكوره خارج منطقة الجزاء ماسوى الحكم شي !! .. عموماً مستوى جيد الي حد ما بالتوفيق للهلال |
الحمد لله ومبروك الفوز وعقبال الفوز في (الاياب) |
انا بسئل سؤال بس منو اللي طلب يجيب نامي من الانصار |
الحمدلله على كل حال ماقصرو النجوم ألف مبروك الفوز والله يوفق بالشوط الثاني (الإياب) |
العتيبي الظاهر مشغول بفتح المظاريف الله يكتب اللي فيه الخير اعتقد سبب هبوط الفريق الشوط الثاني هي الثقة زادت لدى لاعبين الهلال لكن اتمنى يستفيدو من درس الفتح لهم كان بقلص الفارق لولا لطف الله |
اناا اشوف ان العتيبي مشغووول بموضوع الانتقال الي هو بيكون يوم الثلاثاء |
حسن مهزوز وكان بيجيب العيد فينا والدفاع مكشوف وغير مترابط والوسط مفكك مدري وش صابك يازعيم |
الف مبروك الفوووز .. العتيبي لا تعليق و خيرآت مآقصر بس الطرد خرب على نجوميته .. اما نآمي الآعب اللي للحين مدري ليه يلعب ..!؟ اغلب المباريات اللي يلعبهآ يجي هدف من جهته .. شكراً .. |
أقول ليتك حاضر المباراة دامك في الرياض مسوي تنتقد وانت منت بقد الانتقاد .. الفريق يبدع ويمتع وانت تنتقد على عماها اللاعبين اليوم ماقصروا بالتوفيق لنادي القرن |
مبروووووووووووووك للزعيم بس يعني لازم هدف في الزعيم كل مبارة ؟؟؟ طيب لو ما سجلنا احنا اهداف |
العتيبي يتحمل الهدف وكدنا نخسر بسببه نامي نقطة ضعف خيرات قصدي نكبات حسبنا الله ونعم الوكيل |
مشكوووووووووووووووووووووووووووووووووورررررررررررررررررررر |
اول شي مبروك فوز الهلال وثاني شي المدرب يبغى يريح اللاعبين مثل هوساوي والعتيبي المباراة هذي غريب جدا الكور الي مالها داعي يطلع فيها ويخلي المرمى فاضي والانفراد ينتظر المهاجم ياصل لخط الستة ؟؟؟؟؟؟؟؟ والليلة ما كان عندنا حارس عندنا حظ وشكرا |
بصراحة الفريق اليوم غير مطمن مدري وش السالفة الحارس ولاعبي الوسط ماعدا الشلهوب نقاط سوداء في المباراة فريق الفتح احرجنا كثيرا بالله عليكم لو سجلت جميع الفرص الضائعة كم راح تكون النتيجة ودي اقول مبروك لكن والله مو هذا الهلال الفتح اثبت للجميع انه فريق كبير وكبير جدا الحكم ماحد أيده على طرد حسن خيرات الا حسين الصادق ومحيسن الجمعان اعتقد ان الحكم لم يوفق في المبارة وكان نقطة سوداء فيها الدفاع ماقصر جريتس نرجو مراجعة الحسابات كثيرا |
ياجماعه الخيــر كل مافي المباره ان الطرد أثر على مجريات المباره بشكل كبيــر ثاني حاجه الفريق رديـف مع ان المباره كان الفريق هو الاساسي والحمد لله حضرت النـتيــجة 3 - 1 صحيح ان القائم حرم الفتح من اهداف لاكن هذهي الكوره ... العتيبي ظهر بشكل جيد في بداية المباره لاكن الخروج المتكرر وكان غير مبرر حدث غير توازن عن العتيبي وتراجع عن الخروج في الوقت المناسب . الحمد لله الهلال يسير على خط الصحيح وفالكم الفوز في المباره القادمة |
العتيبي الظاهر مشغول بفتح المظاريف عتقد ان مكانه خارج الخارطه الهلاليه بلا مجامله بلا تجديد بلا هم والله يوفقه في اي نادي اخر غير الهلال |
خلاص قضت المباراه والحمد لله على الفوز اتركو الانتقاد على العتيبي ونامي وخيرات خلاص ان شاء الله يصححون اخطائهم مشكووور اخوي الحضاري احترامي |
فريق فيه نامي عليه السلام !!!! الى متى ونامي موجود ؟؟ وين لاعبي الشباب !! اما حسن و خيرات اتمنى البعد عن الاستهتار بالفريق المقابل والاهتمام في مستوياتكم .. او الابتعاد عن اللعب مع الهلال .. |
مبروك الفوز في مباريات خروج المغلوب اهم شي النتيجه وان شاء الله نتلافى الاخطاء في الاياب يعطيك العافيه |
الحمد لله على الفوز ربي ستر اهم شي نصلح الاخطاء بمباراة الاياب |
إقتباس:
والعتيبي سيئ لكن مانقول يبطي وانا ايضا امنى بدخول الفريق بالاساسي ومشكوور اخوي الحضاري |
نحم ربنا مانهزمنا بس العارضة ساعدتنا والحارس الله بالخير ونرجو حل الثغرة |
