السلام عليكم ورحمة الله وبركاته
شباب الحين كل الجماهير تبي الهلال يوصل العالمية بس والله مدري كيف تبو الفريق يوصل وانتو ما تملو الا الواجهة وين جماهير الهلال الي حضرت ضد الكويت الكويتي والوحدة الاماراتي شوفو الملعب كيف كان ولا كرسي فاضي
اما الحين الواجهة وبس ليه يعني والله الاعبين يتعبو نفسيا لما يشوفو ورا المرمى وعلى يمين المنصة ولا على يسار المنصة فاضية وهم جالسين يقدمو احسن مستوياتهم
والله الواجهة لحالها ما تكفي
والله لو موبايلي تنقل جماهير من جدة والاحساء والقصيم للشعبية الهلال الكبيرة في هذي المناطق


الحين نجي للرابطة والله ما ادري نادي بحجم الهلال ماعنده رابطة زي الناس ما يعرفو يحمسو الجماهير ولا اهازيج جديدة بالعربي لو تبو تجلسو بالهلال شوفو جماهير الهلال وش تبي
1/نبي مايكات زي العالم وناس والله ما نسمع شي منكم صوت واطي ومشوش
2/نفس الاهازيج ياهلال عزك عزنا او حبيبكم مين هلال وين صرنا كأننا في الابتدائي
3/والله مدري وش تحسو فيه لما تجلسو على الاهازيح 4 دقايق المفروض كل اهزوجة دقيقة
4/بعض الاحيان تقولو شعر زي هذي من عندي ياسر يابطل يالي سجلت هدف امس في الدقيقة 22 كبف تبو الجماهير تشجع زي هذي الاهازيج الطويلة والله ترفعو الظغط
5/نبي كل اهازيجنا يكون فيها تصفيق بايد والله كذا نحمس الاعبين اما احنا نص اهازيجنا من دون تصفيق زي ياهلال عزك عزنا والله بطلوها خلااص وحبيبكم مين ما نبيها مافيها تصفيق وما تحمس الجمهور والاعبين بنفس الوقت لو فيه تصفيق والله كل الملعب بيشجع ويصفق زي القرني شوفو كيف يحمس الجماهير يقول اهزوجة قصيرة وفيها تصفيق يجلس نص دقيقة بعدين اهزوجة ثانية وفيها تصفيق باليد والله حماس
6/مشكلة الرابطة لما تشجع ومحد يشجع معهم ما يقولو شي بالعكس يكملو لازم يكلم الجمهور ويقولهم صوت واحد
7/اذا اخترع اهزوجة في الملعب لازم يفهمها اللجمهور مثلا يقولهم انا بقول حبيكيم مين وانتو تردو هلااال بس غير هذي الاهزوجة
8/ما نبيكم تشجعو ياسر لحاله والله اكثر واحد يستاهل تشجيع رادوي ولي: لي يونج
بالعربي كل الاعبين
شباب وصولها للرابطة
اخر شي الاعب لي يونج لقيت واحد كاتب طريقة نشجعه فيها وهي الرابطة تقول لي يونج والجمهور يصقف ثلاث مرات والثانية لي يونج بو هييييي
وشكرا واسف على الاطالة تكفى ارفعو الموضوع والله مهم