01/04/2010, 05:10 AM
|
 | زعيــم نشيــط | | تاريخ التسجيل: 09/12/2008 المكان: My Room
مشاركات: 800
| |
يا جماعه الهلال والنصر ديربي الشرق الأوسط وكلهم لهم شعبية وجماهيريه
وكلهم ( أنديه سعوديه ) ما يصير ننبسط للي صار في الامارات حتى لو كان ضد المنافس التقليدي
وصدقوني هم يكرهون النصر مو لشي بس لأنه سعودي وهالشي لازم يضايقنا كلنا مو يبسطنا
حتى أنتم تذكرون سالفة العين وسبيت خاطر اللي هنا والوحده الاماراتي يوم تأهلوا على حساب
الهلال قبل العام تذكرون لعيبتهم بعد المباراه وش سوو ؟؟ راحو للجمهور واشرو له بايدينهم
يعني بالعاميه ( أص ) مو لشي بس لأنه سعودي وجماهيرنا ما دخلو للملعب يومها وبعدين انتو خلو الجمهور
شفتو الأمن وش سوا ؟ كأنه يقول للجمهور تكفى يرحم والديك اطلع يعني كأنهم مبسوطين على اللي صار
وما تعاملوا بحزم وصدقوني هالشي يمسنا كسعوديين أولا وهذا هو قصدهم واللي يبونه وحنا لازم ما نسكت لهم
ونمشي الموضوع ....
ياليت نتعلم من انجلترا وهم اكثر جماهير العالم شغب بس لما شي يمس بلدهم أو منتخبهم كلهم يكونون على قلب واحد 
الكلام هذا وجهة نظري اذا حبيت اقبله واذا ما حبيت هذا شي يرجع لك واختلاف الرأي نعمه
 |
الوضع العادي
