وش رايكم بعد نطلب من جريتس انه يشارك بالرديف في مباريات الدور الثاني [ او دور الآياب ] في البطولة ..

خلاص راحت البطولة ..


اقسم بالله انا مو قاهرني الا شي واحد


يجيك اعضاء من سكان الرياض .. ويرد بعد المباراة ويتهجم على اللاعبين ومدري ايش وهو جالس في البيت ولا همه .. طيب ليه ما رحت الملعب .؟؟

اقسم بالله شي يقهرررر من قلب اني اشوف واحد واعرفه شخصيا ً وجالس في الرياض ويرد علي في الماسنجر يقول هذا فريق ولا وش هالمستوى .. طيب انت ليه ما رحت الملعب ؟؟

بعدين يا اخوان اول شي تراه تعادل مو خساره

ثاني شي الاول الهلال .. اقسم بالله العلي العظيم انه الهلال .. وش فيكم

كأن الهلال خلاص طلع من البطولة ..


يا اخوان وش فيكم الحين صار هوساوي داج ؟؟

الحين صار الدعيع عالة على الفريق وكبير في السن ومانبيه ؟

الحين صار نيفيز سيء وصفقة فاشله ؟؟

ليه انتم تنسون الي سووه طول الموسم في مباراة ؟؟؟

يا اخوان الكل شاف مباراة النصر مع الهلال في الدور الثاني

وشفنا بعدها الهلال وش سوى ..

حقق الدوري قبل نهايته بثلاث جولات وحقق ولي العهد ..

حقق 18 فوز في الدوري .. كرقم قياسي اعجازي ..

يا اخوان اقسم بالله حرام تنسون كل الي سووه اللاعبين عشان مباارة


المفروض نقول الحمد لله على كل حال وان شاء الله التعوييض في المباريات القادمه


والله اني طلعت من الملعب والدقيقه 38 من الشوط الثاني وكانت 1 - 0 ومادريت الا واحد في الشارع يقولي انها 1 - 1 وما صدقت لين اتصلت باحد الاصدقاء الي اثبتلي المعلومة

لكن الحمد لله قدر الله وما شاء فعل

إقتباس الرسالة الأصلية كتبت بواسطة rayan31 اخي العزيز لكل جواد كبوة وما حصل اليوم للزعيم هو كبوة جواد عربي أصيل وليس لديي أدنى شك أن الهلال سيعود الى رحلة الانتصارات فلا يوجد فريق يفوز دائما ارجو أن لا نقسوا على الهلال

الله يكثر من أمثالك فعلاً هذا الكلام المطلوب في مثل هذه الاوقات حيث انه يجب ان نشد من ازرلاعبينا الذين هم امس سبب فرحتنا بفوزهم بالدوري وبعدها الفوز بكاس ولي العهد .

اخي العزيز أشكرك على كلماتك الجميلة
وانا اتفق معك تماما
وليعلم الجميع أن
لكل جواد كبوة
وما حصل اليوم للزعيم هو كبوة جواد عربي أصيل
وليس لديي أدنى شك أن الهلال سيعود الى رحلة الانتصارات
فلا يوجد فريق يفوز دائما
ارجو أن لا نقسوا على الهلال

قــدر الله ومـاشـاء فعل ~

وين الناس الواعيه الي مثلك ياشيخ ، وربي انك بردت تسـبدي ، الله يبرد تسبدك

الاهلي مشواره كله خسارات

وما قال خلاص الاسيويه ضاعت

عندهم امل

موب حنا

موب خسرنا تعادلنا ونقول طلعنا

اولا:- لايوجد فريق لاينهزم والحمد لله على كل حال
ثانيا:- تغيرات جريتس اخر المباراه غريبه ودفاعيه بحته وجانبها الصواب كان يجب الابقاء على نيفز
ثالثا:- هدف التعادل للاهلي الامارتي في اخر الدقائق ومن هجمه وحيده وفيه حظ كبير للفريق الامارتي الذي كان يلعب مع الهلال بثمان مدافعين وواحد وسط ومهاجم فريق انهزامي وليس له طموح وحتى حارسهم ياخر الكوره وفريقه مهزوم
رابعا:- اتمنى التوفيق لزعيمنا الغالي في المباريات القادمه

أعوذ بالله

انت وش فيكم تراه تعادل خلاص ما
صار شيء بأذن الله نردها .. عليهم ~~


أذكروا الله ْ~

سبحان الله وبحمده ,,, يبحان الله العظيم

نستاهل التعادل بسبب الفرص الضائعة

نستاهل لأن جماهيرنا نتشحذها تحضر

نستاهل لأن في مجاملة للأسماء البرازيلية على حساب المصلحة العامة

نستاهل لان الفريدي الى يومنا هذا ما تدرب على اللمسة الواحدة

نستاهل لأننا لو نقص منا واحد يقولون علينا نتأثر بغيابه

نستاهل أكثر و أكثر و أكثر

الفلسفة مالها سنع هذي نقطتين ضاعت ونستاهل

عسانا نبطل مكابرة و نتعلم من أخطائنا هالمرة

نستاهل نستاهل نستاهل

إقتباس الرسالة الأصلية كتبت بواسطة AlZ3eemah نستاهل التعادل بسبب الفرص الضائعة نستاهل لأن جماهيرنا نتشحذها تحضر نستاهل لأن في مجاملة للأسماء البرازيلية على حساب المصلحة العامة نستاهل لان الفريدي الى يومنا هذا ما تدرب على اللمسة الواحدة نستاهل لأننا لو نقص منا واحد يقولون علينا نتأثر بغيابه نستاهل أكثر و أكثر و أكثر الفلسفة مالها سنع هذي نقطتين ضاعت ونستاهل عسانا نبطل مكابرة و نتعلم من أخطائنا هالمرة نستاهل نستاهل نستاهل

نستاهل لان الفريدي الى يومنا هذا ما تدرب على اللمسة الواحدة

نستاهل لأننا لو نقص منا واحد يقولون علينا نتأثر بغيابه

آشهد بالله قلتي الصدق ،، وفي الصميم ..

ونستااااااااااااهل ،،

والله هذا الكلام السليم
من مبااره قاموا على الاعبيه
من جد شي يقهر
وترانا لسع متصدرين
صح اليوم الهلال مو بيومه
بس ان شاء الله نعوضها في المباراه
يعطيك العافيه

قدر الله و ما شاء فعل...

مافي شي يرفع الضغظ اكثر من طريقة لعب الفرق الاماراتية الدفاعية غير جمهور المنتدى و جمهور الرياض. يعني ليش ما تروح الملعب؟ انا مقيم في امريكا و عندي عمل و صفيت الدوام عشان اتفرج على المباراة مباشرة و افتح موقع جستن و شوف الملعب فاضي. بعدين ما نجلس نحط الغلط على لاعب واحد او المدرب. الفريق فيه ٢٢ لاعب كلهم غلطانين. ليش ما تحاسبوا الهجوم عشان ماعرف يجيب غير قول واحد؟؟

المهم قدر الله وما شاء فعل.. مباراة انتهت و الرد يوم الثلاثاء ٣٠ مارس انشاء الله.

أخوي البطوله هذي غيرررر لازم نزعل ولازم ننتقد هذي أسيا ياعااااااااااااااااااالم ماهي بطوله عاديه الخطأ فيها لايغتفر .

وبعدين بالنسبه لسيء المستوى نيفيز ماجبناه إلا لكأس أسيا ومادفعت فيه هذه المبالغ إلا لأسيا فمن واجبه أنه يظهر في هذه البطوله .