هوساوي ليتنا مامدحناك , جبت الطامه ..
يازوري يابارد انت سبب الهدف ..
الدعيع تكفى اعتزل وفكتا من نظام الرد بيد وحدة ..
الفريدي ضيعها بـ بروده وقتل الهجمات مكانك الدكة يابطل ..
جيرتس يرحم امك فكنا من نظام المحاور اللي قاعد تجرب فيه كل مبارتين ..

والله أتفق مع أصحاب العناوين لكن بهذه الطريقه نقدر نتناقش أو نتنقد نقدّ
بنّاء ؟ يعني كلنا يعرف ان أغلبية اللاعبين يدخلون على المنتديات الهلالية وش
ردة فعل اللاعب لما يقرأ ويشوف من أنصاره السب والشتم ؟؟ وش ردة فعله
وهو يقول اني فرحتهم طوال الموسم وعشان تعادل واحد سبّو فيني ..

ياأحبة والله العظيم وانا أشوف المباراة امس مع كذا شخص هلاليه كلهم سب في
الفريق ( يااخي السد صاقعهم في ملعبهم وحنا عاجزين نجيب هدف ) هذي بعض
أقوالهم يمكن تكون صحيحه لكن خلّونا نشوف أمس الاهلي كيف لعب , والله
العظيم مستوى رائع جدا وخصوصا خط الظهر كان منظم بشكل كبير يعني هذي مقولة
دايما تُردد ان اي فريق يلعب قدام الهلال راح يبدع وكأنه يلعب على نهائي .

و غياب ويلي البارح كان مؤثر جداً وتشكية إريك جيرتش يمكن تكون بوجهة
نظري او نظر بعض المشجعين ماكانت حلوة من البدايه يعني لو كان بدال الفريدي
عزيز أفضل لاننا متعودين أن عزيز دايما بجانب رادوي وأعماله مخفية بشكل كبير
لكن يمكن المدرب له هدف من هذا التكتيك انا وانت وغيرنا مايعرف إيش هو .

الخلاصة من كلامنا , انا ماراح امدح الفريق البارحه لا بالعكس الفريق أمس قدم
مستوى باهت جداً ولم يقدم نص مستواه المعهود لكن يمكن نقول تأثر إصابة ويلي
القى باإثره على بقية اللاعبين ويمكن هزيمة جدة كانت سبب أخر والله أعــلم ..

عموما , اللي ابي أوصله ان مجموعة الزعيم من جهاز إداري وفني ولاعبين قدمو
حتى الأن مايرضينا وبقوه ولو خرجنا من أسيا - لاسمح الله - فو الله العظيم ما
راح نزعل او ماراح ازعل لان الهلال قدم موسم إستثنائياً وموسم خورافي
ولكن باإذن الله طموحنا لن يتوقف عن نهائي الأبطال الآسيوي فتفكيرنا في كأس العالم
وكيفية الوصول لها باإذن الله وبتكاتف الجماهير الهلالية والصبر ثم الصبر .

الهلال هذا الموسم يمكن ماخسر الا خساره او خسارتين مؤثرة خسارة الشباب في
نهائي كأس فيصل رحمه الله وخسارة النصر و الإتحاد والأخرتين لم تؤثر بشئ
وافرحونا بـ بطولتين وباإذن الله الثالثه والرابعه بتجي وبنكلمها هذا الموسم .

اتمنى الإنتقاد يكون باإسلـوب عقلاني فالسب والشتم ماراح يفيد حالياً , أتمنى
ان نتكاتف جميعاً ونقدم باقات الورد والشكر والثناء للاعبين ولان نلومهم بـ
تعادل لم يؤثر حتى الأن في مسيرة الهلال في البطولة , فاللاعبين حالياً محتاجين
زرعة الثقة أكبر واكبر فيهم لتحقيقة أسيا الغائبة عن ثنائيا عرين الأسد .

