صباحـكم ســـكر ومســائكم ورد

مدخل....
Good FRIENDS are hard to find, harder to leave, and impossible to forget

مااحب المقدمات بكل شى
بس بمى اني لازم ابدى ببدايه ببدى من بدايه حياتي >>

يوم كنت صغيره كانت طفولتي بثرره واحب احاكي الكبار واقلدهم

اكيد مو لبس كعب امي

ولا اخرب مكياج اختي
ولا انظف عن الشغاله الي مستانسه ع طفولتي.... هاذي اشياء جدآعاديه




بس الي افكر فيه للحين واقول وش لون اهلي ساكتين لي
هو اني مثل ماقلت لكم احب محأكاه الكبار كنت دايما عند جدتي وانام واجلس واكل واصلي معها بعد
واسمعها دايما تقول الله يهدي (....) >> الي هو عمي وانا مدري وش قصدها بس اسمعها تقولها كثييييير
قرر ابوي يودينا مكه و يوم مشوا تذكروني ورجعو اخذدوني موعلشاني اكيد علشان يريحوني من جدتي مني

رحنا مكه واصلي على الاموات اقلد الكبار وانا مدري وش يقولون بالصلاه
المهم يوم رجعنا طبعا ع طووول رجعوني لمقر اقامتي جدتي وللحين تدعي الله يهدي (... )فلان
جا عمي الي تجيه دعوات كل ثانيه قالي وش جبتي لي من مكه بسوي نفسي كبيره قلت رحنا بس نصلي مارحنا للسوق
قال طيب وش دعيتي لي قلت الله يهديك ..........
والله ماانسى وجهه صرفني وقال روحي نامي >> هو طيب والله لو اني مكانه لااوري نفسي الشغل

وموقف ثاني عن طفولتي الشيخوخيه
كنت اسمع ابوي اذا جا الظهر يقول بروح اخذ غفوة حبيت الكلمه علشان احد كبير قالها
صرت امثل ان فيني النوم علشان اقول بروح اخذ غفله ومشت الايام وانا اخذ غفله
لين مره جا خالي يتغدى عندنا و اول ماخلصت غدا قات بروح اخذ غفله
ومن بعد ماقلتها تحطمت معنوياتي وتزعزت الثقه من ضحك خالي وزعلت
حتى زعلي زعل كبار ماصيح عند احد اروح لاي مكان لحالي واكثر مكان يضم دمعاتي المستودع لين امي جت وفهمتني وش الكلمه الصح
وماخربني الا امي الي معطتني وجه >> هالقلوب هديتك يمه ليوم الأم


وكبرت وكـل ماتذكرت هالمواقف اضحك واقول الله لايبلاني ببنت مثل طفولتي ,,

بس بصراحه للحين احب كلام الكبار


وهذا موضوعي احب كلام العجايز واكثـر شى امثالهم ومو شرط كلام العجايز
أي احد يقول بسالفته مثل بس اقول كبار لان الحين مايقول امثال الا الكبار >> كم مره قلت كبار
المهم
الامثال تعجبني واحاول احفظها بس فيه امثال غريبه شوي
مثل ابوي اذا شافني اذاكر يقولي ترى يابنيتي نص الميه خمسين ..

طيب صح ونص الخمسين خمس وعشرين وش هالمثل الغريب وش علاقه القسمه في الناس الي نقولهم لا تستعجلون



بس عموما الامثال من الاشياء الي تأكد كلامك حتى لو كـان خطا مره اتناقش مع قريبتي وكانت وجهه نظرها بالنسبه لي خطا
واحاول اقنعها لين قالت مثل ولمى قالت المثل اضطريت اسكت مع ان رايها خطا ..


ومن هذا المنطلق احب الامثال لان فيها تقدر تقنع الناس بأقل وقت
وقريت عنها انها اوقع في النفس وابلغ من الوعظ واقوى من الزجر ..
واهمها ان الله سبحانه وتعالى اختارها لاقناع الناس ( وتلك الامثال نضربها للناس لعلهم يتفكرون )



امثال عجبتني


الجاهل يؤكد,والعالم يشك ,والعاقل يتروى
الخوف معلم > امرسون ترجموها اهلنا من خاف سلم
اذا فاتك العلم التزم الصمت
الشجره المثمره ترمى بالحجاره دائما
اعطني صحه واعطيك ثروتي ..



فحبيت اشوف وش الشي الي تحبون تتميزون فيه بطريقه كلامكم الامثال واذا كنت كذا وش احلى( مثل )سمعته
او من تحبون المصطلحات بالانقلش الي تحلي كلامكم ..
سوري ع الاطاله ...

......مخرج
Good friends are like STARS You don't always see them, but you know they are ALWAYS
THERE