مقتطفـــات رحلة دبي ومن مباراة الهلال والأهـــلي قبل واثناء وبعد المباراة ( تقرير - صور ) ومقتطفات سريعه عن مباراة النصر والوصل
السلام عليكم ورحمة الله وبركاتـــه
اسعد الله صباحكم وظهركم وعصركم ومغربكم وعشائكم بكل خيـــر


مبروك الصداره ياهـــلال الف الف مبروك وعقبال ان شاء الله طوكيو
مقتطفـــات ( رمسات ) سعوديـــة أماراتيــة من المباراة
اعتذر عن التاخير بانزال الموضوع وذلك لظروف الانترنت اللي بدبي الخااااااااايس بطئ
طبعا صار لي الشرف وحضرت المباراة وهذي مقتطفات الرحله السعيدة :
* انطلقنا من الرياض الى دبي يوم الاحد الماضي الساعة 12 ليلا
* حنا 4 أشخاص 3 هــلاليين وواحد نصراوي

* يوم الاثنين لم يسفعنا الوقت لحضور تدريب الفريق لظروف قاهـــرة ( نووووووم ) ههههه

* في وقت متأخر من يوم الاثنين مرينا من عند نادي الاهلي وعرفنا طريقه مزبوط علشان مانضيع
* في يوم المباراة صحينا بدري من الحماس واتجهنا لنادي الوصل علشان ننزل خوينا النصراوي
* واتجهنا بعدها لنادي الاهلي الاماراتي وذلك في تمام الساعة الخامسه بتوقيت دبي يعني باقي 3 ساعات ع المباراة
* عند دخولنا للنادي كانت هناك جماهير هلاليه وكنت أسال وين مكان الرابطة يقول حق التذاكر مدري وين بيجلسون
* لاننا بنجلس عند الرابطه لكنني لم اشاهد ولا اي شخص من مجلس الجمهور الهلالي
* شاهدت بمحض الصدفه المشجع الهلالي المعروف صاحب الحنجرة ( ياهلاااااااااااااااااال ) وسالته عن الرابطه وقال ماجاء ولا اي شخص قلت له لييه يقووووووول مدري
* بصراحه انصدمنا من عدم حضورها ولعل المانع خير أن شاء الله
* دخلنا الملعب وكانت رسوم التذاكر 50 درهم يعني تقريبا 52 ريال سعودي
* وكانت بجوار المنصة خلف مقاعد الاحتياط
* اما الجلوس خلف المرمى فكانت رسومها 20 درهم
* نزل اولا محمد الدعيع وحسن العتيبي لاجراء حركات الاحماء
* بعدها نزل المدرب القدير جيريتيس
* بعدها نزل جميع الاعبين لاجراء حركات الاحماء ولقي الاعب ويلي ترحيب حار من الجماهير
* كانت هناك تعليمات من المذيعة الداخليه من في حالة نشوب حريق عليكم بالخروج بهدوء وماألي ذلك ....
* المذيعه الداخليه احس مالها ومال الكورة كانت تقول تشكيلة الفريقين ومن ابرز اخطائها تقول
اسامه هوسني ( تقصد اسامه هوساوي )
ياسر القطيف ( تقصد ياسر القحطاني )
عيسى المحيي ( تقصد المحياني )
ولم تنطق ائ اسم لاعب صح ماعدا حسن العتيبي ومحمد النخيل وعبدالعزيز الدوسري
هههههههههههههه قلت لكم مالها ومال الكورة حتى اسماء الاهلي ماتنطقها صح المشكله انها اماراتيه
* بعدها نزل الاهلي لاجراء حركات الاحماء ولقي صيحات الاستهجان من الجمهور الهلالي
ههههههههههههههه والله جمهور الهلال اكثر ياناااااااس حسيت اني بالرياض من جد والله
* بدات المباراة وبدأت بعض من الجمهور بترديد الاهازيج ( اجتهادات شخصيه ) بس والله كفو ياجمهور الزعيم
* الامن عندهم مش ولابد بس كان جمهور الهلال مثالي
* بين الشوطين خرجنا نصلي في مساجد مكيفه داخل الاستاذ ( متى يحطون مسجد داخل الاستاذ ) ردد ياليل مااطولك
* فيه مصري اشغلنا مش عاوزين بارد ههههههههه دسوقي خخخخ يبيع ماء فطاير بطاطس عصير
* يعني تتابع المباراة وانت مبسوط ومروق يالبى قلوبهم بس
* بعد نهاية المباراة قمنا بترديد اجيبه يعني اجيبه حتى لو كانت تحت ..... الخ
* كانت الاجواء خياليه وروعه وانت في المدرج تشوف الشوارع اللي خارج الاستاذ
* تحس كانك تشوف المباراة بالتلفزيون لان المدرج قريب من عند المستطيل الاخضر
* بعد نهاية المباراة كان هناك برنامج مع الجماهير في قناة الدوري والكأس تجري بعض اللقاءات
* بعد ذلك اتجهنا لنادي الوصل علشان خوينا النصراوي ودخلنا الملعب وشفنا اخر الشوط الثاني والاشواط الاضافيه وضربات الترجيح وياليتنا ماحضرنا تنظيم سئ شغب عبث مباراة ليس لها اي علاقة بكرة القدم
* وصلنا العاصمه الرياض يوم الجمعه الساعه ال10 صباحا
* وكلنا متشوقين لحضور مباراة الهلال والفتح يوم الاحد وكل التوفيق للزعيم
واكرر اسفي لانني لم انزل الموضوع بعد المباراة لان الفندق هناك الاتصال يقطع وعندهم الاتصال مش ولابد
* ان شاء الله نييب راسها اسيا <<<< بالاماراتي خخخخ يعني نجيب راسها اسيا
واعتذر عن رداءة الصور لانها مصوره بجوال
وهذي اول مره انزل صوربمنتدى يعني غشيم نوعا ما

منتدى الزعيم
لسنا الوحيدون ولكننا الافضل
لانبحث عن الاثارة بل نبحث عن الحقيقه من مصادرها
بجاد بن بجاد ال بجاد