رابطة الجماهير الهلالية ( البطاطي و غندر ومجلس الجمهور الهلالي )

بصراحه علامات الإستفهام تدور حول رابطة الجماهير انا ماحضرت هذا الموسم إلا
مباريات قليلة للهلال يمكن تكون سبع الى عشر مباريات ولكن حاليا نرى بعد كل
مباراة مواضيع سئيه عن الرابطة فاأتمنى إيجاد الحلول , وأيضا ً أتمنى ان لانحّمل
أحبتنا في الرابطة فوق طاقتهم فهم هلالين الميول وعاشققين للنادي مثلنا وحبّو ان
يقدمو خدمة بسيطه للكيآآن الهلالي , أجمل مباراة كانت في الحضور هي مباراة
الإتحاد والهلال في الدور الأول في دوري زين وهي الخماسيه الهلالية وانا واحد
من الحاضرين للملز في يوم المباراة فالتشجيع كان اوروبي بصراحه فاأتمنى لو
يرجع مسؤلي الرابطة للمباراة ويعدلون من وضعهم من المباريات القادمة .

بعثرة ظهرية الخميس .. أخوكم : محمد الحربي

دعواتكم لي بالتوفيق في دنياي وآخرتي ..

\


يبي لنا عدة حلول حتى نكون في افضل صورة :

* تغير الرابطة بشكل جـذري .. ولو مايكون فيه رابطة افضل من وجودها .. فالتشجيع الجماعي ماله مثيل ابداً .
* نقل مبارايات الهلال التي ستقام على ارضه اما لـ( الشرقية او القصيم ) حتى يكون الحضور في افضل حالاته وبشكل مشرف ورائع وتفاعل اجمل واروع .
* اي موضوع يحتوي على نقد جارح .. يحذف فوراً من قبل المشرفين .. فبقاء الموضوع لن يزيد سوى زيادة الأحتقان واشعال الأمور .



هذه حلول مبسطة .. لو طبقت بلاشك سنكون الأفضل باذن الله


احترامي لك


\

موضوع تشكر عليه الرقي في المواضيع والردود ايضا المفروض يكون شعار كل هلالي

إقتباس * نقل مبارايات الهلال التي ستقام على ارضه اما لـ( الشرقية او القصيم ) حتى يكون الحضور في افضل حالاته وبشكل مشرف ورائع وتفاعل اجمل واروع

آآآآآآآآآمل ينقلونها..انت تعال لللرياض يالعاشق الولهان

إقتباس الرسالة الأصلية كتبت بواسطة !!هلالي الرس!! آآآآآآآآآمل ينقلونها..انت تعال لللرياض يالعاشق الولهان

ولله الحمد .. علماً اني من المنطقة الشرقية .. الا اني كنت حاضراً لقاء الهلال والأهلي ..

ليقيني التام بجمهور الهلال في الرياض .. وعزوفه الدائم عن الحضوور ..

ولولا دعم المناطق الأخرى .. لما كانت الواجهة شبه ممتلئة


تحيتي


\

نعم بكل امانة هذا لا يصير من بعض جمهور الهلال عند الخسارة او تعادل نشوف نقد غير هادف
والسب والشتم لايعلمون ان الهلال هو بطل الدوري وبطل كاس ولى العهد ثلاث سنوات متتالية
نعم لازم يمر الفريق الهلال بهذا الشكل مستحيل يكون الفريق دائما بمستواء عالي وجميل
راي الهلال امس متميز في بداية المبارات حول ان يسجل بس الاهلي كل فريق دفاع
بمشاءالله الهلال بيتأهل الدوري 16 المركز الاول وبيـأهل الدوري الثمانية
بنسبة إلى الرابطة فاشل لاتليق بالهلال وجمهور وين ايام الحقوي بصراحة افضل بكثير

قهر...الي زعلان من تعادل امس يروح يشجع نادي ثاني موسم واحد ويرجع عشان يعرف انه عايش في عز

الله يبقى نادي القرن ممهما كانت الاسباب لا يهمونك الحماهير العير راضيه بكره ان شاء الله تشوف

انا والله العظم اني مسافر امس وجيت من حائل على الرياص وحضر المباراه بس على علشان نادي القرن

الهلال احسن في المملكة مهما قال الحاسدين واكبر دليل كل الفرق كل الفرق الآسياويه تريد الفوز على نادي الهلا ل

موضوع تشكر عليه الرقي في المواضيع والردود ايضا المفروض يكون شعار كل هلالي