صبحكم الله بالخير ياجماعه<== كاتب الموضوع في الصباح يعني لاحد يقولي شيء

أخواني اعضاء منتدى مدمي الشباك قاهر أبو الشباب <== وش رايكم بالوزن


ياجماعه

كلنا سمعنا مايدور بالشقة النصراوية <== صعبه نقول بيت

هيبكر يبعد خوجلي
وماطر
والسهم المتصدع علي يزيد

معقوله ياجماعه؟؟؟
من بقى اذا ماطر يبي يبعد؟؟

يمكن جهوي
والا
يبي يرجعون حسين كرشي هادي من الحزم والله يعينهم على مقدم العقد
والا يبي يرجع فهد الهريفي
عشان لما يعتزل كلاكيت ثالث مره
ينزل شريط جديد بس المره ذي
ماسك مرواس
والا عود <== استخف دمي معليش

طيب ماتسآلنا ليش يبي يبعدهم

انا اقولكم

الله يسلمكم هيبكر مل من التدريب وشين الامور في الشقة النصراوية

وجاه كم عرض حليل من الامارات واوربا الشرقية وهذا الكلام من مصادر موثوقه من الشقة النصراوية <== كلن يقول مصادر موثوقة وش حيثي انا؟؟!!!
وهيبكر اذا اراد ان يفسخ العقد
لازم الشرط الجزائي
يعني يبي يكع فلوس
ويدفع عشان يعطونه ورقة اخلاء
والا يلاحقونه عند الفيفا ((يقولون الفيفا حاط اظهار عشان اذا اتصل النصر مايردون عليه ملوا من مشاكل النصر))

عشان كذا المدرب سوا الطريقة الي يسويها اكثر الاندية السعودية اذا مدرب يبي يطلع لاعب مهم من عندهم؟؟
التشوووووووووويت

وهذا الي صار ونسمع الان من شقة الحرية قصدي النصراوية
اتجاه الى الغاء عقد هيبكر اذا استمر على مواقفه
وعشان كذا

جاااااااااااااااااك ياهيبكر قصدي يامهنا ماتمنا


ياخي مخ المدرب ذا
وين بلاتشي الغبي يروح ويخلي الهلال يطالبونه
كان قال ابا ابعد الثنيان والا سامي
ويطيرونه
بس هذا الواقع
هيبكر الحين
يقووووووول لهم
كشششششششش ملك

ودمتم

....... صبحك الله بالرضا والعافيه.....((( يقولون النت زين الصبح ودخلت ابشوف ))))


....اما موضوع هبيكر والحالمي موضوع لا يهمنا بشكل كبير لكن حلللللللللوه أن الفيفا عندهم إظهار هههههههههههههههههههههههههههههههههههههه ....لكن والله لو يجي بلاتر يدرب النثر كان تمشكل معهم .....