اكذوبه بطل الدور الثاني والعزف على وتر الوطنيه والفرق بين اهزوجتهم واهزوجه الوصل - نادي الهلال السعودي - شبكة الزعيم

@أميرة الورد · #1 02/04/2010, 12:46 AM

السلام عليكم ورحمه الله وبركاته

مرااحب يازعماااااء

بدون مقدمات راح ادخل بالموضوع طواالي

فيه نااس سبحان الله امتهنوا الكذب والتدليس
عيني عينك
هالامر عارفينه منذ الازل

لكن الى متى والتزوير يتم والاعلام الهلالي صامت
هالاعلام اللي ادعى الفقرواين انه يحجب تاريخهم وجماهيريتهم المزعومه

لكن فعلا وصل الامر حده
لما يجي رئيسهم ويتبجح ويقول ان فريقه هو بطل الدور الثاني من الدووري
في برنامج الجوله
والمذيع والضيوف موجودين يسمعون ولا احد تجرأ يصحح المعلوومه
ومن يومها بدا الببغاوات بترديد هالجمله وبكل فخر

في كل مكاان حتى بالقناة الوطنيه ذكروها بكل مداخله
واللي يقهر انها ذكرت مره في وجود اعلامي كبير ولم ينصف تاريخه بذكر الحقيقه

طبعا راح تقولون لي لايهمونك الهلال هو المتوج وماعلينا

وفعلا ماعلينا لكن مانترك لهم الحبل على الغالب
ويقعدون يروجون ويزورون بدون رادع
وخاصه انهم مفتخرين بهالانجااز
شوي ويطالبون بدرع اسوه بالهلال

ودي اعرف شلون تم حساب النقاط

وبما ان جمهورهم معروف عنه انه ارض خصبه لتقبل التزوير
عسى ان يخف عليهم الضغط والسكر

فراح افسر اكتشاف رئيسهم عنهم
لانها وحده من ثنتين
اما انهم حسبوا مبارياتهم المؤجله واضافوها الى الدور الثاني
او انهم وجدوا ان الهلال متصدر وهم الثاني
وبما ان الهلال متصدر الدور الاول اجل مايصير يتصدر الدورين

فتروح للثاني

اي عاقل راح يقول في الدور الثاني الهلال خسر مباراتينفقط
بينما النصر خسر مباراتين غير التعادلات
لكن بما ان صفه العقل مرفوعه عنهم
فمن له عقل يجب عليه ان يصحح المعلومه فالتاريخ والارقام لاتزور
ويقولون الاعلام الهلالي متسيد
لا والله الا انتم اللي متسيدين بكل قناة موجودين
وخاصه بالقناة السعوديه في كل برنامج لهم صوت

نجي للشئ الثاني وهو الجماهيريه المزعوومه
ذكروني بكذبتهم ان مجله فرنسيه صنفت جماهيرهم الاكثر شعبيه بالعالم

اذا انتم الاكثر شعبيه بالعالم اجل ليش مزعجينا بالاكثر جماهيريه بالسعوديه
وش تبون بالسعوديه دامكم بالعالم ضربتوا البرشا بالجماهيريه

ماقول الا الضرب بالميت حرام

نقاط غير هلاليه

* احمد الشمراني تأثر كثيرا من تصريح الامير نواف بن سعد
وهزته كلمه اهداف غير رياضيه
بينما الاخرون لم يهمهم الامر
يبدوا ان الشمراني الوحيد الوطني في المجموعه لذلك تاثر كثيرا بكلام سمووه

*في مباراة النصر والوصل الاماراتي
بدأو العزف على وتر الوطنيه وخاصه راعي البلتوث وهو يتصل ويقول الجماهير رددت
اهازيج مسيئه

سبحان الله ماكنت تقول مالنا دخل بالجماهير

*اصبح وصف اللاعبين بالمهابيل امر مسئ بينما قذف لاعب
وتصدير الاهزوجه للخارج امر طبيعي