منتب بآلي تقيم الهلآل يآولد .. عجبك شجعه .. مآتبي > أقرب جدآر .. |
نتيجه طيبه في مصلحة الهلال مع العلم انه لا يزال في لاعبين من مستوياتهم وكأنهم لايريدون أن يلعبون (( متنحين )) ,, يعيب بعض لاعبين الهلال وبشكل واضح في أكثر من مباراة أحيانآ "الثقه الزائده" أو " البرود الزائد" !!! الطرد غير من مسار المباراة بشكل واضح والمدرب لم يحسن التصرف في التبديل بأدخال مهاجمين في نفس الوقت وهو متقدم بهدفين ومطرود لاعب قلب دفاع ؟!!!!! الحمد لله أنتهت المباراة بهذه النتيجه ألف شكر |
الحمــد لله ع كل حآل ومازآل الفريق حتى بالاحتياط يعآني من هبوط المستوى الشوط الــ2 والعتيبي خدمتة العارضة والقآئم والا كان جآب العـــيد |
تسلم أخوي وألف مبروك على الفوزالحمدالله ربناسترمن أخطائناوأخطاءالحكم.تقبل مروري |
العتيبي !!! الهدف الي دخل عليه مثله مثل هدف الفاول الأسهل من الأهلي الاماراتي بالذهاب في ارضنا على الدعيع ليش محد اعترض ؟؟؟؟ يالبى العتيبي اليوم بدع نسيتوا الشوط الأول !! ويحق له بالشوط الثاني الي سواه انكشف مرماه من بعد خروج خيرات .. اما خيرات جاب لنا هدف -- وحمى مرمانا من هدف |
(بس حلووووة متنـــح) حسسسن أكيـددد منشششغل لأآعب تعررض لضغوطاات كثيررة, وكبيررة ... ورااح يظل كبير بشهاادة من جيريتش . |
. المدرب لايلام .. دخول خيرآت ارعن بصراحه .. مايسويه لاعب صح .. حسسني للحظه ان اللى يلعب الاتحآد .. مو الهلال دخوله بكل صراحه غبي |
العتيبي وش تبيه يسوي بدفاعك الشوارع كل الكور اللي جات العتيبي مرتدات دفاعنا اليوم شوارع وجيريتس اخطى لما طلع خيرات المفروض يدخل قلب دفاع صراحة اول مره اشوف دفاعنا شوارع الحمد لله ان ما دخل مرمانا الا هدف واحد ولا شوارعنا اليوم اعوذ بالله دفاع مرتبك والحارس لحد يلومه حط قدامه دفاع زي الناس وراح يبدع موب تحط قدامه ناس الكور ترتد منهم وتنكبه في النهاية مبروك الفوز لا نصير طماعين في الفوز نشتم وفي الهزيمه نشتم |
الف مبروك للزعماء وكل الأمل بأن يكون هذا المستوى هو استراحة عداء يعود للوراء ليأخذ مساحه كافيه ثم العوده للقفز |
ربك ستررررررررررررررررررررررررررررر ولولا الله ثم العارضه والقائم كان قالبين النتيجه بس الغريب من المدرب عنده مدافعين ليش مانزلهم الا ها الحد الاستهتااااااااااااااااااااااااااااااااااااااااااااااااااااااااااااار بعدين الهلال له كم مبارة يتقدم ويبدع الشوط الاول واذا صار الشوط الثاني يجي فيه التعادل ويمكن ينهززززززززززززززززززززززززززززززززززززززززم !!!!!!!!!!!!!!!!!!! |
نامي والزوري لخبطوا اوراق الدفاع وخيرات كان ممتاز الى لحظة الطرد ومرشدي متألق والعارضه ماقصرت .. الف مبروك فوز الهلال وهذا اكبر رد على من يقول ان الهلال يضيع بدون اجانبه .. عيسى مبدع واكبر دليل هدفه اللي على طريقة الكبار .. اجمالا مستوى الفريق كان مهزوز نتمنى تعديل الاخطاء في المباراهـ القادمــه .. |
الفتح اليوم الله ستر وكان بيسووووووويها .. ويقلب النتيجة وتطلع فضيحة بجلاجل!! الكور اللي بالعارضة والقائم فوق خمسة اهداف ... لكن ربك سترررررررر !! وياخوفي من نهاية المشوار!! |
؛ هههههـ.. مدري وش فيـكم على العتيبي وخيـرآت.. العتيبي اللي انقذكم من اكثر من هدف محقق.. وخيرآت اللي طلـع كـورة قبل ماتوصـل البآب.. العتيبي اللي ابدع في كم لعبــة..جاء فيه هدف وآحد فقط..ويتحمـل جزء منـه بس.. وخيـرآت اللي انظــلم.. والحكــم كـآن ممتـآز مررة والدليــل لمـس شريفي للكرة برى الــ18 .. ما اقــول.. إلآ الحمدلله على الفـوز... وفريقنـآ اليـوم ابدع.. وبالخصوص المرشـدي.. الله يوفقـهم في البطولـة .. والاختلآف في الرأي لآيــفسد للـود قضيــة .. ؛ |
