مباراه جت في وقتها .. نشوه الانتصار و انتزاع الصداره الليغا هذي عوامل نفسيه
ايجابيه تصب في مصلحه الريال .. كل خوفي ان الريال يستعجل الفوز و يبالغ في الهجوم
وقتها ما تضمن هجمه مرتده منضمه من ليون و شباكنا تهتز .. عااد الهدف حسابه عسير
بـ النسبه لـ الغيابات .. الونسو غيابه مؤثر جدا و له تقله بـ الفريق بـ حكم انه هو
همزه الوصل بين خطوط الفريق .. بيلي اتوقع منه البدء بـ جوتي و لاسانا
و فارت راح يكون على الدكه ..
مارسيليو .. غيابه غير مؤثر لان البديل جاهز .. الريال حتى مع اصابه بيبي و عدم
جلب مدافع في الميركاتو الشتوي الا ان بيلي عنده خيارات متعدده في الخط الخلفي
للفريق و هذا اللي خلى غياب مارسيليو غير مؤثر بـ النسبه لي
بن زيما .. غيابه مؤثر على الفريق بحكم انه يعتبر بديل ممتاز و غيابه راح يقلل
من الخيارات الهجوميه لدى بيلي .. ما راح يكون عنده الا راؤول في الدكه و هنا
يكمن تأثير غياب البنز

الريال داخل هـ اللقاء بقصد ضرب عصفورين بـ حجر واحد .. هزيمه ليون لاول مره
و فك عقده الدور المشؤوم الــ 16 .. و الريال قدها ان شاء الله



مباراه القمه و النهائي المبكر

لو نتكلم بـ المنطق .. نقول المان مأمن نفسه في الذهاب .. لكن الكوره علمتنا ان كلمه
المنطق غير معترف بها في قاموسها المجنون .. فما بالك اذا كان الطرف الاخر هو الميلان
ما اتوقع ان المانيو راح يدخل اللقاء و هو مقفل .. لانه هذي مو من عوايد الشايب
حتى لو اني فايز بـ الذهاب .. لازم انهي كل شيء و ما اخلي لـ المنافس فرصه انه
يفرض اسلوب لعبه علي

الشيء السيء اللي راح نفتقده و هو غياب ابرز لاعبين في الفريقين و هما باتو و روني