انها العقليه الصفرء المتعفنه

*تعودنا من الفقر اذا فازوا او انهزموا
صجوناااا
استراتيجيه صفراء قديمه

*لله درك يافيصل كم الجمتهم

* رابطه النصر تم الطلب منها عدم ادخال الطبول الى الملعب بسبب العزاء
فقاموا بكل وقاحه بافتراش الارض بجوار الملعب والغناء
بينما رابطه الهلال تفهمت الامر ولم تدخل المكبرات والطبول
فرق بين من يمثل ويشرف

ويين من يشوه سمعه الكره السعوديه

*للي مايعرف الاهزوجه الي رددها جمهور الوصل

(في زعبيل النصر صاروا مهابيل )

لكم كل الود والاحترام

زين الدين الغنّـام · #2 02/04/2010, 12:54 AM

..

حلوه النقاط اللي في البدايه تكلمت عن أبطال الدور
الثاني رغم ثقتي التامه بأنه ليس هناك جائزهـ
للفريق الحائز على أعلى نقاط في الدور
الثاني , ربما يأتي هذا الشيء مراعاةً
لظروفهم الخانقه وجدبهم وقحلهم
بالبعد عن البطولات لعمر
لا يقل عن عمر البالغ

بالنسبه للوطنيّه ومداخلات الوليد وما أكثر مداخلاتهم في كل
( عاير ) , لخصّها المفوّهـ والناطق بإسم الهلاليين
في قناة الكأس بإلجام لا يشابهه إلجام وكفى
الله المؤمنين شر القتال ..

تناقض عجيب في وطنيتهم , هي حسب الأهواء ..

تحياتي

&فتى القواره& · #3 02/04/2010, 01:20 AM

الله يجعلهم من هذي واردى
هذا فريق التخلف والهمجيه

زورو (8) الزعيم · #4 02/04/2010, 01:25 AM

يعطيك العافية على الموضوع

بالنسبة لـ ان النصر بطل الدور الثاني

انا افهمك كيف حسبوها الفقراويين

حسبوا فوزهم على عمهم الزعيم بـ( 9 ) نقاط

وفوزهم في الديربي الكبير أمام الحزم ( مباراة البلنتي الواير لس ) بـ ( 6 ) نقاط

والهزيمة عندهم بنقطه لهم وزي كذا

ويعطيك العافية

@أميرة الورد · #5 02/04/2010, 02:24 AM

إقتباس

الرسالة الأصلية كتبت بواسطة زين الدين الغنّـام


	.. حلوه النقاط اللي في البدايه تكلمت عن أبطال الدور الثاني رغم ثقتي التامه بأنه ليس هناك جائزهـ للفريق الحائز على أعلى نقاط في الدور الثاني , ربما يأتي هذا الشيء مراعاةً لظروفهم الخانقه وجدبهم وقحلهم بالبعد عن البطولات لعمر لا يقل عن عمر البالغ بالنسبه للوطنيّه ومداخلات الوليد وما أكثر مداخلاتهم في كل ( عاير ) , لخصّها المفوّهـ والناطق بإسم الهلاليين في قناة الكأس بإلجام لا يشابهه إلجام وكفى الله المؤمنين شر القتال .. تناقض عجيب في وطنيتهم , هي حسب الأهواء .. تحياتي

بالنسبه للدور الثاني لو صدق هم الاكثر نقاط
ماقلنا شئ لكن كذب عيني عينك

ومثل ماقلت مراعاة لحالتهم النفسيه وتصبيره من خبيلان وجمهورهم يرضى
بالتصبيره حتى لو كذب

منوووور

kasyas · #6 02/04/2010, 01:27 AM

خلوهم يحلمون
يحلمون
يحلمون

#7 02/04/2010, 01:28 AM

الحمد لله على نعمة العقل

والله العظيم ان جمهور الفقر مساااااااااااااااااكين ومرضى نفسيين الله يشفيهم

اساسا لو فيهم خير كان ماساندوا اي فريق يقابل الزعييييييييييييييييم

لكن لاحياة لمن تناااااااااااااااااااااااااااااااااااااادي

تقديري,,,,,

الوفاء طبعي999 · #8 02/04/2010, 01:32 AM

في زعبيل النصر صاروا مهابيل

ههههههههههههههههههههههااااااااااااااااااااااااااااااااااااااااي

كما تدين تدان

دمتم...

