][ (¯`·._) مخضرم المجلس العام (قرقــاص ) ..ضيفاً على -: (يوم في ذاكرتي) -][ (¯`·._) ‏ ‏ - صفحة رقم 2 - نادي الهلال السعودي - شبكة الزعيم

هلالي من ارض اليمن · #1 30/03/2010, 05:19 AM

انا حاقد على الدكتور

بين ( ب ) و ( ج ) تعلق طالب دكتوراه بين السماء والارض

من جانب آخر .. كأني تركت قصتك وتعاطفت بالحديث عن الطالب الآخر

في بادئ الأمر وبعد عمر طويل ( مبرووووك التخرج )

حقيقة يا قرقاص يبدو لي ان آثار تلك التجربة لا زالت في نفسك .. فأسلوبك بكتابة الموضوع يوحي أنك تذكرت القصة واستفزك ذكراها ،،،

لا ادري قد توافقني او لا .. في مرحلة الدراسة تشعر بالغضب نحو بعض اعضاء التدريس خاصة والصلاحيات بين ايديهم واسعه ولكن بعد التخرج ( والعتق

) تشعر انك تتعاطف مع الكثير منهم

أو أن ما وجدناه بالجامعه قد انتزع من نفوسنا معاني الانسانية

الله يعطيك الف عافية .. استمتعت بقراءة تجربتك وحياك الله يا دكتور

فراشة المجلس العام والاستشاري : الهنوووف

الله يعطيك مليون عافية ،،،

الهلالي دائماً · #2 30/03/2010, 10:02 AM

السلام عليكم ,,,
هلا وغلا بالصيدلاني الكبير قرقاص

ماشاء الله .. لحظات صعبه جدا

ذكرتني بدكتور بالجامعة نزل لي حرمان

وما دريت انه منزل لي حرمان الا ليلة الاختبار

طبعاً من زود الثقة

واقلب الدنيا لين اطلع رقم جواله وادق عليه وانواع الترجي لين قالي ادخل الاختبار ونتفاهم بعد الاختبار

عاد اختبرت والحمد لله كان اختباري كويس وقابلته في المكتب
فبدا يقلب الاورق وآخر شي قالي انت ليش ما جيت تسألني عن غيابك ؟
قلت لاني متأكد اني ما وصلت لدرجة الحرمان

فقال خلاص لانك طالب كويس بشيل الحرمان عنك

والحمد لله عدت على خير وتنفست الصعداء

شكرا اخوي قرقاص ... والله يعطيك العافية على ها الموضوع .. وتمنياتي لك بالتوفيق ...
والشكر موصول للاعزاء الهنوووف والقيصر ...

دمتم بحفظ الله ,,,

الضحى · #3 30/03/2010, 07:32 PM

ماشاء الله تبارك الله الله يوفقك في كل أمورك

ويحقق لك كل ماتتمنى ...ماشاء الله متى الدكتوراه ؟؟....

أنا أحترم الإنسان الذي يحدد هدفه ويسعى له بكل جد وإجتهاد .

الله يحفظك ..والشكر للإدارة الموفقة

عاشق الازيرق · #4 30/03/2010, 10:26 PM

مآشآء الله حظك حلو ..

الله يعطيك العافيه يآالشآيب ..

شكرآ لـ الاعدآد والتنسيق .. والتصميم والتفكير ..

بطلة · #5 31/03/2010, 09:32 PM

يوم رهيب

**

حتى بالحزن تحط 3 فيسات خخخخ

**
سبحان الله أول مره بحياتي أشوف ولد شاطر مره ماشاء الله وخفيف دم ماتجي خخخ
متعودة يكونون ثقيلين دم وأنذال بعد

,,

وراء كل رجل عظيم امرأة امرأة امرأة

> تحب تدافع عن البنات

الله يعطيكم العافية
شكر لكم
بطلة

شوق الكويت · #6 02/04/2010, 02:34 PM

حي الله قرقاص

ذكرتني يوم نتائج اخر سنه ثانوي .. كانت عندنا ماده لغه فرنسيه

وكنت واثقه مليون بالميه اني ماراح اتخرج بسبب هالماده ..!!

بس الحمدلله وصلني مسج من المدرسه اني نجحت وتخرجت ماانسى هالفرحه .. قعدت اصييح واهلي يمي مايدرون شنو مكتوب بالمسج

الله يوفقك بحياتك اخوي قرقاص استمتعت بقراءة يوومك

hilalemooot · #7 04/04/2010, 08:47 AM

.

السلام عليكم
هلا بالزميل

.. ياخي كان قلتلي من اول انك صيدلي مخضرم .. نستفيد من خبرتك شوي .. الا قرقاص ما عندكم وظيفه شاغرة لصيدلي

.. هاه ارسلك اوراقي .. ولك اول راتب

بس تصدق هالموقف مر علي بكل اختبار اجيب فيه العيد .. ياخي انا من النوع اللي اذا شلت هم مادة ابدع فيها .. بعكس المادة اللي احس اني حليت فيها كويس .. مدري وش السر

.. عموما مبروك ما حصلت ومنها للأعلى .. وعمرك اتوقع بين 31 و 35 الله يعطيك الصحة و طوله العمر

.. تسان عندك جلوكوفاج 1000 لا تقصّر

الله يعطيك العافية يوم شيّق واسلوب يجذب

الكلاسيكي · #8 30/03/2010, 03:15 AM

اهلاً وسهلاً بالمخضرم قرقاص

.. نورت المجلس

بشر عسى صرت حفيد

, او بالطريق

.. يالله حسن الخاتمه ..
من ناحية اللي صار معك ترى يصير بأدفر الطلاب

..

صار لي موقف مشابه وهو اني خريج وفيه ماده كلها انجلش واقول يارب انجح بـ60

ونجحت وجبت c+

.. حسيت اني متفوق وقتها

قرقاص .. أشكرك ع المشاركه والتجاوب معنا .. ولك احترامي ..
والف شكر لمن عمل لطرح هذا الموضوع ..

دمت بخير

الشيهـانه · #9 30/03/2010, 03:54 AM

********************************

ماعليش اسمحلي ترى أنا أموت بحساب شي أسمه عمـــــــــــر

لذلك ماانتظرت أقرأ ردود الأعضاء اللي أكيد ماقصروا

الموهيم يوم حسبت طلع لي 18+16=
34 سنه فالك طولة العمر ان شاء الله

هذا اذا كنت داخل المدرسه على عمرك ومارسبت ابد

الموهيم ماعلينا

يومك حــــــــلو وحافل ماشاء الله عايش جويأس واحباط فجأة ينقلب لشعور فرح وتفاؤل وحماس

يازيــــــــن هـ الشعور وياكثر ماجربته
اضمن اني بأخذDأو F
فجأة أجيبB

عالعموم
مشــــــــــــكور قرقاص
استمتعنا بقراءة يومك اللي ماينسى بالنسبه لك
موفق دائمـــــــا

|||

فــكرة:القيصر رهيب
تنسيق واعداد: الهنووف
^^^^^^^
ألف شـــــــــكرلكم

قرقاص · #10 30/03/2010, 09:14 AM

مرحبا بالجميع

ماشاء الله الكثير من الردود نسوا الموضوع الرئيسي وقاموا يحسبون العمر

الحمد لله اني مانبي حرمه ولا كان جاني أحباط

على العموم كل الحسابات بشان العمر غلط في غلط

تدرون ليش ؟؟؟

الجميع يحسب ان سن دخول المدرسه ايام زمان مثل الحين 6 سنوات او 7 سنوات ولو تنقص يوم يأخرون تسجيل ولدك او بنتك للسنة اللي بعدها

ايام أول النظام ( اذا كان فيه نظام

) يسمح بدخول الطالب بعمر 4 سنوات ويسمونه طالب مستمع

تجلس سنة بس تناظر في الطلاب والمدرس ولاتدخل اختبار ولاشي ولاعندك نجاح ولارسوب

والسنة اللي بعدها تدخل نظامي حتى لو عمرك 5 سنوات وهذا اللي صار معي

لأن ماكان فيه اسبوع تحضيري للمستجدين ولاهم يحزنزن ماغير يعطونا حلاو بقر وعلك ابوطبعة

5+6+3+3+5+11 =

إقتباس


	فكرة : القيصر رهيب إعداد وتنسيق : الهنوووف تصميم : القيصر رهيب

ماقصرتوا وجهودكم في التطوير والتغيير واضحة

الهنوف

مرحبا بكونسلتانت المجلس العام

إقتباس


	اهلين بـ الصيدلاني اول شي نقول مااشاء الله الحين صيدلاني واخرتها عشبه قرقاص والا ممن ينادون بالطب البديل

لا طب بديل ولا غيره

اخترت القرقاص لأنه مايطلع الا في اسنوات اللي يجي فيها مطر وربيع ولأني من اللي يحبون البر والمكشات والدليل اني شاري سيارة جيب ماطبت البر الا 3 مرات بس

إقتباس


	ولاتنسى تتابع اجابات الاعضاء علشان تسلم الجائزة - -->تحب توهق الناس

الجائزة موجودة وهي عبارة عن علبة دواء منتهي الصلاحية حسب اختيار الفائز وحسب جنسه وعمره وحالته الأجتماعية

RO7_ALHILAL

إقتباس


	صدقني ياقرقاص انت مقبل على يوم ماراح تنساه على ذاكرتك وبتسحب على هاليوم وترى الولاده مش سهله ابدن

ترى بتحوس أم العالم بالكلام

بيصدقون اني حرمه وحامل بعد

على العموم ماأكذب عليكم انا حامل

حامل كل الود والمحبة لجميع الأعضاء واللي مافهم قصد روح الهلال يروح لموضوع الدورة الشهرية حقت الرجال

سيناتور هلالي

إقتباس


	أهلا بالمخضرم ..<< حسيتك أحد شعراء الجاهلية هههه والله العظيم أني أتشرف بقراءة يوم من أيامك الخالدة أيها المخضرم.. وأنا أقول وش فيه الصيدليات كاثرة هالأيام ..؟!! ههههه هذولا أجيالكم المتعاقبة يالصيدلاني

اما هاللقب مخضرم بيخليني أروح للمستشفى وانا ركب حصان ولابس ذاك القدر اللي على الراس وكانه خوذه

اما الصيدليات كثيره بس على الفاضي !! بين كل صيدلية وصيدلية تلقى صيدلية

شكسبير الزعيم

هلا

إقتباس


	والله بالمخضرم مشاء الله .. اجل تتوقع لو بروح بكرى وادخل على الدكتور واكلمه كوده يشيل الحرمان ولا انتضر لين تخلص الدوره هع

انتظر كم يوم ازين لك!! بس الخوف اذا كان توه والد وباقي لي 40 يوم حقت النفاس

IBRAHEEM

إقتباس


	طالب السنة التحضيرية عمره 19 سنة من 1415 هـ إلى ذلحين 16 سنة 19+16= 35 سنة من مواليد 1396/7/1 هـ الشعب السعودي كله مولود باليوم المبارك هذا يعني لاحق على مطاردة ريفالينو

طالب السنة التحضيرة المفروض عمره 18 سنه الحين

وبالنسبة لتاريخ الميلاد صح عليك اول خانتين بس السنة غلط

لأن اول ندخل المدرسة بسن اصغر

ومااتذكر مطاردة ريفالينو وسعد بريك لكن أعرف سبب المطاردة بس ماينقال هنا

الأموره اللي تلعب كوره

إقتباس


	استمتعت معاك والله ياهو يوووم والله فله انك ضايق صدرك ويجيك شعور اليأس ويصير شعور فرح <<دخلت جو

وين أستمتعتي معه !! أغلب اليوم كان خوف وترقب وقبلها بليله وجع ضرس

مافيه متعة الا لما قال المصري مبرووووك

اما دخلتي جو حلوه

قولي امين جعلك ماتطيحين في مدرسة مثل هذا الدكتور

أم متعب التميمي

هلا بأم ولد العم ولد تميم متعب

إقتباس


	اهب عليه والله ياحظك قايم ياااااااااااااااااااااااااااوه ^^ مشاءالله لاقوه الا بالله قرقـاص..................فين تشتغل؟^_* ماقدشفت الا صيدلانيه مصاروه وحضارم:::::::::::::

أجل ماقد شفتي الا مصاروه وحضارم !!

طيب وش دراك اني مانيب مصري

أنا من ولاد تميم بتوع فخذ الصعيد

الكلاسيكي

ياهلا والله بأحسن مشرف في العالم >>> تراني صدقت اني مصري وبدا شغل النفاق

إقتباس


	بشر عسى صرت حفيد , او بالطريق .. يالله حسن الخاتمه .. من ناحية اللي صار معك ترى يصير بأدفر الطلاب .. صار لي موقف مشابه وهو اني خريج وفيه ماده كلها انجلش واقول يارب انجح بـ60 ونجحت وجبت c+ .. حسيت اني متفوق وقتها

حلوه صرت حفيد

قصدك جد

ان شاء الله بعد 20 سنة

وين الأباء والأمهات عنك!! خلهم يعرفون أن C أفضل من A بالنسبة للطالب !! لأن راعي A ضامن النجاح ومايحس باللذة اللي يعيشها اللي توقع الرسوب وفي الأخير جاب C

الشيهانة:

إقتباس


	ماعليش اسمحلي ترى أنا أموت بحساب شي أسمه عمـــــــــــر

أفا مين عمر هذا اللي تموتين فيه

إقتباس


	يومك حــــــــلو وحافل ماشاء الله عايش جويأس واحباط فجأة ينقلب لشعور فرح وتفاؤل وحماس يازيــــــــن هـ الشعور وياكثر ماجربته اضمن اني بأخذDأو F فجأة أجيبB

ماكن يومي زي جو الرياض

الصبح الجو صافي الظهر عج وغبار العصر مطر وبرد بالليل الجو يرجع صافي

هلالي أرض اليمن:

تصدق الى الأن افكر في هالطالب اللي كانوا بيحرمونه من اكمال الدكتوراة بسبب انه جايب C عند هالدكتور العلة !!
وسويت بحث في قوقل عنه ولقيت انه أخذ الماجستير في عام 1416 هـ يعني بعد سنه من الحادثة ومادري هو كمل الدكتوراة ولالا

إقتباس


	لا ادري قد توافقني او لا .. في مرحلة الدراسة تشعر بالغضب نحو بعض اعضاء التدريس خاصة والصلاحيات بين ايديهم واسعه ولكن بعد التخرج ( والعتق ) تشعر انك تتعاطف مع الكثير منهم أو أن ما وجدناه بالجامعه قد انتزع من نفوسنا معاني الانسانية

انا معك في هالموضوع 100% لكن مع غير هالدكتور

الأخوة تركي السلماني M.Adel شمـ v.i.p ـوخ الهــ ابراهيم ــلالي البرنـــــــس كاكا R سام الاحاسيـ S YậṡŝєR

تشرفت بمروركم

وزي ماقلت حسبتكم غلط

والأجابة الصحيحة فوق

بريماكس · #11 31/03/2010, 07:40 PM

هلا بخالي

يا هو شعور عصيب لما تنتظر قرار تحديد مصير لك اما بدراسه ولا اي شئ ثاني.
بصراحه ما يحس بالشعور الا اللي جررب مثلك ومثلي

إقتباس


	والحمد لله والشكر لله على توفيقه بعد هذا اليوم لم اعرف شعور الخوف من الرسوب وكان حافزا لي للتفوق و بفضل من الله تخرجت بعد ان حصلت على مرتبة الشرف وأخذت الأول على دفعتي قولوا ماشاء الله

خلك عنك ماهب بجهدك

امزح امزح والله

الحمدلله اللي تيسرت امورك وحققت الشهاده .. وعقبال الدكتوراه ان شاء الله .
الله يوفقك

Blue Sun · #12 01/04/2010, 01:53 AM

هلا والله قرقاص ..

ما شاء الله عليك الاول على الدفعة , مع ان شكلك ما يوحي انك دافور ..

بس صراحة يوم عصيب ويتلف الاعصاب , تمنيت انك حملت المادة حتى يكمل الاكشن بس يالله ماعليه خيرها بغيرها ..

الله يوفقك يالغالي ببقية حياتك وييسر امورك ..

يعطيك ربي الف عافية على اليومية الرائعة ,,

كل الشكر لمن كان خلف الموضوع من جميع النواحي ..

عقـل الهلال · #13 04/04/2010, 03:04 AM

اييييه هذي المواقف اللي تشرح الصدر وتوسع الخاطر

الله يوفقك ويزيدك من فضله يارب

موقف ماينسى بس يونس ماهو مواقف بعض الناس من يبدأ الموقف لين تخلص وانت تبكي

قرقاص تمنياتي لك بالرقي بالدنيا والآخرة

أخوكـ عقل الهلال

Meme · #14 06/04/2010, 11:20 AM

قرقاص اخر شي طلعت صيدلاني هع ..

استمتعت جدا بقراءة نقطة تحولك .. بس تمنيت تكون حامل الماده << نذله هع

شووكرا مره لكل من كان خلف الكواليس ..

اختكم .. ميمي