03/04/2010, 02:32 AM
|
| زعيــم فعــال | | تاريخ التسجيل: 08/11/2002
مشاركات: 204
| |
الــســلام عليكم ...
أنا عندي رأي يختلف عن رائيكم ( اللي واضح انه الكل متفق مع الاخ هلمجرا )
أول شي بشكرك على طرح الموضوع بأسلووب راقي قبل مااقول رائي
ماأدري ليش مفــكريــن انه ابو الولد يوم سمى ولده رادوي كاانت لحظة طيش !! أو بسبب الفرحه الزايده !!
حنا نتفق كلنا على انه أفضل الاسامي وأحب الاسامي العربيه ونشيد بحديث الرسول
صلى الله علية وسلم( خير الاسماء ماعبد وماحمد)
لكن هل هذي خطئيه الحين يوم سمى ولده رادوي !! أو ذنب !! انا ماني فاتي بشي هذا لكن خلونا لا نركز على الاسم رادوي شووي واعطيكم امثله في حياتنا ومجتمعنا ( الخليجي) بشكل خااص والعربي بشكل عاام
شــوفوا اسامي بناتنا ...! تجد ان نسبه كبيره من الاسامي المتداوله خااصه للبنات غير عربيه ولا لها علاقه
بعطيكم كم اسم بنت ومع المعنى لانه بعض المعاني قبيحة والناس ماتدري
سوزان : وتعني المحروقة أو المحترقة !!!
جهان : كهان أو كيهان !!!
خاتون : وتعني السيدة العريقة <------< ليس متداول بالخليج ولكن بشام كثيرا
روان : وتعني الروح
شهرزاد : وتعني بنت البلد
شيرين : وتعني الحلو أو الكامل
ميسون : الخمره وتجي معنى ثاني الصبي ذو الوجهه الحسن
نازك : اللطيف <-------< كثير بناات يتسمون بالاسم هذا
يارا : اسم كردي معنى الحبيبه يقولك yara min يعني حبيبتي بالكردي
وهاله وتاله ودارين ورزان... هذي الاسمااء كلها تسمى بناتنا حاليا الجيل الجديد ومنتشره بكثره
ماااشوف احد تكلم عنهم ولا قال شي مع انه هذي امثله بس ولا اللسته طويله ويمكن تعرفون اسامي انا ماذكرتها
طيب نجي لنقطه ثانيه انت تقول الولد يمكن يتعقد اذا كبر ( الله لا يقوله ) او اذا حس بعد فتره من العمر انه اسمه غريب بالنسبه لغيره من الاطفال
يااخي انا بعطيك مثال بسيط من شي انا شفته ( ولد خالي اللزم ) اسمه أورنــس وكلنا نعرف انه اورنس اسم غربي انجليزي بحت وهو اصلا ينكتب باللغه الانجليزيه هكذا ( Lowrance)
الرجال عمره 28 سنه من يوم انولد وحنا نناديه بالاسم هذا والحمدالله لاهو متعقد ولا عنده حاله نفسيه عشاان اسمه
ولا اعتقد خالي يوم سمااه كاان بلحظة طيش والحين هو ندماان !!! انا عملت مقارنه بسيطه بين خالي يوم سمه ولده اورنس
وبين ابو الولد ( الشمري ) يوم سمى ولده رادوي !!
صراحه انا مستغرب كل هضجه اللي صارت على الاسم والكل صار ضد ابو الولد يوم سمى ولد بالاسم هذا وكانه ارتكب خطأ فادح
وخليتوه انسان طايش !
لو كاتبين الموضوع بشكل عام انا صدقني اتفق معاك 100% انه يستحب انه انسمي اسمائنا بالاسمي العربيه الاصيله ونحث الناس
لكن انكم تخلون الشي هذا ظاهره جديده وهي ليست بجديده اطلاقا وكأنه امر غريب على مجتمعنا فأنا لا اتفق معاك اطلاقا
آسف جدا جدا على الأطاله ولكن حبيت ابين وجهة نظري عندما قرأت الموضوع وبصراحه هذا ( النك نيم ) مو لي استعرته من صديقي هو صاحب النك عشان اقدر ارد على الموضوع بعد ماقريته وانا ماعندي عضويه بصراحه
على العموم تقبل مروري ولو انه رائي عكس رائيكم
سلام عليكم
|
الوضع العادي