Bo0oM · #9 02/04/2010, 01:37 AM

^ ^ ^

صادوووه

خخخخخخخخخخخخخ

مالها داعي تعكر فرحتهم

للاسف 90 % من جمهور النصر لايفهم ثقافة الحوار

كل صحفي وكل كاتب وكل ناقد نصراوي يدخلون مواضيع النقاش وهم متسيدين رأيهم

لايبحثون عن الحقيقه وانما عن اثبات مالديهم باي طريقة كانت

اتذكر ابيات قليله لشاعر مقرب الى قلبي يقول فيها

(خفافيش الحكي) ترمي غصون(ن) ناعمه تفطم
لأني من صغر سني (شربت العز) من كاسه
ويوم(ن) أقتوى ضلعي وصار الشعر يتكلم
رموني (بالكلام) اللي تبّين فيه وسواسه
أنا أدري الزود بسكوتي يخلي الحسد يتعظم
ولكني أبتكلم و (أنزل كل(ن) لساسه)

هذال حال زعيمنا

وحالهم حال (( خفافيش الحكي ))

دمتم بود

العيون السوداء · #10 02/04/2010, 01:49 AM

صدق ذبحتهم الوطنية وشوي وبيضربون فيصل ابو اثنين
وهم يسبون الهلال اسبوعين بقناة حماراتية وعلى راسهم عميد الكذابين
ويقولون مانرضا احد يشكك بوطنيتنا وهم يشكككون بانجازات الهلال باسهم الوطن
ويقللون ن منه ولاننسا البليد بن فقر

فوتوغرافي الزعيم · #11 02/04/2010, 02:21 AM

الله يكتب اللي فيه خير للزعيم

@أميرة الورد · #12 02/04/2010, 02:25 AM

إقتباس

الرسالة الأصلية كتبت بواسطة &فتى القواره&


	الله يجعلهم من هذي واردى هذا فريق التخلف والهمجيه

مانقول الا الله
يشغلهم بانفسهم

نورت اخوووي

@أميرة الورد · #13 02/04/2010, 02:26 AM

إقتباس

الرسالة الأصلية كتبت بواسطة زورو (8) الزعيم


	يعطيك العافية على الموضوع بالنسبة لـ ان النصر بطل الدور الثاني انا افهمك كيف حسبوها الفقراويين حسبوا فوزهم على عمهم الزعيم بـ( 9 ) نقاط وفوزهم في الديربي الكبير أمام الحزم ( مباراة البلنتي الواير لس ) بـ ( 6 ) نقاط والهزيمة عندهم بنقطه لهم وزي كذا ويعطيك العافية

ههههههههههههههههه
يمكن يحسبونها على طريقه السله الخساره بنقطه

يعافيك اخوي
منوور

سعودالرياض · #14 02/04/2010, 02:49 AM

موضوع حلو وأميري وزعيمي بنفس الوقت . والموضوع إن وصف بالزعامه خلاص مابعده موضوع .

بس عندي ملاحظه أتمنى إنك تتقبلينها بصدر رحب وإن شاءالله إني بنزل لها موضوع ومفكر في هالشي اللي هو سلمك الله

المواضيع الخارجه عن القاعده الهلاليه وبعض الالفاظ كالفقر وخبيلان وإلخ (جمهور الزعيم أكبر وأرقى من غيرهم ) فلو وصفونا

بكلمات بذيئه هذا دليل على صغر العقل عندهم ونترفع عند الردود لهم المثل بالمثل . طبعآ الكلام ذا لاحظته في كثير من المواضيع كثير جدآ . لكي كل الود والتقدير

والإحترام أميرة الورد على هذا الموضوع الزعيمي . وتقبلي مروري ورأي المتواضع .

@أميرة الورد · #15 02/04/2010, 05:51 AM

إقتباس

الرسالة الأصلية كتبت بواسطة kasyas


	خلوهم يحلمون يحلمون يحلمون

الاحلام ببلاش

منوور اخوي