الف مبروك الفوز وكل شي يتعدل ان شاء الله |
الحمدلله على كل حال ماقصرو النجوم ألف مبروك الفوز والله يوفق الهلال بالشوط الثاني (الإياب) |
مشكور أخوي كلام سليم بس فريقك ناقص من الدقيقة 21 ولازم تجي عليك هجمات الغريب ليش مالعب عزيز قلب دفاع وخيرات يخطي وكل ابن أدم خطاء .. احنا وقفنا مع هوساوي بالرغم من أخطاءه وألحين لازم نوقف مع خيرات حتى لو أخطأ لانه جاب هدف وأنقذ كم هدف والغامدي لاتعلييييييييييييييييييييييييييييييق.. والعتيبي تنح الشوط الثاني المهم الفوز والوعد الخميس وأنا أول الحاظرين لاني من الشرقيه وأعتب كل العتب على جمهور الرياض اللي من جد مدري وش سبب عزوفهم عن حظور مباريات الزعيم بالرغم من ابداعه ونتائجه الحلوه لازم نشوف حل لجمهور العاصمه ياأعضاء ودمتم بزعامه وانتصارات |
اهــــم شـــــي انطــــــــلقت نــــامــــــي ههههههههههه |
اآلف مبروك للهلآل عتيبي : رآجع مستوآك .! خيرآت : نجم لكن الرعونة مآلهآ دآعي .! مرشدي : بطل زوري : اليوم نآيم ومآدري وش فيك .! نآمي : ركز على مستوآك , ومستوآك اليوم آحسن من مستوآك يوم مع الأهلي الأمآرآتي هجوميآ فقط.! غآمدي : كفييت و وتفيت الغنآم : حآول ترجع لمستوآك عزيز : مستوآك معتدل الدوسري : بطللل الشلهوب : رآآجع مستوآك بقوة تكفى الفريدي : صنآعة هدف المحيآني تشفع لك فقط .! العآبد : أبعد عن الغرور الصويلح : إن شاء الله المبآريآت الجآية نشوفك .. طلق المحيآآ : يآآلبيييه .. لو يعطيك جريتس فرصة ..يصير اطلق وآحد جريتس : رآجع تبديلآتك سآمي : منور .. حكم المبآرآة : أخطآء بسيطة .. جمهور الهلآل : .! الحضور متوسط . :( جمآهير الأحسآء يبضون الوجه إن شاء الله .. |
انا راح اتكلم عن رجوع الغامدي لقلب الدفاع لعلك لا تحضر تمارين الهلال وتشاهد التمارين والمناورات حيث يتواجد عمر الغامدي بشكل 80% في التمرين في قلب الدفاع مع حسن خيرات .!! |
قد تكون لك اهداف من موضوعك هذا !! اللي خصصت لتشفي على حسن العتيبي لخطأ واحد او اثنين صارت منه ونسيت من انقذك في الشوط الأول واكثر من كورة في الشوط الثاني |
نامي ااااااااااااااااااااااااااااااوت ااااااااااااااااااااااااااااوت اوووووووووووووووووووووت غيريتس ليه مايعطي فرصه للاعبين الشباب !! شافي الدوسري وعبدالله الدوسري وسلطان البيشي والا معجبه الظاهره نامي يارب وفق الهلال يارب |
الحمدالله على الفوز والله يوفقك الزعيم في المباراه القادمه |
''' الفريق فاز وانتهى 00 ولاكن نامل ان يتفادى المدرب هاذهي الاخطاء في المباراة القادمة 00 دمتم بــ ود الذيابي ''' |
رجااااااء لحد يغلط على اسطوررتنا الخالده نامي يا بعد كل الاسامي س/الي جاب نامي كان يفكر ويعرف الاعب الفاشل من الناجح؟ |
ياخوي المرمى سبع متر طيب راجع شف الحيظة والاعبين غطوا عليه لاتتسرع في طرح المواضيع وشكرا نقاط جميلة |
الحمد لله على الفووووووووز .. والعتيبي مستواك محلك سر ... |
العتيبي اليوم خارج عن التغطيه والدفاع تارك المساحه لمهاجمي الفتح والله لولا الله ثم القائم كان رحنا فيها بس الله ستر وقيريتس شطح شطحه ما اوومها داعي أجل الغامدي دفاع وين راح عبدالله الدوسري ـ ما اقول الا الحمد لله أن المباراه راحت بخيرها وبشرها الحضاري الله يعطيـــــــط العافيه ع الطرح المميز تحيــــــــــــــــآتي لكــ ,,// |
صح كـلآمك , والله يستر . مهب ع شانه في قائمة الانتقال , يجلس ( يخنبق ) في فريقة !! \\\ |
مشكلة خيرات قلة الخبره فقط والعتيبي مشغوووووووووول بالهولو لعب اليوم شافي كان افضل |
مستوى كان مبهر قبل الطرد لكن بعد الطرد امتلك الفتح زمام المباراة وكاد ان يعادل النتيجه |
| الوقت المعتمد في المنتدى بتوقيت جرينتش +3.
الوقت الان » 09:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd