أخوي خله ينقص من وزنه أول شي ويكون برشاقة ياسر على الاقل .. مو مثل ويلي .. لا .. مثل ياسر ..

بعدين نصبر عليه والا لا .

العنبر مع احترامي لكم مكانه في غير الهلال والله يخلي التايب انت وضميرك

العنبر مافيه مميزه اللي يقول عنده حس تهديفي ماعنده سالفه

لاعب بطى جدا ماعنده حماس ولاقتاليه على الكوره مهاره مافيه ولاكنترول كوره مافيه الا راس بس هذا اللي معجبكم ياشباب حنا مانلعب كوره في السودان عطني في خط 18 واسجل احيانا الوسط مايكون في يومه لازم تكون عندك مهاره وسرعه وتتحرك بدون كوره عشان تضغط على الدفاع او تحصل كوره خطا واذا ماعندك سرعه ومهاره انسى تسجل هدف

لعنبر صفر في كل شي فكونا من التطبيل والبقاء للافضل اذا مافيه مهاجم مثل ياسر او عيسى ماينفع لي

الحين انت تبي تقنعنا بالقوة ان محمد العنبر احسن من ياسر القحطاني

أدري بتقول هذا الرد من صغير واذا كان كبير فعقله صغير - وانت خذني على قد عقلي -

يا ما تكلمت وقلت ان العنبر ما يصلح بالهلال لاعب بطئ يقتل الفريق

وعلى الرغم من ان كلامك عن ياسر وهبوط مستواه ما قلنا حاجه الصويلح و المحياني خير بديل

بس العنبر ما ابيه أنا اكرهه داخل الملعب و أحبه خارجه وهذي حقيقة رجل محترم بس ما يعرف يلعب

إقتباس الرسالة الأصلية كتبت بواسطة بتاال نفس الكلام اللي في خاطري العنبر الموسم اللي راح لعب اربع او خمس مياريات وليس كامله يطلع في الربع ساعهالاخيره وسجل اكثر من سبع اهداف ومع ذالك لم يلقى مالقاه ياسر من التشجيع عند اضاعة الاهداف ظلم في ظلم العنبر انقذنا الموسم اللي راح في اكثر من مباراه ولم يلقى حتى نصف الدعم او ربعه ظلم في ظلم يجب ان يتثقفو الجمهووووووور)

فعلا ظلم x ظلم

ياسر جاب الدوري لك ما قبل الماضي من مباراة الاهلي وهدف التاكسي الشهير مو بهدف الاتحاد اللي بالنهائي
وكمان ضيع عليك الدوري العام الماضي بس عشانه رجع بالنهائي مصاب ونفسيا زفت لما حصل له من مؤامرات

هذا اكبر دليل على ان ياسر غصبن علينا نقول لاعب ولا حب واننا نعشقه كل هذا من وين يعني سحرنا خلانا نحبه
يا اخي يعشق الشعار عكس غيره اللي جايين عشان الفلوس وكلامي واضح ما ضيع الهلال بالبطولات الآسيوية الا الاحتراف
خل اللاعبين اللي يلعبون للشعار ياسر واشكاله أقصد الشلهوب والغامدي وشف وش بيسون لك

مع احترامي للعنبر ولكن لا يصلح للهلال ..

نريد نجوم كالمحياني ومن هو اعلى من مستواه ..

تتكلم انت عن ياسر ونسيت الحملات اللي صارت له

وكأن هذا المنتدى له وقامت الدنيا هذا ياسر يا مسلم

ماحدن يقدر يقوله شي وحتى يوم قال المدرج يتفرج ماحد قال شي

لانه ياسر تجي تقارنه بـ العنبر مستحيل

ومثل ما قلت في بدايتك كلامك ان فيه بعض الناس تتمنى يسجل ياسر ولو خسرالهلال


فـ هم جمهور ياسر ((المطبلين )) لياسر

وحنا جمهور الهلال وبس

الاخوة الاعزاء اقدر واحترم وجهة نظركم

لم أقارن العنبر بياسر ومن يقارن لا يفقه في الكرة مع احترامي الشديد له لكن في التعامل علينا لا نفرق كجماهير بين اللاعبين وجهة نظري .. ممكن اقارن العنبر بـ وليد الجيزاني ممكن ..

1-يعني خالد عزيز الذي وضع الفريق في حرج في كذا موقف متعمد ومع هذا وجد التصفيق له وكلنا معك و ارجع يا خالد والخ حتى اصبح جنرال في نظر البعض . مع انه في مباراة الإتحاد الأخيرة تسبب في الهدف الثاني ..

نأتي لإنتقاد ياسر ياسر واجه ضغوط ونعرفها جيداً لكن اين دور الجهاز الفني والإداري من انتشال اللاعب من هذه الضغوط ؟؟؟؟

وتخيلوا في مباراة السد ومباراة الإتحاد احرز هدفين لا يسجلوهم إلا ياسر وفي حين في مباراة الرائد ومباراة الإتحاد 5 صفر ومباراة النصر ضيع فرص محققه امام الباب ومباراة الرائد سدد كرة في العارضة والمرمى امامه فالفرق بين مباراة السد ومباراة الرائد ان ياسر خرج من الأزمة التي يعاني منها وسجل وابدع .. فهل تتوقع ان العنبر لا يعاني مثل ما يعاني ياسر او اي لاعب هلالي ..
فالإنصاف مطلوب

2- انا بنفسي انتقد ياسر في إحتفاظه بالكرة وعدم الفلسفة أمام المرمى و كتبت موضوع عن حسن اليامي وهدف في الهلال في ملعب نجران وياليت ياسر يستفيد منه بعد كذا رد من الهجوم حذف المشرف الموضوع وتعرضت لهجوم على ما اذكر انني قالوا عني مندس واني لست هلالي .. كل هذا من اجل انتقد ياسر فكيف جعلنا حبنا للاعب جعلنا مساوي لفريق !!!
فكيف يصبح انتقاد العنبر والتجريح فيه حلال وانتقاد ياسر بكل صراحة بدون تجريح حرام ..

ومع هذا اعتبر الكابتن ياسر المهاجم الأول في المملكة حتى الان .. مشكلة البعض ان يعتصب للاعب داخل الفريق الواحد وهذا مصيبة ولا اريد ان ازيد واضرب امثله كثيرة ..

كلنا نعرف ان الهلال هو الأول واللاعبين عليهم واجبات والجماهير عليهم كذلك ولا نفرق بين احد من اللاعبين ..


شاكر للجميع مشاركاتهم

يعطيك الف عاااافيه على الموضوووع

انا رأيي انو يروح إعاااااااااااااااااااارة

الاعب الفنان

تبان مهاراته في الميدان وتشوف له لمحه


حركه سحبه

حتي تجهيز كوره العنبر مايعرف


وماغير كورته الي جته من مدافع الاتحاد ماعرف يصلحا للياسر

اتركونا من العنبر


وفكر في كيف يفوز الهلال


الهلال فاز بدوري وولي العهد بدون العنبر


ومع رجوع العنبر سيخسر الهلال الكثير

مهاجم لاتخافه المدافين مايعرف يفر ولايراوغ وتاخذ منه الكوره بسهوله

واذا دخل التشكيله اغلقت التلفزيون باختصار

وربي موضوعك يهبل وكلامك عين العقل يابن الحلال لايهمونك جماهير ياسر ياخي ماكرهني في ياسر الا جماهيره ولا الرجال ماسوا لي شي اجل نسينا هدف الغير صحيح لياسر في الرائد المرمى فاضي وشايتها برا وجايين الحين يقولون العنبر لعبه بايخ ياعمي طيروا ياجماهير ياسر تراكم غثيتونا والعنبر لاعب مهم ومهم ومهم نسينا هدفه الي في الوحده الموسم الماضي وياسر جالس يستعرض بكعبه ولا بس شاطرين بهدف ياسر في الاتحاد غثيتونا فيه كلهم نفس الاهميه هدف ياسر جاب دوري وهدف العنبر خلانا ننافس على الدوري ولا كان طار للاتحاد الله يخلف على جماهير عقلياتها مدري وش تبي الله يوفق الهلال بس

اعيد واكرر مرة اخرى شكري لكل من شارك سواء من يوافقني او يختلف معي

ســــــــؤال يطرح نفسه

هل يتحمل العنبر خسارة الإتحاد ؟؟؟؟؟؟؟

لا احد يتحملها اللاعبين تغيروا بعد اصابه ويلي لانها اصابه بشعه ومقلقه مثل اصابة لاعب الإتحاد مبروك زايد اللاعبين تشتت تركيزهم ..

المهم البعض يجب عليه ان يكون اللاعب صاحب تسحيب او يحكم على حسب مباراة واحدة ومتى يحكم إذا كان اللاعب في اقل مستوى او يكون دخل احتياط في وقت حرج او يحكم عندما يكون الفريق هابط المستوى ( بمعنى ان ليس لديه اساليب القياس والحكم ) مع توقعي إنه لو كان ويلي متواجد في مباراة الإتحاد ووجود العنبر اتوقع الكرات العرضية سوف تكون من نصيب رأس العنبر .

بعد الهجوم على العنبر من الصحافة والجماهير تعاطفت مع اللاعب حقيقة وما تعرض له ليس إنصاف من جماهير الزعيم
التي طالما تغنت بـ الوقوف مع اللاعبين وعلينا مؤازتهم .. وفي الحقيقة ان بعض الجماهير هي جماهير لاعب وليس فريق ..

هنا الفرق والمشكلة

البحر الأحمر
الرياض

العنبر لو يلقى اهتمام من المدرب ويلعب اساسي واهتمام من الجمهور ليكتسب الثقه راح يكون المهاجم الاول في السعوديه