إقتباس الرسالة الأصلية كتبت بواسطة الغرناطي أخوي موج 9 .. لا روما و لا ميلان يستاهل الأسكوديتو .. الإنتر هو اللي يستاهله ,, ميلان يعاني من مشاكل بالإدارة و مدرب جديد و ميركاتو مب بالمستوى ,, و العاهات كثيرين / و أنت أدرى .. و روما مشاكل مالية و بداية سيئة .. الإنتر / إعداد ممتاز , مدرب داهية .. ميركاتو صح .. هو الأكثر استحقاقاً ..

أيوه يا شيخ .. قل كذا من أول .. هذا عين الصواب ..
موب روما أزين من ميلان مدري أكثر استحقاق ما أدري أيش ..

لكن لو حقق ميلان الدوري أو روما أو حتى سيينا سيكون هو الأحق به ..
لأنه بالأخير من سيحقق النقاط الأكثر يستحق اللقب ..

كل التوفيق لكل أندية إيطاليا

إقتباس هنا تقول متعجبا ً: ( وكأن روما ليس منافس )

إقتباس وهنا تعترف وتقول : ( ما أظن روما بيفوز بالدوري ) تناقضات سريعة !

شكلك مافهمت فكرتي او انك تحاول تجيب شي فقط عشان تقول تناقض وهو مافيه اي تناقض او ربط بين الموضوعين وهذا موضوع مختلف ماله علاقة وهذا موضوع ثاني قناة الجزيرة كقناة محايدة يفترض انها تعطي الأولوية للفريق المنافس على اللقب مو فرق ترتيبها اقل حتى باليرمو لو كان مايلعب روما يفترض مباراته تاخذ اهمية وتحلل بالأستوديو لانه بالمركز الرابع هذا المفترض نشوفه من قناة مفترض تكون محايدة

اما بالنسبة لروما وهل هو قادر ينافس أولاً لانه فريق مايتبع اسلوب الأرهاب وتهديد الحكام بالقتل بالهواتف مثل مسؤولي بعض الاندية ولاعنده مسؤولين يجتمعون مع الحكام في مطاعم
صحيح روما حالياً مايملك لعيبة قادرين على المنافسة بدوري طويل وصعب مثل الكالشيو فوزنا بالدوري 2001 تحقق بوجود مدرب كبير كابيلو ووجود لعيبة كبار توتي كان في اوج عطائه وبجية باتيستوتا الغني عن التعريف مع مونتيلا وكافو وايمرسون وتوماسي وكانديلا وناكاتا والديير وصامويل واسنساو ودليفيكو ذي مجموعة هي اللير جابت الدوري عكس الفريق الحالي لايوجد فيه الا دي روسي وبيزارو وجوان وتوتي اللي مستحيل بهالسن نشوف عطاءه مثل 2001 بعنى اربعة لاعبين مستحيل تنافس فيهم بدوري طويل وهالشي بعد ينطبق على ميلان مايملك الا يمكن ارعبة لاعبين بالتأكيد هم مايشكلون مجموعة قوية يجب ان تكون من 11 وصف احتياطي مثل الانتر حالياً اللي هو اقوى واجدر بالفوز باللقب

إقتباس روماوية .. ليه مقهورين من ميلان بعكس الانتراوية اللي إلى الحين ماسكين أعصابهم وواثقين من فريقهم وأنفسهم .. ؟ اللوم ما هو على ميلان .. اللوم عليكم أنتم .. فرطتوا في الفوز على الوصيف بالأولمبيكو .. فرطتوا في الفوز على المتصدر في أرضه .. بإضاعة فرص حقيقة .. كان أولها انفراده بسيزار .. 6 نقاط كانت كفيلة بخطف الصدارة .. !

هذا انت قلت ماسكين اعصابهم للحين انتظر بس الميلان يتجاوز الأنتر بالنقاط وبتشوف ثورة الانتراوية الكبرى هنا بالمنتدى وبنشوف اكثر من عشرة مواضيع تنزل على المهازل التحكيمية اللي صارت في صالح الميلان وبنشوف بعد انواع الملاقط

وبالمناسبة نظرة فنية اتوقع في حال تجاوز الميلان الانتر بالنقاط الانتر بينهار انهيار غير طبيعي واتوقع يفقد حتى المركز الثاني ومتوقع نشوف تصاريح نارية بتأدي لايقفات كثيرة من مورينهو او غيره

إقتباس جوزيه مورينهو : " نحن جميعا نعلم لماذا ميلان وصل إلى -1 " البرتغالي جوزيه مورينيو يعود ليتحدث في المؤتمر الصحفي وكانت المناسبة عشية السباق الحاسم ضد تشلسي مع آنشلوتي في دوري ابطال أوروبا إلا أن المدرب لا يزال يأخذ الفرصة للحديث عن بعض التغيرات في الدوري الايطالي : " الانتر هو بطل الدوري ، تلك مسألة أخرى . ولكننا جميعا نعرف لماذا تغيرت الحالة ولماذا ميلان قد وصل إلى -1 ، أفضل عدم الحديث أكثر عن ذلك لأني أخاف إن تكلمت سيكون هناك إيقاف لثلاث مباريات أخرى . " ،،، تلك هي فائدة العقوبات .. الإتحاد الإيطالي أدب مورينهو .. بعد أن كان يهتف بالكلمات هنا وهناك دون أن يلقي لها بال .. أصبح يحسب ألف حساب قبل أن يتكلم .. أو يحتفط بها لنفسه ..

انت تدري يا مورينهو وحنا ندري كيف وصل للميلان +1

مورينهو ماسك اعصابه فقط عشان الفريق عنده مشاركة مهمة بدوري الأبطال لكن ننتظر الأيام الجاية اللي بتولع من ناحية التصاريح في حالة تجاوز الميلان الانتر بالنقاط وانا متأكد ان مورينهو بينفلت لسانه ولاراح يسكت وبتجيه ايقافات مباريات اكثر من السابق ومو بس مورينهو حتى لعيبة الانترومسؤوليه متوقع بتفلت اعاصبهم ونشوف تصاريح ناريه قد تفضح حتى ماوراء الكواليس وموب صحيح فكرتك ان مورينهو تأدب ولاعاد بيصرح تصاريح قوية